انا اللي زوجي ضربني بسبب الوجبه السريعة ض

عرفت متأخر ان زوجي كم ابوي
يعني ابوي ماعلمني
الا لما سألته
المهم
جلس ياخذ ويعطي معه
وابوي ببرود يسأله ماني فاهم ايش صار
وزوجي يقول انا ماضربتها
يقول كنت احاول امنعها تفتح باب البيت
قلت لابوي
كنت اركض من ضربه
وبفتح باب البيت حتى مايقتلني
كنت اهررررب وهو يلحق ويضرب
وبيجامتي متشققه وشفايفي تنزف
قال زوجي لابوي
اصلا حتى هي مخشت وجهي وضربتني
قلت لابوي كنت احاول ابعده عني
وكان يخنقني وانا ادفه عني
احاول اصده بعد ماهجم علي
ومايقارن ابدا بضربه الاجرامي لي
وقلت لابوي معي تقرير طبي يثبت كلامي
قال على اي اساس تروحي تطلعي تقرير؟
قلت لاني متوقعه ينكر ويكذب هالمجرم
قال ابوي خلاص انتي حره تصرفي بنفسك
قلت لابوي
الود ودي تقول له انك اجبرتني اطلع تقرير
وتكلمه بحزم انك ماتسمح لحد يضرب بنتك
مو تاخذ وتعطي معه وكأن اللي صار شي عادي
لو مارديت عليه اهون مليون مره
قال ابوي انتي ماتعلميني كيف اتصرف
وخلاص دامك تبين الطلاق ماله داعي هاللفلفه
قلت له لو اضمن انكم بتأدبونه وتربونه
وتعلمونه ان الضرب خط احمر كان ماتطلقت
وجلست عندكم سنه حتى يعرف حدوده
لكن دامكم متساهلين وماكأن صار شي
فمالي عيشه نهائي مع هالمجرم
قال ابوي خلاص اعملي اللي يناسبك
رحت الغرفه وصورت التقرير الطبي
وارسلته للمجرم واتس اب
وكتبت هذا تقرير يثبت واقعه الطلاق
اقسم بجلال الله ان ماطلقتني
لاروح اشكيك وافضحك بالمحاكم
طلقني بسرعه وبدون فضايح احسن لك
طبعا مارد
بس اقلها عرف اذا اهلي ساكتين
انا ماني ساكته وعايفته بعد الضرب
مقهوره كثير صح
لكن حسبي الله ونعم الوكيل