انا اللحين بديت انهاار وعلى وشكك انتهي

أخواتي أنا في كرب عظيم لايعلمه سوى الله
حسبي الله ونعم الوكيل لاحول ولا قوة الا بالله العلي العظيم
حياتي الزوجية على ضفاف نهايتها
زوجي مهمشني مرة في ححياته انا في منطقه وهو في منطقة لظروف عملي
وبيننا مشاكل كثيرة تخص النففة والاستقرار
ماله الخاص يصرفه على أهله وانا يبيني اصرف عليه واستاجر له واوكله واشربه وهو مع كل ذا ولا حاس فيني واذا صار موجود عندي طووول الوقت عند اهله ومايجيني الا اواقات النووم وله فترة مستحيل يوديني اقضي حاجاتي من بعد مرررة كنت فيها تعبانه والوقت متاخر شوي بالليل وطلبته بيوديني للمستشفى اخذ اجازة للدوام
ووافق وبعد ماركبنا ومشينا شوي قال اكلم على أمي أكيد تبي شي ويوم دق عليها قالت ايه بروح اتمشى معكم والبنات يبغن السوووق تخيلو معي سوق وتمشيه وأنا تعبانه قلت له الله يخليك مانبي نتاخر وسكتت ومادرييت الا وهو يمد يده لي يبغى اجار البنزين زي ماهو متعود أنا هنا رفضت وقلت له مالي خص اذا كنت ماخصصت المشوار لي انا مالي علاقة زمجر وزعل ووصلت فيه يقول علي الطلاق ماتروحيين معي نزلت ورحت بيتي وسكتت ومن بعدها مايوديني لاي مشواار
وقاعد يشتغل في بيته اللي بناه لاهله اللي لي منه شقة بس وباستمرار يضربني بكل قوة ويهيني ويسمعني ابشع الالفاظ وكم مرة يغيبني عن دوامي ظلما وجورا
اللحين وصل الامر منتهاه يبي مني فلوس وانا رافضه ومن المغرب وهو يدق على امي وأنا قلتلها لاترد لانه يتوعد امي يبي يهزءها ويتكلم عليها ويطالبها بالمهررر
اانا ماودي يوصل الموضوع لابوي واخواني لانه مافيه تفهم ويبي يزيدون النار حطب زي مرررات كثيرة راااحت
انا اللحين لي فترة تعبانه وضايقة وحزييينه وخااايييفه بدرجة محد يتوقعها
مدري لمين الجأ ومن أستشير غير الله سبحانه شقاي يروح لواحد مايستاهل وان فكرت بالانفصال زاااد خوووفي وهو ماعنده اسسستعداد يطلق الا ويبيها تكبرررر او انهااااان له ولاهله اللي يقدسهم بشكل خيالي وهم صايرين له الرقيب والحسيب بكل خطوة يسويها معي
مدري من وين الاقيها والله تعبت نفسيا واللي يعذبني أكثررر حبه يزيد ماينقص رغم كل الاهانات
على فكررة اغلب وقتي عايشه عند اهلي وهو مقاطع اهلي لمشاكل هو السبب فيها ولا فيه تنازل من كل الاطراف وأنا الضحية بينهم وبين اهله الظالمين اللي تسلطوا علي وعلى حياتي