انا اللي قلت لكم زوجي مايهتم فيني ... متضايقه حييييل

السلام عليكم

انا سمعت كلامكم وصراحه كان ودي اسوي كذا من زمان ودي اخفف من كلامي له ورسايلي ومكالماتي الحين انا اسبوع عند اهلي عشان اجازه مثل ماقلت لكم

ومادق على زوجي ابداً ولا ارسل له ومارد عليه اذا دق الا نادر بناتي احيانا يرفعوا الحوال ويجيبوه لي واكلم بس احاول اسكر بسرعه اقوله اني مشغوله اطبخ او اني اجهز بطلع وكذا واذا رسل بالواتساب ما ارد واذا رديت ارد بس بكلمه ورد غطاها 

هو اليوم حس ودق وكلمني قالي شفيك انقلبت الآيه قبل كنت تكلميني واقولك مشغول وترسلي وما ارد صراحه انا حيل انبسطت لان هذي النتيجه اللي ابي اوصل لها ابيه يحس باللي كنت احسه وتطنيشه لي بس مهما يكون هو رجل ومو محتاج لي عنده شغله وربعه 
وكلم اخوي بعد قاله شفيها اختك ماترد علي قاله مادري عنها وانا رديت عليه بالواتساب انه مافيني شي بس كنت طالعه ومافتحت الجوال مع اني موجوده وكل شوي اشوف شيكتب بس احاول اثقل

للعلم اني اشتقت له كثير بس فرحانه بالنتيجه وابي اشوف ردة فعله لما يجي بس اخاف يمل ويبطل يرسل او يدق نهائياً

بس قبل شوووي طفششششت مره ورسلت له 

لاني قبل كم يوم قلت له ابي فلوس وقالي بيحول ورجع رسلي انه ماقدر بيحول وقت ثاني ولاحول وقلت قربت اكمل اسبوع وانت ماحولت شي طبعاً زوجي ظروفه جداً صعبه وقلت له بناتك محتاجين اغراض واشياء وانتي تدري من زمان بس ما اهتميت 

واخاف كلامي له هذا خرب كل شي سويته مدري بس كنت جد متضايقه ومحتاجه شغلات كثيره لبناتي مع اني حطيت مكياج لخالاتي قبل كم ليله كان معنا زواج وعطاني مبلغ بسيط مشيت فيه اموري بس ماقلت له لاني لو قلت له مابيعطيني وانا ابيه يعطيني ويهتم الى متى وكل متطلباتي علي 

اتمنى تقولوا لي شسوي وهل اللي سويته صح او خطأ

محتاجه ارائكم 
ساعدوني