انا اقرب سوبر ماركت لجاراتي

السلام عليكم ورحمه الله وبركاته

يا بنات يا خواتي في الله انا مش عشان قيمه الغرض الي بيستعيروه مني جاراتي بس مليت :09:
وبصراحه حاليا كلما طلبو مني شيء صرت اتعصب من الداخل :angry2: وانغث واحرق اعصابي بس طبعا مابين لهم هالشيء بس من داخلي.

السالفه وما فيها يا بنات انا ساكنه في الغربه و عندي جارات وحده البانيه والثانيه افريقيه وكانت ساكنه في السعوديه يعني تعرف تتكلم عربي شوي وانا لان في الغربه والايجارات غاليه و نلاقي مكان ارخص على العموم الحمدلله فكل مره نغير على شقه اصغر واصرف وانا طبعا بعاده طبعي لاا اعمل اييييي علاقات مع جيرااان لان كلهم اجانب ولا يوجد عرب وماصادف التقيت بعرب بنفس العماره.

المهم في هذه المره وصار لنا تقريبا 9 شهور في هذه الشقه الجديده وشفت جارات ثنيين كل مره يلتقون في الحديقه و يلعبون اطفالهم سويا فقلت يلا يالله خلينا نختلط شوي ونتعرف ...

تعرفت عليهم و هم خلوقين يعني عادي ماشفت شيء سيء منهم لا سامح الله هم في حالهم وانا في حالي عادي احيانا يسالوني و ش تشتغلين و شتسوين هني وليش هني وزوجك شو يشتغل ومن هالكلام يعني عادي سوالف عاديه ...

بعد كم من مده بعد ما عادي صارت العلاقه بيني وبينهم سلام ورد سلام و كلام عادي بدأو يتطلبووووووون بالبدايه فكرت السالفه عاديه طلب طلبين ولان الاسوواق بعيده يعني تقريبا ربع ساعه سيرا على الاقدام (وانا قلت اكيد الطلبات من الجيران تصير بالضروره صح وله لالا قلت اوكيه ليش لا) طلبت وحده وعطيتها طبعا الي يتطلبوون هن اثنااااان جارتاااان وانا بالنصصص وحده من هنا والثانيه من هناااااا

اعرف اني طولتها عليكم بس خلاص قررت اوقفهم عند حدهم ولو ارجع واقوول ما يسوون شيء غلط بس الى متى و لان خرج عن الخط الاحمر مثل ما يقولون فياريت تطولون بالكم معاي :26:..

بنات الاسبوووع 7 اياااام طلباتهم صارت 5 ايام بالاسبووووع وكله مني (اللهم مابغي اكذب يمكن بينهم اكو طلبات وانا ماعرف بس انا ملاحظه كله منــــي انــا) وطبعا اذا تواصلت معاهم بالحديقه وكلام وسوالف 00 طلبات طلبات طلبات لا تتوقف)

واقول لكم شلون شكيت انه الكل يطلب مني كنت بغرفتي و مسكره الستار وكنت نايمه بصراحه لان هن يستيقظوون باكرا بس انا اظل اناااام و ش عندي لا اهل و لا احد :( الحمدلله
المهم سمعت صوت الباب في احد يطرق الباب ما فتحت انا نايمه قلت يمكن بالحلم بعد شوي سمعت الجاره الي تدق الباب تقول للجاره الثانيه يمكن نااايمه لان هم يعرفون انا اتاخر بالاستيقاظ فقلت لا والله هذا مش حلم هذا حقيقه رحت وفتحت الستار الا الالبانيه تنشر الملابس و الافريقيه واقفه على الباب وتطلب مني بصل طبعا قالت لي بصصصصللل بلا سلام عليكم بلا شيء (الباب كان زجاج لانه مطل على الحديقه ) فقلت لها اوكيه وراحت لبيتها وانا بصراحه ما فتحت الباب توني صايحه من النوم وماعرفت شلون اتصرف بعد شوي بعد ما فطرت اجت مره ثانيه علي وقالت لي ابغي بصل و ماكان عندي قلت لها والله ماعندي وفعلا ماكان عندي .. بعد شوي اشوف الافريقيه بتروح على الالبانيه وتاخذ منها البصــل انا هنا بدأ الشك في ذهنــي هل هم يستغلوني !!!
لان هم الثنتيــن صباحا كانو سويا في الحديقه الالبانيه تنشر ملابسها في الخارج و الافريقيه معها وقاصدتني حتى تاخذ مني بصل طيب ليش ما سالت الالبانيه على البصل وليش طلبت مني انا لان الجاره الثانيه كانت واقفه وهي تعرف اني كنت نايمه 00 المهم قلت خلاص سكري الموضوع ازيد على همي هم :09:

زيت زيتون بيض ملح مسحوق غسيل ملابس مسحوق غسيل اواني حليب بسكت ليمون بصل بطاطا طماطم حفاظات نسائيه وغيرها وغيرها وغيرها والله يا بنات انا مااقصد على القيممممه ياريت ما تفهموني غلططط بسسس الى متىىى وانا ماااطلب منهما شيء ابداااااا ابداا اخجل بصراحه اخجل جدا ومش بس اخجل وانما انا عن نفسي ماارضى كذا احس اني انزل نفسي بس عشان اطلب شيء عندي عزه نفس صراحه مادري يمكن انا حساسه بس انا كذا اللهم مررره وااحده فقط طلبت من الافريقيه بصل و عطتني وطلبت دقيق ايضا بعد تردد فضيييييع ما اوصفه لكم لاني مارضى عن نفسي بس لان هاذي طلباتها مني كثيره فقلت خليني هااااااه اطلب منها شيء ليش لا اما الجاره الثانيه مره طلبت منها معطر ملابس عشان الغساله قالت ماعندي (الله اعلم) ....

وطبعا مره طلبت مني بيض وانا كنت اصلي بالداخل ما شافتني بس زوجي عطاها لان كان فاتح باب الحديقه واجت عليه السلام عليكم اذا ممكن بيض زوجي يقول خجلت منها لان ما يعرفها و فكرها مغربيه ومن شكلها ايضا لانها تكلمت عربي فقلت له لا هاذي سالفتها كذا كذا افريقيه و كانت ساكنه في السعوديه ولان انا كنت اصلي فزوجي عطاها و ثاااااااااااني يووووووووم اجت مره ثانيه نفسها الافريقيه وقالت لي انـــا ممكن بيض و طبعا زوجي كان موجود وطبعا هي عدها سياره وانا ماعندي يعني تستطيع تركب السياره وتروح للسوق وقال لي زوجي البارحه طلبت بيض مش عشان قيمه البيض بس وش فيها تغافلنــا << كذا قال لي زوجي .


طبعا سالفه الطلبات وخلصت اما السالفه الثانيه
اذا اقاطعهم و ماطلع في الحديقه ومااشوفهم صدفه خلالالالاص ينقطعووون تماما ويختفووون عنـــــي ولكن التواصل يبقى بينهم مستمر واذا اشوفهم بالصدفه يقولون لي وينــك ليش ما تسالين ليش ما تطرقين الباب و تسالين علينـــا واذا ارجع واتواصل معاهم ترجع طلباااتهم مره ثانيه
و طبعا لاحظت الجارتااان لا يطرقان الباب الا اذا احتاااااجو شيءءء منـــي واليوم بعد اخر طلب من الالبانيه قررت اكتب هذا الموضوع الطويل الذي ان شاءالله ما تفهموه مني غلط تقولون يمكن بخيله وله عشان قيمه الاشياء وله حاجه :09:

بس حسيت يستغلوني لان قلت لكم لا يطرقان الباب الا اذا احتاجو شيء يعني ما يطرقون الباب عشان يسالون عني و عن صحتي :42:

وانا الالبانيه هاذي صار لي مرتين اطرق الباب عليها واسئل عنها وعن صحتها فقط مش عشان طلب 00 لانها اقرب مني من الافريقيه واليوم طلبت مني الالبانيه زيت زيتون وعطيتها و لان فتره ما شفتها وقالت لي وينك ليش ما نشوفك حابسه نفسك في البيت قلت لها لا والله اطلع بس ما شوفك صدفه قالت لي اي تعالي طرقي الباب علي << و انا طارقه الباب عليها مرتين بس عشان اسئل عليها وهي ولا مره طارقه الباب تسئل عني تطرق الباب بس عشان طلباااتها وطبعا انا سكتت ومارديت عليها وقالت لي ممكن زيت زيتوون ولدي يبغي سلطه :42: .

والافريقيه مره كان عيد ميلاد ابنها بس ما سوت اي حفله بس هي والالبانيه وكم جارات في العماره و كانو حاطين لهم شيشه :42:<<< يعشقون الشيشه اسم الله عليهم انا شفتهم و سمعت صوتهم بس ما طلعت لان كان في شيشه و كان الجو بارد و الدنيه ظلام فبعد اسبوع شفتها صدفه وقالت لي ابني صار عمره سنــه و جلسنه في الحديقه انا وفلانه وفلانه بس انتي ما كنتي موجوده :09: وهي ما طرقت الباب اصلالا وقالت لي تعالي تفضلي وانا اعرف وشفتهم في الحديقه بس كان الستار مغلق ... وطبعا انا ماقلت لها اني شفتكم و كذا. سكتت لان انصدمت لما قالت انتي ما كنت هني ..

اسفه لاني طولتها عليكم جدااا بس حبيت افضفض واشوف انتو وش رايكم بالموضوع وبصراحه حابه ابين لهم انهم ما يطرقون الباب الا للطلبات بس بدون ما يزعلوون وبمزحــه ايضا عشان ما يزعلوون وله ياخذون على خاطرهم مني ؟؟
وايضا حبيت اعرف الشرع والدين وش يقوول؟؟