بسم الله الرحمن الرحيم
كيفكم ياحلوااات ان شاء الله بخير:39:
انا حقولكم قصتي من اول ليلة بزواجي لحد اليوم اولا انا متزوجه من رجل متزوج وعنده اولاد وهو اكبر مني بالعمر وهذه مو المشكله من اول يوم في زواجي تخيلوا حضروا اهله كلهم جو سلموا عليا بالغرفه وخرجوا على طول لباب القاعه راحوا بيوتهم شفتوا القهر انا بصراحه وقتها كنت برفض اروح معاه واطلب الطلاق لانه اللي سووه مايرضي احد لانهم هم اللي جو وخطبوني لاخوهم بحكم المشاكل اللي بينهم وبين زوجة اخوهم وم محترمتهم ولا معطيتهم وجه المهم ومع اصرار اهلي اني اطنش سكت وطنشت ورحت بيتي وعلى فكرة زوجي ماكان عنده خبر بانه اهله خرجوا غير انا اللي قلت له ولما تاكد سوا مشكله معاهم انا ماقلت عشان يسوي مشكله معاهم انا كنت بعرف السبب بس لروحتهم وعدم جلوسهم في القاعه المهم من بداية حياتي معاه مشاكل بسبب زوجته واولادهصحيح اني عارفه بانه متزوج لكن قلت بنفسي هذا شيخ بيخاف ربه يعني بيعدل بيننا وانا مااطلب اكثر من حقي ابغى العــــــــدل وبس الحين انا اكتب جالسه ابكي من القهر اللي فيني منه افكر اطلب الطلاق الله يخليكم يابنات لاتبخلوا علي بردودكم زوجته وبناته يضايقوني باتصالاتهم عليه ويوم ماوصل حدي تناقشت معاه بكل هدوء وقلت له انت كل يوم بتروح عندهم حتى اذا كان يومي بتروح وتطمن عليهم وتجلس معاهم وانا ماازعل من هذا الشي ابدا انا اللي يضايقني اول ماتجي عندي يبداون يتصلون عليك المشكله مو مرة وحده بالدور يتصلون عليه كل شوي لدرجه اني مااقدر اجلس معاه براحتي وانا اقول يابنت خليكي احسن منهم طنشي وكنت اصبر نفسي عارفين ايش قال انا لو بناتي يتصلون كل دقيقه عشان يقولون وحشتنا على قلبي زي العسل بالله هذا رد يرده وانا لي الحين 4 اشهر وينكر انه زوجته تتصل عليه وهي والله تتصل وانا اكون جالسه ويرد عليها قدامي باسمها لو تتصل للضرورة مو مشكله بس اشياء جدا تافهه حركاتهم حركات تطفيش لكن هو مو راضي يقتنع بالكلام ده انا ماابي الغي وجودهم بحياته بس انا بعيش حياتي معاه براحتي من غير اي مضايقات منهم مثل ماانا مااضايقهم ابدا اذا كان يومهم لكن اللي اكتشفته مافي رجال يخاف ربه لاشيخ ولا شي انا الحين باخذ رايكم بشي هو لحد الان مااضافني بكرت العائله تخيلوا عرفت صدفه سبحان الله وقال معليش اصبري علشاني والدنيا حياة وممات بصراحه انا صبرت لحد اليوم وحاسه نفسي خلاص مااقدر اتحمل اكثر من كذ لاني ماني حاسه بالاستقرار والامان والراحه وسبب عدم اضافته ليا بناته مع العلم انه تزوجني وزوجته واولاده كلهم عارفين انه بيتزوج وانا افكر الحين افاتحه بالموضوع وش رايكم بالنسبه لي خلاص ملللللللللللللللللليييييييييت منه ومن تصرفاته يعني حرام والله يحرمني من ابسط حقوقي هو مو متزوجني مسيار او بالسر والبارح راح الطائف مع اهله وماراح يجي الا بعد بكره ولاحظوا انهم اخذين يومي ولا فكر يعطيني ريال واحد في زوج يسافر من غير مايعطي زوجته فلوس ولا فكر يتصل وجوالاته كلها مقفله عصبت:mad: منه لكن خلاص انا بالنسبه لي حسمت الامر مع نفسي بطلب الطلاق الحمد لله انا مو ناقصني شي الحمد لله اولا انا اصغر منه ب15 سنه ثانيا مملوحه والحمد