alhellwh :

قريت كل ردودكم الراقيه زيكم.. انا واثقه باختياراتي ولله الحمد.. لكن غصب تتاثرين إذا لقيتي كذا وحده تحاول تقلل من شأن اختيارك.. واعطيكم امثله بسيطه... اخوي تخرج قبل العام وماشاء الله قبل في جامعة الملك سعود التخصص اللي هو يبيه (وماعمري هايطت ولا قلت) بس هم مبلشات أنفسهم.. وحده منهم اختها تخرجت هالسنه وباركت وسألت ماشاءالله وين قبلت؟ قالت الحمدلله قبلت بجامعة نوره وععععع يا جامعة الملك سعود مانبيها! اتفاجات من ردها وش جاب الطاري علشان توعوع بجامعة الملك سعود! كلن له قراره واختياره.. فهمتوا علي وعلى ذلك فقيسوا.. مثال ثاني،،، دورنا بيت بحي من الأحياء.. تجلس تدور فرصه علشان بمعرض الكلام الا تدخل سالفه الحي اللي كنا ندور فيه وتوعوع فيه.. بالرغم من انه من أحياء شمال الرياض الجديده! كمان مره سألتني وين دخلتي ولدك اي مدرسه؟ وكانت المدرسه اقساطها غاليه وسمعتها زينه.. قالت لا الحمدلله انا ادخل بناتي مدارس تحفيظ حكومي أمان أكثر وتدريس أقوى وعععع يالاهلي تدريسهم وتنجيحهم اي كلام >>>>طيب حتى لو كلامها صحيح ليش تنتقص من اختياري وبوجهي بالرغم من اني ماقد انقصت من اختياراتها.. وعلى نفس الموال الثنتين الثانيات.. فعلا شي ممل ومتعب.. يعني ايش الواحد يعتزل الناس علشان مايسمع كلام زي كذا! ليش الناس افتقدت الذوق في الكلام؟!

قريت كل ردودكم الراقيه زيكم.. انا واثقه باختياراتي ولله الحمد.. لكن غصب تتاثرين إذا لقيتي كذا...