moon1426

moon1426 @moon1426

محررة ماسية

انا العزوبي

الأدب النبطي والفصيح



انا العزوبي وأتقطع تقطاع .. على زواج البنت تدمع عيوني

انا العزوبي وين مارحت مرتاع .. زين العذارء بالعرب جننوني
اشوفهم في كل روحه ومرجاع .. من حيث ماوليت هم عذبوني

فالبيت فالتلفاز والصوت مذياع .. حتى العمل ياناس مافارقوني
وليا نويت السوق ناوي تبضاع .. أروح وأرجع منخطف حيل لوني

أرجع وقلبي حايس بين الأضلاع .. من زود دقاته تخلع أمتوني
اللي تنغج فالمشـي بالتدلاع .. واللي تناظرني بطرفن فتوني

وأم العيون السود والرمش قطاع .. وأم الجدايل والكحل بالجفوني
وأم النقاب اللي تمصعك تمصاع .. قدام عيني والبشر يشهدوني

كنها تمتع في عذابي تمتاع .. وأنا العزوبي كان ربي في عوني
وأهل الجنوز الضيقه وأهل الاوساع .. مدري وش اللي حدهم يلبسوني

منهم تجرعت المراره تجراع .. عفي كل يوم يزيد همي وحزوني
لو نطلع المريخ في لحظه وساع .. نلقى العوايل قبلنا يطلعوني

من بعد طرح وجمع وهموم وصراع .. قررت أنا أخطب وأنهي ضنوني
وفي ليله الفرحه تقول أني مرتاع .. ومن زود مافيني تراقل سنوني

أبوها قال اليوم ماني بطماع .. عندي شروطن للمهر وأعذروني
يقوم يوحي لي ويشر بالأصباع .. يبغى المهر ميتين أو يكثروني

يقول يبغى العرس في قصور وأقلاع .. ونبغى ذهب لأم العروس المزوني
ونبغى الحلا والكيك من كل الانواع .. تبون والا ياعسى ماتبوني

ناس تحسب البنت شروه ومبياع .. تبي المكاسب لو زادت ديوني
ماهمهم لو زاد همي والأوجاع .. ماهمه ياكود ملي البطوني

يامؤمنن بالله ساجد وركاع .. بنت أمانه حاذر أنك تخوني
لاتعنس أبنتك في سبت أشباع .. نفسك وجمع الفلوس ماينفعوني

بكره ليا جتك المنيه والأوجاع .. تندم ولاينفعك دمع العيوني
الخيمه اللي بدون عمدان وشراع .. يمكن تطيرها الهبايب بهوني

أنا العزوبي وأتسكع تسكاع .. تكفون بالله يالعرب أرحموني
13
2K

يلزم عليك تسجيل الدخول أولًا لكتابة تعليق.

تسجيل دخول

فراشة الالماس
رهيبه

ياليته مسموعه علشان نقدر نحمله

تشكراااااااااااااات
رواية زمن
رواية زمن
مسكين ياعزوبي ومستقبلك ضاع <-----> خلها على ربك يمكن تهوني

كان الله في عون العزاب وكان الله في عون العوانـس...
راجية رحمة ربي
يقول يبغى العرس في قصور وأقلاع .. ونبغى ذهب لأم العروس المزوني
ونبغى الحلا والكيك من كل الانواع .. تبون والا ياعسى ماتبوني

ناس تحسب البنت شروه ومبياع .. تبي المكاسب لو زادت ديوني

,,,,
رووووووووووووعهـ القصيده والارووع الكلمآآآآآآت

والارووووووووووووووووع:
النــــــــاقـــــلهـ..

يسلموووووووووو خيتووووووووووو
**السكره**
**السكره**
روووووووووووووووووووووووووووووعه

والله يرزقه الزوجه الصالحه يااااارب


:)

يعطيك العااااااااااافيه
جروح الالم
جروح الالم
روعه القصيدة
وكلماته خارجه من الصميم
ربنا يرزقه الزوجه الصالحه