لله ثالثا جسمي حلو وبيضه ليه يتعامل معاي بالطريقه هذه لو عنده سبب كان عرفته لاني سالته وقال بالعكس انتي مو مقصرة عليا بشي ومريحتني بكل شي انتوا عارفين المقصد انتي مو من نوع الحريم اللي يزعجون رجالهم بالنق والكلام الكثير يقولي بكل صلاة احمد ربي اني تزوجت انسانه مو تاعبتني بحياتي طيب مادام هذا كلامه ليش يتعامل معاي بالطريقه هذه انا مرة تعبت ونفسيتي صارت زي الزفت عمري ماكنت كذا بحياتي كلها :icon33::icon33::icon33:احيانا احس انه يبغاني واحيانا كثير احس انه مايبغاني بسبب تصرفاته معايا احس انه مايبغى اي شي يربطني فيه خصوصا لما تاخرت الدورة وافتكر اني حامل وقال لو كنتي حامل نسوي اجهاض على طول من غير مراعاة لمشاعري يقول انا ابغى انبسط تخيلوا حسسني انه اخذني عشان _____ وبس شاوروني الله يخليكم وش اسوي افكر اول مايجي هو اكيد حيجي عندي عشان يسلم افكر اقوله لاتجي عندي اليوم ارتاح ببيتك وبكرة تعال لانه لما يجي حيكون يومهم طبعا مو يومي وانا ماودي اشوف وجهه بصراحه خلاص بدات احس اني اكرهه لا وكمان مايبيني اتعرف على جاراتي ولا اشتغل ولا شي تفكيره قدييييييييييم زي رجال زمااااااان الحرمه :angry:وتكنس وتمسح وتنظف بس احس نفسي كاني خدامه جايبها عنده لا والله انا مو كذا ابدا وعلى الرغم من عدم تقصيري بشؤون بيتي لكن والله ماعمري قصرت عليه بش او اهملت بنفسي والحمد لله احب التجديد الدائم بحياتي وهذا كلامه يقول انتي دائما متجدده ماشاء الله عليكي
اول مرة امر بحاله اني اكون حزينه على نفسي وحياتي عمري بحياتي كلها مامريت بالحاله السيئه هذه بالله عليكم لاتبخلون علي بردودكم وش اسوي فكرة الطلاق مستحوذه على تفكيري كله بصراحه وش اسوي معاه لما يجي المشكله لما اتناقش معاه بالموضع يطلعني انا الغلطانه لازم يخرج نفسه من الموضوع ويسوي نفسه زعلان ومتكدر كاني انا اللي اخطيت بحقه :44: من جد شي يقهر وينرفز
انا عارفه ممكن اي وحده فيكم اذا قرات الموضوع تقول موضوع موو مهم او تافه لكن والله مو بس هذه اللي حاصله بحياتي 4 اشهر وحصلت مشاكل كثيرة بسبب زوجته واولاده بس كنت اصبر واحتسب امري لله عزوجل لكن الحين خلاص حسيت نفسي ماني قادرة اتحمل اكثر من كذا هذا غير اني انسانه فيني عين قويه هذا كلام الشيخ اللي كنت اتعالج عنده وزوجي عارف هالشيء لانه هو يرقي ويعالج ولا فكر يعالجني :icon33:
والمعذرة عالاطاله ولاتبخلوا علي بارائكم وشـــــــــــــــــــــــــــكرا
يلزم عليك تسجيل الدخول أولًا لكتابة تعليق.
احن لها
•
استخيري الله قبل اي قرار ....واكثري من الأستغفاراستخيري الله قبل اي قرار ....واكثري من الأستغفار
وانتي ليه للحين تسمينه شيخ ؟
ولا اي واحد نشوفه ملتحي ومقصر الثوب قلنا شيخ ! وهو تصرفاته ابعد ماتكون عن الدين
حسبي الله على كل شخص تقمص دور الملتزم في الدين واخذ القشور منها والشكليات وترك المضمون شوهو صورة الدين والمشايخ ..
ادري مو هذا الموضوع بس من غيرتي على الدين ومنقهره من مفهومنا الخاطئ له ..
اجل يقول اجهضي !!!!
استغفر الله مابي احط في ذمتي شي ولا رح اقولك رايي انتي استخيري رب العالمين اول وشاوري اهلك هم مهما كان ادرى مننا كلنا ..
