انا اللي دخلت ولدي المركز عشان النطق تعالوا شوي

صباح الخيير
سلمكم الله انا زي ماكتبت بموضوع سابق انه دخلت ولدي لانه عنده شوي نشاط زايد واضطراب نطق
وشجعتوني اخليييه لانه كنت احس بضيق كااي ام تترك ولدها بالمدرسه
وولدي اول يوم انا وديته ثاني يوم هو نزل ثالث يوم مشى عادي
رابع يوم لمن ابوه هو اللي اخذه مسك نياااحه وجاء رجع زوجي واخذني وبسس شاف المركزز نيااااحه ومايبي ينزل طبعا زوجي عصب وقالي اركبي
قلت خلاص بنزل معه قااال لا بلاها ماراح اجبره
واجلس كم يووم حتى ينسى بسس مافي فايده يشوف الحارس يصيييح
طبعا بهذه الفتره ولدي تغير بس يجيني ويحضني هو من قبل يحضن ويبوس عادي بسس ايش فجااه القاه جالس قبااااالي يتاملني كم ثانيه وبعدها يبوس فيني ويروح
وهالشي شوي غريب سالفه التاااامل ماعمري شفت اطفال يتاملون امهاتهم كذاا مايكون مسرح وهو يتاملني انااا كانه خايف يخسرني ايي وبس يدورني بالبيت وبكل هالفتره بهالاسبوع ماوديته حتى ينسى الصياح بالمركز
عاد وداه ابوه لمركز صم وبكم يكشفون عليه الاخصائيين فا اجمعوا انه لسه مانضج لسانه وقالوا له حرام اصبروا هوو اللسان مانضج مانضجت مخارج الكلمات
بسس انا ماقتنعت اول مره اسمع انه اللسان مانضج
وجبرته قبل يومين عالمركز واقرااااوا يابنااات زين وش صار بصعوبه دخل
ودخلت انا ومعي ولدي الثاني حتى يتشجع
قام الولد شوي سكت لاني معه بسس ايش لااروح لاصق ورا ظهري واذا جت استاذه يروح يمد يده يسلم بسس انه يدخل بفصله لاا
واذذا صادف ولد من الاطفال طالع يجيني مرتعب
فا اكتشفت انه ولدي خايف من الاطفال واستغربت لانه يمووووووت بشي اسمه اطفال
والسبب انه المفروووض المفرووووض انه اذا طلعت استاذه الاطفال اللي عندها ولعبتهم بمدينه العابهم اللي تحت اذا جت انزلت الاستاذه الثانيه مع الاطفال اللي معها تروح الاولى تجمع الاطفال وترجع لفصلها عشان التوحد مايختلطون باطفال ثانين اللي فيهم فرط ولا اللي فيهم اعاقه ثانيه ولا اللي فيهم بسس اضطراب نطق
هذا ياطويليين العمرر مو تجتمع استاذتين تجتمع 4
وكلن مختلط بالثاني
وولدي ارتعب ولساتني بلحظتها مستغربه الخوف اتذكر ولدي كان باول يوميين اختلط باطفال توحد المركز هما ماجووه بسس شكله هذاك اليوم ماكان فيه الطفل هذا
هذا فيه طفل الله يشفييه ويفرح اهله فيه عنده مرض توحد وفيه عنف بسس يلحق الاطفال ويضررربهم والاستاذات غلط غلط ويبعدونهم عن بعض
وولدي طول الوقت يقول لي بابا سياره انه خلاص يلا نطلع ومرررررتعب
حاولت اهدي ولدي قلت يمكن خايف لانه يشوف ينضربون منه والله الولد العنيف هذا كان بعيد لفيت وجهي لولدي الثاني بسكر السحاب حقه فانيلته بس كم ثانيه واسمع صريخ خطا خطاا وواحده جايه لمي تركض واطالع جنبي والقى الطفل الي فيه عنف فوق ولدي ويصفق فيه وولدي مبحوح صووته ممامما
طبعا انا تصنمت لحظتها
طبعا بعدها قاموا حطوا الولد داخل خيمه انه هذا العقاب اوو انه يدخلونه فيها حتى ماتنقطع سوالفهن وهن يلاحقن فيه
انا قبل لمى اندمجوا مع بعض ماكان عندي اعتراض صح ادري مايصلح يندمجوا بسس شفت انه الاطفال الي فيهم توحد بعالمهم الخاص ماياذون بسس هالطفل الله يشفيه تووي اشوفه ومتنمي عنده الضررررب
وطلعت من عندهم مب نااااويه ابددد ارجعه
هل غلطت ؟؟؟؟؟!!!!
ولديي الكبيير اذا راحت شخصيته وشلون هو اللي بدافع عن اخووه الثاني بالمدرسه بينعدى الثاني من شخصية اخوه
والولد بالمدرسه زي مااشوف مع امي يكسرووون الواحده ااذا صار عليه تنمر ولايبغاك تشكيين لزوجك لاهي تقدر تدافع عن ولدها وتروح للمدرسه والولد مرات يستحي يعلم عن اللي ضربوه حتى مايتعاير
ويصيير شايلها بقلبه
اعطوني حلول بديله انمي قدرة ولدي عالكلام وتركيزه
والله يجزاااها خييير اللي تساعدني ويفتح لها ابواااب رزقه وتحقق لها ماتتمنى وتحب