انا اللي كتبت لكم ابي ارجع لطليقي

بنات انا تنرفزت البارح بعد بعض الردود وطول الليل ابكي اتخيله حاضن زوجته مثل ماكان معي وارسل لي رساله الساعه 2 وانا مثل ماقلت لكم ماعاد ارد عليه ولما ارسل الرساله بسريري واقول يعني سهران وش كان يسوي وكيف مزاجه وانهبلت ورديت عليه بعصبيه وقلت ارجوك لاترسل ورد علي معصب براحتك ماعاد تشوفين مني رساله وانهبلت اكثر وارسل له وسفهني والله ياناس مانمت الا 9الصباح وابكي وصحيت ماقدرت اكل ومالي نفس حتى لبنتي ومرضت تعرفون وش معنى مرضت جسمي يعورني وفيني رجفه واحس تنميل براسي من الخلف ومافيني حيل لو اجيب لي كاس ماء وارسلت له رسالة قلت ليه عصبت مني وزعلت انا ماكرهك بس اذا انت نايم بالعسل ومبرد على قلبك فأنا اتعذب واحس للحين اني زوجتك وتخيل نفسيتي انك مع غيري وانا ماقدر اوصلك انا اموت فيك وتعبانه وكل ماترسل رساله يزيد تعبي عشان كذا قلت لك لاترسل ابي نفسيتي ترتاح والا نهايتي بتكون عيادات نفسيه 
وبعدها رد انتي تظنين اني مرتاح انا قلت لك من قبل زواجي بظلم بنت الناس معي لأني متعلق فيك وفي بنتنا
قلت له لاتلعب علي اذا انت مرتاح معها خلاص لاترجعني 
قال ماألعب عليك والاربعاء بنجيكم انا وامي واخواني نسلم على بنتنا ونكلم ابوك في الرجعه
امه يااخواتي اول مره من انفصلنا بتجينا وماحس لها رغبه برجعتي لأنها ماتدخلت ابد ولاحتى تسأل عن البنت ويمكن هو اقنعها تجي او هي يمكن نيتها تجي تحاول في ابوي بس بعد مايتزوج طليقي
ترى يابنات ماعمر جاها مني اذى بالعكس اعزمها واهلي وارحب وقمت فيها قومه طيبه بعكس حريم عيالها الباقين
انا نفسي ابوي يوافق ارجع الاربعاء الجاي وكم مره اقول لأبوي تراني بجلس بدون زواج مابي الرجاجيل ابد
وخطر على بالي شي
انا بشرط عليه يحطني في شقتي الي دخل زوجته فيها
لأنه يبي يستاجر لي ويأثث لي بس انا بقوله طلعها بشقه بخيمه بقصر المهم ارجع شقتي ولأثاثي تدرون ليه ابيها ماتحمل رجعتي عليها وهي لسى بشهر العسل وانها تطلع من الشقه اللي دخلتها بنات لاحد يلومني انا قلت لكم بموضوعي السابق ماعلي لوعنده ثلاث حريم لكن جلست اقرا بقوقل عن اللي عند زوجها غيرها واحترررررقت والله نااااار في قلبي حاسه اني بموت ونظام المعددين زفت ماقريت لأي وحده عندها ضره ومرتاحه وخايفه يكون ظلم لها واغضب ربي والا احمد ربي وارجع لزوجي بشقه جديده واصبر على الي كاتبه الله سبحانه لي