ويمكن كمان الأولى مظلومه وانتي مظلومه وكلكم مو متهنيين وانا بصراحه دائما اتعاطف مع الزوجه الأولى اكثر عشان كذا مارح ابدي رأيي ..
الله يوفقكم وييسر حياتكم ..
عزوة
•
الله يفرج همك ويساعدك
تعوذي من الشيطان الرجيم
ياختي اذا كان على زوجته وعياله فتره وبيملون من الاتصالات وبعدين صلحي زيهم اتصلي وهو عندهم
زي ما يعاملونك عامليهم00
ياختي شوفي لقب المطلقه في مجتمعنا00وحالتها والله يرثالها
عندي خاتي والله حالتها يرثالها خاصه لانها هي اللي طلبت الطلاق والله جنت على نفسها الله يفرج لها
وطالما انتي حاطه الطلاق قدام عيونك مراح تحصلين لحل
ياحبيبتي توك عروس تميلحي واذا جاك لاتذكرين له بيته الثاني لابخير ولابشر
اليوم اللي يكون عندك عيشيه في بسعاده والله كذا تملكين قلبه
وقبل لاتقدمين على الطلاق استخيري ربك00تكفين لاتستعجلين
واذا على الرقيه ياحبيبتي انتي ارقي نفسك وخاصه اليوم اللي ماهو عندك حاولي تقرين البقره
الله يكون بعونك يدلك على الصواب
تعوذي من الشيطان الرجيم
ياختي اذا كان على زوجته وعياله فتره وبيملون من الاتصالات وبعدين صلحي زيهم اتصلي وهو عندهم
زي ما يعاملونك عامليهم00
ياختي شوفي لقب المطلقه في مجتمعنا00وحالتها والله يرثالها
عندي خاتي والله حالتها يرثالها خاصه لانها هي اللي طلبت الطلاق والله جنت على نفسها الله يفرج لها
وطالما انتي حاطه الطلاق قدام عيونك مراح تحصلين لحل
ياحبيبتي توك عروس تميلحي واذا جاك لاتذكرين له بيته الثاني لابخير ولابشر
اليوم اللي يكون عندك عيشيه في بسعاده والله كذا تملكين قلبه
وقبل لاتقدمين على الطلاق استخيري ربك00تكفين لاتستعجلين
واذا على الرقيه ياحبيبتي انتي ارقي نفسك وخاصه اليوم اللي ماهو عندك حاولي تقرين البقره
الله يكون بعونك يدلك على الصواب
احن لها :
وانتي ليه للحين تسمينه شيخ ؟ ولا اي واحد نشوفه ملتحي ومقصر الثوب قلنا شيخ ! وهو تصرفاته ابعد ماتكون عن الدين حسبي الله على كل شخص تقمص دور الملتزم في الدين واخذ القشور منها والشكليات وترك المضمون شوهو صورة الدين والمشايخ .. ادري مو هذا الموضوع بس من غيرتي على الدين ومنقهره من مفهومنا الخاطئ له .. اجل يقول اجهضي !!!! استغفر الله مابي احط في ذمتي شي ولا رح اقولك رايي انتي استخيري رب العالمين اول وشاوري اهلك هم مهما كان ادرى مننا كلنا .. ويمكن كمان الأولى مظلومه وانتي مظلومه وكلكم مو متهنيين وانا بصراحه دائما اتعاطف مع الزوجه الأولى اكثر عشان كذا مارح ابدي رأيي .. الله يوفقكم وييسر حياتكم ..وانتي ليه للحين تسمينه شيخ ؟ ولا اي واحد نشوفه ملتحي ومقصر الثوب قلنا شيخ ! وهو تصرفاته ابعد...
شكرا لك ياقلبي عالرد لكن لما قلت انه شيخ لانه مؤذن في المسجد غير كذا انه يعالج الناس بالرقيه الشرعيه ثانيا ياعمري انا كنت زيك دائما مع الزوجه الاولى على بالي انه الزوجه الاولى هي المظلومة دائما لكن مو شرط ممكن تكون الزوجه الثانيه مظلومة كمان وممكن تكون الاولى مقوية ومتسلطه وممكن العكس
الصفحة الأخيرة
ربي يفرج همك و يسخره لك ..