انا اللي قلت لكم عندي الحصبة الالمانية ادخلوووو

السلام عليكم ورحمة الله وبركاته

اللهم لك الحمد والشكر الحمد الله الحمد الله الحمد الله الف مرررره الحمد لك ياااربي

يابنات نزلت هالموضوع خصيصا عشان اشكر كل من دعت لي وتفاعلت في موضوعي

والله اشكركم من كل اعماااااق قلبي ماقصرتوا والله يحقق كل ماتتمنوه ويسهل علي وعلى لكل حامل ويرزق من ليس له ذرية يااااارب

طبعا انا نزلت الموضوع اللي قبل من الخوف لان شفت في تحاليلي الحصبة الالمانية ايجابي

طبعا لايخفى عليكم القلق والتعب والتفكير وظليت طووول الليل احاول اصبر نفسي كل ماشفت ردودكم واحمد الله على كل حال وادعي الله يفرج همي

القصة ياحبايبي اني مانمت من القلق وصحيت زوجي من بدري عشان اروح المستشفى واسوي تحليل مرة ثانية

المهم رحت للمستشفى وجالسة جنبي بنت طيوبة مرة وبجنبها اختها الصغيرة وانا خاااايفة ومتوترة من التوتر صرت مو قادرة اخذ نفس والبنت تناظرني تقول لي سلامات شيلي الشيله اذا مو قادرة تتنفسي قفت لها لا عادي قالت انتي حامل قلت لها اييي وعيوني تدمع واقول في قلبي حامل وبتفقد جنينها يااارب رحمتك المهم جلست انتظر على اعصابي وانتظر دوري

شوي ودقت الوالدة الله يخليها تتطمن علي وتهديني وتقول لي توكلي على الله وانا كلي امل بالله

المهم شوي جت الممرضة ونادتني دخلت عالدكتورة ووجهي شاحب وموعارفة اتكلم

قالت لي خير قلت لها انا حامل قالت اول حمل قلت لها لا الثالث قالت عندك طفلين يعني قلت لها لا ماعندي وقلت لها قصتي والغصة ذابحتني بالموت اتكلم وقلت لها هذا الحمل سويت تحاليل شاملة عشان اطمن وطلع عندي الحصبة الالمانية ايجابي وماحسيت الا وانا ابكيييي قدامها

وهي تقول لي طيب وش يعني انا طالعتها بنظرة استغراب اقول لها دكتورة اقول لك ايجابي شنو اللي طيب

تقول ايييي هو المفروض يكون ايجابي ليه تبكين هدي هدي قلت لها كيييف دكتورة انا مانمت وجلست ابكي تقول لي شفيك انتي فاهمة غلط

لما يطلع الحصبة ايجابي معناه طبيعي وانتي عندك الاجسام المضادة للمرض مو يعني عندك المرض انتي فهمتي العكس

فجاة وهي تقول كذا ماصدقت وجلست اطالعها لولهه بصمت وجلست اضححححك اقول لها من جدك دكتورة يعني مافيني شي قالت لا مافيك الا العافية بس انتي فهمتي غلط

وجلست تنصحني وتدعي لي الله يوفقها ريحت قلبي والله

وصارت تقول لي قصص وتقول لي اصبري وباذن الله بتشوفيه بحضنك بصحة وسلامة يااارب

وعملت لي سونار وطمنتني كل اموره اوكي وشفته فديته عسى ربي مايحرمني منه واشوفه بحضني ياااارب بصحة وسلامة

وقالت لي ارتااااح بشكل تاااااام ولا حركة ولاشي وعطتني دوفاستون لان الرحم فاتح شوووووي لان حالتي عندي ضعف في عضله الرحم مثل ماقلت لكم واحتاج ربط ضروري

فالحمد الله على كل حال

واتمنى منكم تدعون ان الله يتمم علي هالحمل بخير واكمل واوصل التاسع والولادة بصحة وسلامة ياااارب ويجيني البيبي بصحة وسلامة في وقته

والله يحفظه لي ويثبته لموعد ولادته ياااارب

اشكركم مرة ثانية كلكم وانا نزلت الموضوع عشان غيري يستفيد ولا احد يطيح بنفس هالسالفه مرة ثانية

مع خالص حبي واحترامي للجميع

تحيااااااتي ولاتنسوني من الدعاء