كوبونات الراقية تسجيل الدخول

انا الغلطانه

انا اللي غلطانه ولا هو قهرني بالمررره حسبي الله

الأسرة والمجتمع •

السلام عليكم

انا يا بنات نويت اطلع كل شيء بخاطري وقولولي مين الغلطان تعبت من زوجي قوته علي وفي كل مره يقلب الطاوله على راسي واصير انا الغلطانه الشكاكه وهو سبحان الله الطاهر الشريف

يطلع نفسه من المواضيع وربي قهههرني

بنات ابي اقول كل شيء لو سمحتو تحملوني شوي

اولا انا لي تقريبا 3 سنين متزوجه وعندي طفل

في بدايه حياتي كانت تماااااام زوجي الحمد الله انسان كويس لابعد احد كريم ورومانسي وكل شهر لازم هديه حتى لو كانت ورده وحده بس
ولازم سنويا نسافر وننبسط حنوووون ولا يحب يزعلني رغم تسلط لسانه احيانا علي
وانا والله اني كوووويسه وامه شهدت على الكلام هذا واكثر من شخص قد قالي ان زوجي محظوظ بالزواج مني وربي اني اراعي عمله ودوامه وانشغاله عنا و لاعمري قلت له لا


وربي وفق بينا وتزوجنا وحياتنا سمن على عسل جدااااا رائعه

اللي حصل بعد سنه من الزواج حصلت صور لزوجي مع بنات وهو بخارج المملكه مسافر لدوله ثانيه

طبعا انتهى الموضوع لصالحه وانا نسيت هذي القصه بس كانت سبب في هدم جدار الثقه بينا

(الصور كانت قديمه قبل زواجنا ب10 سنين)

...........

ثاني موقف بنت القى لها مسجات على جوال زوجي وانتهى الموضوع بانه مو هو وانه بريء
وهو صدق طلع بريء من الموضوع الحمد الله

.........
ثالثا
افلام قذره بالجهاز وفي كل مره يقول صديقي فلان

..........
رابعا
صور بنات بالجوال ويوم كلمته قلب الموضوع علي وبغى ياكلني باللسانه اااااااااه يابنات ما احب زعله علي رحت وتاسفت منه وكاني انا اللي غلطانه


في كل موقف سيء يقول فلان فلان تعبت من فلان هذاااا وربي تعبت وانا اعرف ان زوجي كذاااااااااب وانه هو بس يحطها بصديقه

جواله يقول هذي صور تجيني عشان الايميل والايفون يحفظ الايميلات في الصور على طول وانا وانا وانا <<يبرر الموقف كالعاده
ويحلف ان جواله نظيف واذا قلت له افتحه طيب اشوف قال لا طيب كيف نظيف بس ما افتحه لك...؟؟

بنات وربي بنجن منه بنجننن وربي اكتب لكم ودموعي بعيني


وبعدين معه وبعدين

لقيت له افلام قذره وكتبت هنا موضوع وقالو لي صارحيه

صارحته وانتهى الموضوع وطلع نفسه من الموضوع وكالعاده حطها بصديقه فلان

ويوم كنت ببيت اهلي ارجع للبيت وانا حااااااااسه احساس قوي انه يسوي العاده السريه انقهرت انجنيت وربي مرات اشك انه يجيب احد بالبيت ليش كذا ما اعرف رجعت وشفت مناديل بالزباله وشفت بعد مناديل غرفه النوم بالمجلس

قلت له في احد جاء للبيت قال ايه فلان <فلان هذا صار عقده حيااااااااااتي

قلت له طيب ليش ما تاخذ مناديل من الدرج تاخذ حقت غرفة النوم مالها داعي تطلعها للمجلس وانا والله بخاطري كلام بيقتله لو قلته

قال عادي فلان يعني وش فيها

انا سكت هنا واكلت تراب


وبعدين دق جواله بالليل رقم من خارج المملكه باخر الليل رنه وقفل

انا هناااااااااااا قلبي عووووووورني رحت اشوف الرقم طلع من برا المملكه وعلى فكره زوجي يقفل جواله وانتم تعرفون الايفون اقدر اشوف الرقم حتى والجوال مقفل

