بيير كاردان :

وعليــكم السلام والرحمه حبيبتي ياليت تاخذين كلامي بـصدر رحـب .. أول شي انتي غلطـتي بقربك الزايد مو لأهل زوجك لا .. لأقاربه قريت موضوعك الاول لقيتك تحرصين تروحين لحفلات زواج اقاربه .. مع ان مافيهم صلة رحم ولا هو واجب عليك .. وانتي تشوفين انه مو مرحب فيك من قبل اهل زوجك انك تروحين مناسباتهم.. ليه تروحـين ..؟ شوفيهم مانفعوك اقاربه راحوا يقولون لخالتك عن سواليفكم وانك شاريه بدلة رقص وغيره من هالكلام اذا تقدير لناس عازمينك .. فتـقدير رغبة ام زوجك أولى .. واذا انتي تحبين العروس وهالحركات روحي زوجات اقاربك منها اجر ومنها تلبية رغبه .. ثاني شي الاحظ في كلامك بعض الغرور .. من انهم غيرانين منك وانتي احلى منهم .. اذا هذا كلامك اكيد تصرفاتك ترجمت بعض هالكلام ويمكن انتي مو منتبهه .. خــليك رسـميه ياقلبي اسئلي عنهم بحدود ولا تتدخلين بخصوصياتهم ولا تدلقين نفسك على اقاربهم وحفلاتهم ووثقي علاقتك باقاربك واهلك الحموله يقدرووووووووووون اللي تقدر اهلها ومواجيبهم ويدرون انها مستغنيه بعائلتها الاساسيه عن اي احد ثاني .. حددي يوم كل اسبوعين زياره لهم وخذي معك شي بسيط ..ولا تقصرين معهم اذا كان عندهم عزيمه بالمساعده .. كل فتره دقي على خالتك واسئلي عنها وادعي لها بطولة العمر والسلامه وان الله يجعلها ذخر وامدحيها ترى اللسان هو السحر الحلال .. اذا شريتي شي او لبستي لا تطرين لهم من وين ولا بكم شاريته ولا يكون كلامك كلام اغلب الحريم عن هذا ماركه وهذا حق قراوى .. لأن الذوق مايعرف لا ماركه ولا هرم .. فيه ماركات اشكالها تجيب المرض ولمجرد انها ماركه زانت بعين الناس ياللعجب وفيه اغراض بسيتي ماكس والهرم وطقتهم اغراضهم مرتبه واحلى من بربسة الماركات .. الذوق عمره ماعرف مكان .. ولا تجيبه فلوس ماركات .. الله من وحده تطقم من فوق لتحت ماركات ولبسها شين وثانيه لبسها من محلات متواضعه ومرتبه نفسها وعيالها.. اخر شي انصحك فيها احتسبي الاجر بأي شي تسوينه لا تطلبين الا رضا رب العالمين ياليت تتقبلين كلامي بصدر رحب والله ماكتبته الا لمصلحتك ولا تفكرين بالطلاق لأنه من السخاافه انك تتطلقين عشان هالسبب الله يحفظك ويسخر لك زوجك واهله

وعليــكم السلام والرحمه حبيبتي ياليت تاخذين كلامي بـصدر رحـب .. أول شي انتي غلطـتي بقربك...