انا اللي قلتلكم ادعولي بكره عمليتي تعالو شوفو قصة وللدتي 

ابشركم ولدت يوم السبت الصباح وجبت فهودي ...
يوم الجمعه كتبت موضوع عشان تدعون لي بتيسير الولاده لان الدكتوره حددتلي موعد للعمليه عشان موية الجنين قلت والموعد يوم السبت ويوم الجمعه كان بالنسبه لي يوم الرعب بس اصلي وادعي ربي بتيسير الولاده وكل ماجت عيني على ولدي حمودي ابكييييي مادري اش ذي الحاله ؟؟ 
ااااااااه معاناه وجا الليل وماقدرت انام طبعا كنت صايمه عن الاكل والشرب عشان العمليه وماجاني نوم من الخوف جسمي كله يرجف جا الصباح اذن الفجر قمت صليت وجلست ادعي شوي جوالي يدق ارد الا هو زوجي يقولي جاهزه ؟؟ قلت ايوا خلاص تعال طلعت من الغرفه واطالع في امي وابكي مسكينه امي مانامت من الخوف علي قلتلها امي زوجي دق الحين بنروح المستشفى ابغاك تروحي معايا قالت طيب وطلعنا من البيت عالساعه 7 وصلنا المركز الطبي الدولي اول ماوصلت طلعوني غرفه ولاده وركبولي مغذيات الى الساعه 12 جت الدكتوره قالت يللا على غرفة العمليات ويدفوني بالسرير وانا ابكييييييييي واطالع في امي وزوجي وابويا يقولي شدي حيلك ااااااه وانا حالتي صععععبه ابكي وارجف الموهيم دخلت غرفة العمليات وجت طبيبه التخدير وطلعت ابره الظهر اااااه اول ماشفتها جاتني حاله هستيريه ابكي واقول لااااا مابغا اشوفها غطيها وهي تضحححك حسبي الله عليها دقتني الابره وانا ارتجف والممرضات بالقوه مثبتيني وانا كاني مشبوكه على كهرباء 220 هههههه الموهيم دقتني الابره وشوي احس بحراره في رجليني من تحت وتنميل شوي مااااعاد حسيت برجلي بعدين ركبولي القسطره وجت دكتوره سوسن عبدالدايم اول مادخلت قلتلها الله يخلللليييك انا مابغا اشوف شي قالت طيب ركبولي فراشين فوق بعض وعلقوها لي عشان ماشوف شي شوي احس شي بااااارد على بطني وشوي حسيت بكتمه فضييييعه وبالقوه اتنفس والله اني قلت هذا الموت يااارب جلست اقرا قران مر علي شريط حياااتي كامل والله الانساااان ضععيييف اعطوني اوكسجين بعدين ارتحت بعدين الدكتوره قالت للممرضات يضغطو على صدري لانه طالع فوق واااااااه ضغطو على صدري ضغطه لييين اليوم القفص الصدري يووجعني وهوووووووب يطلع فهووودي على وجه الدنيا ويقفلو جرحي ويطلعوني غرفتي واول من اشوف وجه امي وهااااتك يابكا ويجي زوجي ونفس الحاله الهستيريه ويجي ابويا برضو وانا موووواصله في البكا الهستيري والحمدلله جلست في المستشفى 4 ايام من السبت الى الاربعاء وطلعت الاربعا الساعه 4 العصر الحمدلله بس الى الان الاام العمليه مو مريحتني القومة والقعده صعببببه الله يااجرنا ****لله والله يفرج على كل حااامل ياارب وهذي قصه ولادتي 