ويوم كلمته قال وش دخلك قلت له تطمن ليش تخاف وانت مقفل جوالك برقم سري...؟؟





اااااااااااااه بنات وربي تخيليو ما اتقابل مع زوجي الا الظهر ولا بعد قاعد على الابتوب عشان الاسهم واذا السوق ناااايم قعد يلعب بلياردو

اذا تكرم علي سولف معي ومرات مثل الجدار قاعده قدامه

تخيلو


له شهر وعليها


مسجل بالبلياردو يوميا يطلع للاستراحه ومعه اللاب توب والعصر كان ينام واللحين لا صار يطلع لصديقه والبيت مثل الفندق

مرات يرجع ويقعد معي ساعه عشان ياخذ اللي يبي مني ومرات يرجع وينام ويخليني


اللي صار اليوم انه كان يلعب بلياردو وانا متضااااااااايقه ابي اسولف معه والدوره الشهريه زايدتني ضيييييق حسبي الله ونعم الوكيل

المهم جيت اجلس بجنبه واعطيه لابي واقوله قفل البرنامج ما عرفت له وجلست بجنبه ابي اشوف يلعب مع مين


قام قالي وانتي ما حلت لك القعده الا اللحين ولا تقززين من اول ما جلستي وعيونك على اللاب


قلت له مع مين تلعب قال انا وفلان قاعدين نطقطق على بنت

انا هنا عصبت


وقفلت اللاب باقوى ما عندي وطلعت قام هو يصفق وقال اييييييييه بدات النفسياااااااااات


دخلت دوره المياه وانا حديي متضاااااايقه وحبيت اتسبح واقعد بالبانيو اريح اعصابي من زوجي


قام يدق الباب ويهاوش


ااااااه يابنات تخيلو ايش سواااا

طلع من البيت ولا قال لي وترك ولدي لحاله طيب افرض صار فيه شيء وانا بالحمام ما دريت انه طلع الا بعد ساعه


ااااه من تصرفه واللي يقهر اخذ الاب معه


ومسوي نفسه الطاهر اللي ما يغلط رغم كل العوامل المحيطه فيه رغم كل الاخطاء اللي حوله

مسوي نفسه البرج النظيف بين المباني القذره

قهرررني


وارسل لي رساله:: البنت طلعت اخو فلان وانتي مريضه وشكاكه وكويس عرفت طبعك وانك عمرك ما تتغيرين شكاكه ومريضه الله يشفيك اقسم بالله ما منك فاااايده يا...
والله يرزقني الاجر على صبري عليك وعلى شكك

وانواع السب


قهرررررررررررررررني انا اللحين غلطانه الله يسامحك الله يسامحك بس

ورجع للبيت حتى ما قال السلام وقام يهاوشني وقال بوديك بيت اهلك عشان يربونك لانك مريضه واذا شفيتي من مرضك ارجعي لي ودخل الغرفه ونام


وانا الشكاكه المريضه وهو النظيف دااائما وربي تعبت منه تعبت


الله لا يوفق من غيره علي الله لايسعده لا دنيا ولا اخره


يارب سخر لي زوجي ما ادري وش غيره عليه وربي اكتب لكم وانا ابكي حسبي الله ونعم الوكيل

هو ما زال معي طيب وحنون وكريم بس انا ابي اجلس معه واكلمه لو ساعتين باليوم بس مافي امل وقته لاصدقائه وللعمل وللاب



بنات قولو لي انا اللحين مريضه و صدق هذي اشياء تجعلني اشك فيه تعبت منه تعبت

اذا سوا شيء خطا يتصرف وكانه وراه بلاء

ثم بعدين يجيب عذر ومبرر ويطلع نفسه ويقفل الموضوع


انا ما قصرت معه بشيء وربي شاااااهد علي ولا هو مقصر بشي


بس انا ابيه يكون واضح معي مثل زماااان بس ابيه يكون واااضح معي

انا ما ابي اذكر فضلي على زوجي لاني ذكرته بالموضوع القديم وفي وحده قالت لي اني مغروره ومدري وش بعد عشان كذا اكتفي بكلمه اني ما قصرت معه

