انا اللي بطلع من ملك لايجار

السلام عليكم ورحمة الله مساء الخير
بدخل بالموضوع محتاره بالموضوع جدا ..
انا توظفت قبل سنتين بعد عطالة عشر سنين وحاجه وذل مايعلم فيه الا ربي عانيت سنوات من اب بخيل حارمنا وطحت بزوج مثل ابوي واكثررر للاسف ..الاهم ربي رزقني ولد وبنتين ..ربي كتب لي اخد قرض عقاري قبل سنتين اول ماتوظفت بدون ماخطط لهالشي كان ربي كاتبه لي وعالم بضروفي..طبعا التعيين جاء بغير منطقتي بغير منطقه اهلي ..ولي سنتين الحين واروح لهم بالاجازات..بس جد تعبت من القرض كبير والسواق مبلغ مو شوي مايبقى لي الا اقل القليل حارمه روحي من متع كثير ..زوجي جاء معي وترك وظيفته اصلا وضيفته كانت اعمال حره ودخله متوسط ..جلست سنتين حالتي حاله قرض ومقاضي ومصاريف انا الرجل والمراه وبدون شغاله ومايعلم فيني الاربي ومحسوده ! وفوق ذاا اخلاقه سيئه حدا ومنكد علي ومتعبني جدا بالكلام والمعامله السيئه طبعا من تزوجته وهو هذا طبعه ولاتغير /نسيت اقول ان ابوي مجبرني عليه وهو متزوج واكبر مني ب20سنه وغير متعلم /يعرفه من اصدقائه لو ماخذتيه لو يصير عمرك 40مازوجتك غيره ابوي حارمنا قبل من كل شي مع انه غني جدا حتى بيت ماسكنا ساكنين بييت تبع دوامه من30سنه وصغير جدا ! طبعا قبل التعيين مسكني بربع بيت فوق زوجته واثاث مستعمل لما جات الوظيفه بمكان ثاني قال ماقدر استاجر ظروفي ماتسمح ونا جاي معك ومامن لك بيت بمنطقتنا انتي استاجري واستاجرت شهرين وطلعت وربي قدر لي هالعقار اللي انا ساكنته الحين قرض15سنه! وماخططت له ابدا مدري كيف شي امرني اروح واخده من غير تفكير والحين ندمانه جدا وليل نهار افكر اطلع استاجار مليت من هالمصاريف ومامن فائده ابد ولاقدر الله صارلي شي يسقط القرض اذا توفيت وياخده بارد وليته يستاهله ونالي كارفه نفسي ! كنت بستقر بمنطقه تعييني بس الحين خلص مليت افكر اروح لمنطقه اهلي واستاجر هنا لما يجي نقلي ثم اروح لهلي واستاجر حولهم مستحيل ارجع لبيته بس ع الاقل يبقى من راتبي شي اذا استاجرت ويدخلون علي اخواني وامي الحين ماشفت اهلي من شهر واكثر...النقطه الايجابيه الوحيدة المصبرتني ع الشقا ونكد زوجي لي تعلق عيالي فيه بشكل وماوراي ابو يوقف معاي لو تركته ابوي للاسف ماهمه الانفسه والعيشه معه جحيم للاسف واذا رحت لهلي اتعب منه ! اتمنى اتركه واعيش حياتيي يكفي التعب اللي عشته بوصل للاربعين ونا ماتهنيت بحياتي ابد! بس عيالي والوي انسان شديد وماراح يخليني اسكن لحالي مستحيل بينكد علي .. ادري طولت بس والله محتاجه اراااء الحكيمات تكفون شوروني... نسيت اضيف نقاط زوجي بدا يدور مشروع هنا بدا يجيب مقاضي بالنقط بس افضل من قبل تعبت من المقاضي / زوجي للاسف مافيه منه فايده ابد الا يودي البنات المدارس ويودي الولد الحضانه ماعندي شغاله ولاخد يمسكهم لي فقطططط الباقي كله كرف لي نفسي وجسدي الحمدلله انتظركن