انا افكر بالطلاق لانه صايع

يابنات ابي فزعه لوحده من صديقاتي اكتب عنها لان ماعندها كمبيوتر

عمري 22 تزوجت من واحد عمره 36 مطلق وعنده بنت تمت خطبتي عليه وكان مافي احسن منه وتزوجنا وسافرنا وبصراحه حبيته حب مو طبيعي الا درجة لو يطلع اجلس ابكي زي البزر المهم بعد زواجي بثلاث شهور اكتشفت اشياء تهول الراس كنت اسمعها من الناس وقبل مايتزوجني ابوي نصحني قال لي تراه راعي سفر بس قلت انا الي بجيب راسه لاحظت عليه تصرفات كانت ماتعجبني اذا طلعت الاسواق باله بس بالبني الي ملثمات والكتف ويناظر ولايشيل عينه غير كذا كانو خواته يوصوني لاتخلينه يسافر لحاله ومكالماته كثيره وطلعاته اكثريوم من الايام حاسبته عن تصرفاته المغزلجيه قال لي مو عاجبك روحي لااهلك واتزوج اطلق بنت قلت محد بقابل فيك قال لي كفايه رنا الي تموت بتراب رجولي عزكم الله بعدها انا انصدمت وصرت افكر بكلامه صرت ابحث عن ماضيه قمت وخليت وحده من صديقاتي تعطيني برينت كامل عن جوزاه ولاحظت سفره كثير لسوريا ومصر سالته انت وش عندك بمصر وسوريا يتهرب من سوالي وحده من خواته ارتاح لها شكيت لها عن اخوها وقامت اسردت ماضيه قالت متزوج مصريه وسوريه بالعرفي بنات الهوى وعنده ولد بمصر وكلهم طلقهم انا سمعت الخبر منها وجلست اصيح وجاني نزيف شديد من الزعل بعدها رحت وحاسبته وقلت له اعترف بماضيك ورفض وتهاوشت وياه وصلت لين مدت اليد بعدها اعترف لي بعد مااعترف انا صرت اشك واغار بزياده حرمت نفسي من السفر معه ومن طلعات الي فيها امكان بنات وكثير وكثير لانه مايحترمني اذا طعنا يجلس ساكت ويطالع بهالبنات ولا سرحان ولا يكلم اصدقاه وانا حاطني على جنب واذا جلست اسولف يسرح ولا يقطع كلامي ودايم على الدش وعلى القناوت الي كلها رقص الله كتب بيني وبينه ولد ورحت عند اهلي اتنفس صار الرجال مايجي ولا يعطيني مصروف كالعاده الرجال لازم يجيب مقاضي مرته ولا جاب ولااتصال مغير انا الي الاحقه واتصل صارت نفسيتي مكتئبه مغير صياح بعد عشرين يوم من نفاسي دقيت على جواله مقفل دقيت على اخوه اسئل عنه قال لي بمهمه انا حسني قلبي انه مسافر واسئل عنه بالعمل وجابو خبره انه مسافر وانا هنا وصلت مرحله يائسه نقصت فيها 12 كيلو من الهم والتفكير وش يسوي وين راح مع مين قاعد افكار سيئه جلس 15 يوم وشرف كنت متوقعه انه يتصل علي انا الي اتصلت واجهته بالموضوع وانكر وبعدها رحت بيتي انا ماجا اخذني لاني احبه واحب بيتي تغير معي بعد السفر صرنا دايم هاوش ابيه يقول لي ليش سافر وبعدها لقيت بدولابه اوراق كباين مصر وشريحه جوال وقلت له وش هذا قال وانا اكلم ولدي واحيانا طليقتي قلت له مايحق لك مايجوز قال لي مو عاجبك روحي عند اهللك وش تبين فيني وانا صايع اقول له انا احبك ولاقدر افارقك يقول انتي ماعندك كرامه صرنا يوميا مشاكل فقدت الثقه بنفسي صرت حزينه ودايم سرحانه افكر حاطه ايدي على قلبي انه بيرجع لها ولا بيتزوج علي صرت اضرب نفسي علشان تبرد حرتي وااشوه نفسي من ضرب الوجه لما نتهاوش ولا يرحمني ويطلع ويخليني يابنات انا مقدر اشكي لااهلي لانهم قالو هذا الي اخترتيه ورفضتي ولد ماتزوج صرت بحاله نفسيه سيئه سيئه ابي حل ابي حل والله اني اكتب وانا ابكي احب اقولكم اني كنت جميله وقايمه بحقوقه من جميع النواحي حتى هو يعترف له يقول ماراح القا وحده زيك بس عيبك غيرتك وعصبيتك ياناس انا ابي حل


طولت عليكم بس اعذروني لاني حاسه فيكم الخير تساعدونها ......