بنات والله ما امداني كتبت الموضوع الا واشوف شيء صعقننننني بمووووت


يارب وربي انتفض وابكي ومو عارفه اكتب لكم زين

هذا رابط الموضوع نزلته قل نص ساعه

http://forum.hawaaworld.com/showthread.php?t=3102733



بنات زوجي كان في جواله رقم وحده في جده

وكان يقول انه مو هو وانه زوج اخته

بنات بموووووت
وربي بمووووووووووووووووت


خلاص خلاص يارب خذ روووحي وارتاح يارب


لقيت له في المفضله حجز فندق في جده

في الفتره اللي بكون فيها عند اهلي عشان الاختبارات

وهو بيروح للبنت

يانااااااااس وربي ما قصرت معه

جميله نظيفه مهتمه اقوم من النوم وارسل له صباحيه وكل شيء اسويه له

حتى وربي ما اقول له لا تطلع ولا تروح

مخليته على راحته

بنات بااااانجن وربي باننجن

ولو قلت له بينكر

بنات زوجي بيروح للبنت


لالالالا ابي اموت تكفون ادعو ليي اموت ما تخيلت خيانته كذا لي

يارب خذ روحي يااارب يارب اعذروني مو قادره اكتب انتفض وربي وربي انتفض


على فكره هو قالي بروح مع اصدقائي اللي بداوم وعددنا 37 واحد بنروح الشرقيه وبنسكن في سكن اروامكو ومن يوم الاثنين بحط عند اهلك

وهو طلع نصاااااااب وكذااااااااااااب بيروح لجده يوم وليله عشان بنت الحرام وربي اني منهااااااااره منه لابعد حد

والله قاعده اتذكر الرسايل اللي كانت بينهم


بنات لاتقولون بيروح مع اصحابه لجده يمكن غيرو الخطه

لالالالا


لو بيروحون ما يسكنون في فندق بيروحون مخيم او استراحه مو فندق ابو 5 نجوم وليله ويرجع


ااااااااااااه يازوجي صدمتني وربي وربي وربي


حرام عليك حراااام



بنات مشكورن علىى الردود وربي ريحتوني انا مشاركاتي قليله ولا اقدر ارد عليكم

دعواتكم لي عندي الدوره ولا اقدر اقوم واصلي
77
8K

يلزم عليك تسجيل الدخول أولًا لكتابة تعليق.

تسجيل دخول

fnonah^_^
fnonah^_^ •
الله يعينك يارب
والله يهديه ان شاء الله
حبيبتي حاولي تناقشينه بهدووء
ترى الكلمه الطيبه تجيب الرجال
قولي انا اشتاق لك اشتاق لسوالف وجلستك
الشاطره حواء
الشاطره حواء •
مالك الى سجادتك دائما ادعي الله يصرف عنه اولاد الحرام وبنات الحرااام
انا الغلطانه
انا الغلطانه •
fnonah^_^ fnonah^_^ :
الله يعينك يارب والله يهديه ان شاء الله حبيبتي حاولي تناقشينه بهدووء ترى الكلمه الطيبه تجيب الرجال قولي انا اشتاق لك اشتاق لسوالف وجلستك
الله يعينك يارب والله يهديه ان شاء الله حبيبتي حاولي تناقشينه بهدووء ترى الكلمه الطيبه تجيب...
كلمته وناقشته وربي اني هاااااديه وما احب ازعله نهااااائيا

بس في كل مره يتعذر لي فيها ويبرر المواضيع
ام هااااجر
ام هااااجر •
خلاص غمضي عينيك وعيشي مطنشة
بنت العييري
بنت العييري •
كل شي باالهدوء
والتفاهم
ماتقدرين تراقبين
زوجك
بس تتعبين وسعى
صدرك ولا تتهمينه
على الطالعه
والنازله
تجنبى المشاكل
معه
والله يعند ويخون فعلا
لاانك تشكين فيه
اهدئى واصبرى وعليك باالدعاء والاستغفار
الله
يسخرلك
استغفرالله واتوب اليه