اشكر كل وحده دعت لي وحاولت انها تقولي حلول مناسبه وعسى الله يفرج عليكن كرب من كرب يوم القيامه
مشكورات حبيباتي
حبيباتي انا ما احمل من كيفي اقول لكم زوجي مجرم اذا منعته يضرب ويسوي غصب وما اقدر اخذ مانع لان الحبوب تمرضني ومايناسبني الا الابر بس ماعندي فلوس ولا عندي مصدر دخل اقدر اعتمد فيه على نفسي حتى مستشفيات والله بالحسره يوديني انا لي سبع شهور ونص حامل وهذي ثاني مره يوديني اراجع لانه يقول مو لازم وانا عندي سكر حمل بس والله ماهمه شفت في عيونه الفرح مع اني ماعمري اذيته بشي يوم عرف ان فيني سكر قال شوفي الله ابتلاكي لانك ماتسمعين كلامي قلت الحمد لله الا من الله حياة الله اهم شي مايكون منك انا راضيه بامر الله وانت مو من الصالحين ولا المتقين حتى اطيعك وانا اللي اقدر عليه اسويه مو ملزومه اقطع عمري عشانك وانت حتى مستشفى ما توديني
بنااات يبيني اكون له شغاله تعرفون شغاااله انا تعبانه والله مايعلم فيني الا الله ومستحيل اسوي له اشياء مو من واجبي ولا من حقه
هو ماااا يشرب ولا يصلي كان زمان ياكل حبوب بس تركها وان متأكده انو تركهااا
انا مره شكيت لاهلي ووقفوا معي الله يخليهم لي وفي واحد من اخواني كان مصمم اني اتطلق بس تراجعت عشان كان عندي ولد وبنت وكان يبي ياخذهم بذات البنت خفت عليها لان الولد اكيد لي بس شنو ذنب البنت انها تعيش معه او مع امه امه لله يستر عليها ما تحب البنات ابدا والله اذا جت عندنا انها تفتن عليها وتقرصها بدون سبب وانا شوفها بعيوني بتقولون ليه اسكت لها لانها تجي تجلس معنا يومين وتروح بخيرها وبشرها ومابي اسوي معاهم مشاكل وعلاقتنا فيهم سطيحيه حتى زوجي مو متعلق بامه لانها مطلقه من ابوه من وهو صغير يعني حياته الاسريه مفككه
المهم في قضيتي واللي مخليني صابره ان اهلي الله يخليهم لي فقراء وبيتهم صغير مره واولادي الله يهديهم مزعجين ابوي وامي كبار في السن ومابيتحملون ازعاجهم وخواني واحد متقاعد و واحد عاطل
ولاهم فاضين لي اذا احتجت اغراض او مدارس او مستشفى مين بيوديني غير انهم عايشي بقريه ما فيها مواصلات ولا فيها شي قريب اقدر اروح مشي او اخذ تكسي واهلي بديره وانا في مدينه بعيده مره
على فكره يوم شكيت لاهلي اول مره ورجعت بيتي رجع ضربني وقال تحسبيني خفت من اهلك وذلني لين قلت بس وحسسني اني سويت جريمه
وبعدين عندنا نضام في السعوديه مستحيل يسحبون ملف الطالب من المدرسه الا بموافقة ولي امر الطالب عندي ولد واحد يدرس والبنت السنه الجايه بتدرس يعني كل شي بيده وهووالله لا يحرق قلبي عشانهم لانه يدري انهم نقطة ضعفي انا ما ابيهم يضيعون اقل شي يحافضو على انفسهم من هالدنيا ماليقيت حل ابد لو اشتكيه بعيش بقهر طول عمري لانه مستحيل يخليني اعيش معه بسلام
وسبق وسألت كثير مشايخ وقالولي بالحرف الواحد لازم تطلقين لانه انسان موب صاحي وصعب تعيشين معه ولما سألتهم عن اولادي قالوا ابوهم وبكيفه معقوله مافي اي قانون ينصفني انا واولادي والله حرام يعيشون معه اقسم بالله ما ارضاها مالهم ذنب
الله تعبت تعبت فكرت في جميع الحلول ماليقت مخرج غير الصبر عشان اولادي احاول اصلح ما انكسر منهم من اخلاقهم ونفسياتهم
ماابيهم ينفعوني ابيهم ينفعون انفسهم ابيهم بصبر عشانهم حتى الله يفرجها الله ارحم بهم مني ادري بس قلب الام ويمكن هذا ابتلاء يارب تفرجها علي وعلى كل مظلوم
اذا الواحد يخطف ويغتصب ويكون عقابه السجن كم شهر او كم سنه وكم جلده وبعدين يطلع
عزالله ان قضيتي مالها حل الا الصبر
الموت ارحم انا مو سلبه او راضيه بس الواقع لازم نرضى فيه والقوي فيه اللي اقوى منه الله مايضيع احد
مشكورات اخواتي الله يخليكن ويسعدكن في الدنيا والاخره ويفرجها عليكن وعلى كل مسلم مظلوم اصعب شي في الدنيا انك تصبر على الظالم ومصيرك وحياتك بين يديه
بعثرة روووح @baathr_roooh
عضوة جديدة
يلزم عليك تسجيل الدخول أولًا لكتابة تعليق.
الله يعينك ويقومك بالسلامه ويهدي لك زوجك ويصلح لك ذريتك ويعوضك الله فيهم ويشيلونك فوق رووسهم
الله يفرجها عليك
عليك بالاستغفار وسهام الليل لاتخطي صلي وادعي
صدقيني سحرها عجيب
الله يكون في عونك ويسخره لك
عليك بالاستغفار وسهام الليل لاتخطي صلي وادعي
صدقيني سحرها عجيب
الله يكون في عونك ويسخره لك
الله يبدل حالك بحال افضل ويخليك لعيالك لاتكوني انتي وابوهم عليهم اصبري وبتفرج باذن الله ودمتي بود
غ
غ
الصفحة الأخيرة
اصبري وعليك بصلاة الليل والدعاء وخلي املك بربك كبير
دام انك ضحيتي من اول عشان خاطر عيالك فكملي طريقك ولك الاجر ان شاء الله عيالك يكبروا ويعوضوك
لاتفكري تروحي لاهلك لانهم ماراح يتحملوا عيالك
وراح تتعب نفسيتك اكثر بس خليك ببيتك واشغلي نفسك واطلبي الفرج من ربك
والله يسخر لك زوجك