مرحبا خواتي
هذا موضوعي السابق
http://forum.hawaaworld.com/showthread.php?t=2643908
اشكر كل وحده ردت
الله يجزاكم كل خير ويرفع عنكم كل كربه
واللي دعت على زوجي الله يسامحها هذا بدل ماتدعي ان ربي يهديه ((خواتي مهما كان حجم الغلط عند الغير اتركو عنكم الدعاااء الضد )) فيه ملائكه اذا دعيتي على شخص مسلم ترد عليك وتقول وانتي كذالك
خواتي اللي قالو وين دورك...؟؟!!
اكيد لي دور وانا ما استشرتكم الا مابعد نفذ حيلي وابي حل ثاني غير اللي انا سويته
بناااااااااااات
زوجي بعد مازعل له ساعتين بالغرفه وانا رحت اسوي الغداء وانا والله بدموعي وزينت الغداء من احسن مايكون عشان اقدر اتكلم معه
و طلع لي يبتسم وما كأن صاير له شي وطبعآ انا اخذت دعم قوي منكم وسلاح ضده بألف حل وطبعآ اخذت الحل المناسب لشخصيته
وماتكلمت وجلست ع النت مسويه نفسي مو مهتمه
قال وين الغدا حبيبتي
قلت تحبني؟؟؟
قال موووت
قلت ليش ماتحب بنتك؟؟
قال اموت فيها بس هي تعصب بي
قلت ترضى احط رجلي بوجهك الحين
قال لآ اكيد بعدين انا رجال وعيب تقولي هذا الكلام
قلت وبنتك طفله الرجال يتحمل الطفله ماتتحمل ضربك ولا اهانتك لها وصدقني بتجيك عقوبه في الدنيا قبل الاخره
قال خلاص والله اعوضها
قلت شوف يا عزيزي
صبرت وصبرت وصبرت اني اشوف بنتي تتعذب معك على امل انك تتسنع
بس وربي الى هنا خلاص ماعاد اتحمل
فيه دعوه اخر الليل عليك ومن قلب راح ادمر حياتك فيها واقول ربي يسلط عليك من هو اقوى منك ويعلمك كيف تحط رجلك في وجه بنتي
زوجي يخاف من الله كثير الا في البنت هذي
الحمدلله مستقيم ويخاف اذا شافني فرشت سجاتي ورفعت يدي بالليل ويقول ادعي على من ظلمني وانتبهي تدعين علي وادعي لي و سبحان الله يضل الانسان مقصر ربي يهيديه
بعد ماقلت هذا الكلام له راح العمل وارسل لي رساله
((حبيبتي اسف اسف من كل قلبي وانا احب بنتي وتكفين ادعي لي لاتدعين علي والله قلبي يتقطع عليها بس والله بعوضكم))
حبيباتي انتم
والله ماقصرتم بس لو وحده مثلي طاحت بنفس مشكلتي وجيت انا ودعيت على زوجها وش استفيد دامك جيتي شكيتي لي غير اني اوجع قليك وانا اكسب ذنب من دعوتي على زوجك..؟؟
والبنات اللي دعو لي والله اني تأثرت كثير وقلت ولكم بالمثل يارب العالمين
والبنت اللي قالت قصة جارتهم السوريه دمعت عيوني عليها وهذي عقوبه من الله والقصه هذي بذكرها لزوجي ضروري
واللي سألت عن احوال بنتي ياقلبي عليها بنتي ظفله وبعد ساعه بالضبط نست كل شي
لكن
بنتي بالايام الاخيره صارت عدوانيه
صارت تاكل اظافرها
صارت تتبول لكن مو كثير
صارت لا قلت شي ترد علي فيه
صارت عنيفه
وانا عندي سلاحي
قرائني وتحصينها
واستغفار واستشارة خواتي ومساعدتي في محاولة ايجاد الحل
الله يجزاكم الجنه ويحرم عن وجوهكم النار ويرزقكم من حيث لاتحتسبون وجمعني وياكم بجنات النعيم يارب:27:
nonoo28 @nonoo28
محررة برونزية
يلزم عليك تسجيل الدخول أولًا لكتابة تعليق.
الله يخليه لكم ويهديه
اما البنات اللي يدعون هذا من الظلم وش سوالكم الادمي عشان تدعون عليه
حرام عليكم الظلم ظلمات يوم القيامه
ولاتنسون فيه ملك يقولك ولك بالمثل
مادري وش يضركم اذا قلتوا الله يهديه
لاحول ولاقوة الا بالله
اما البنات اللي يدعون هذا من الظلم وش سوالكم الادمي عشان تدعون عليه
حرام عليكم الظلم ظلمات يوم القيامه
ولاتنسون فيه ملك يقولك ولك بالمثل
مادري وش يضركم اذا قلتوا الله يهديه
لاحول ولاقوة الا بالله
الصفحة الأخيرة
الله يحبب الاب ببنته ومايضربهاااااااااااا
تكفيييييييييين تكفيييييييييييييين لا تخليه يمد يده على عيالتس وربي قلبي تقطع من سالفتس