انا اللي كتبت موضوع عن زوجي

اخ يا بنات قاهرني قبل شوي اتخاصمنا انا وياه
اتفقنا اليوم ان يجي بدري من دوامه عشان نروح لمعرض حيوانات وقام الاخ اتأخر كالعادة واتصل علي وقاللي جهزي انا جاي في الطريق وجهزت ورحنا واخر شي مارحنا للمكان اللي متفقين عليه لا رحنا نقضي مشاوير اخته اللي ماتخلص والمشكلة كانت الساعة 12 في الليل ولمن قضينا مشاويرها رجعنا للبيت وهو عارف اني زعلانة واتعشينا واتفرجنا على التلفزيون شوي وبعدين رحنا نبغى ننام وقاللي ايش اللي زعلك قلتله من متى وانا اطلب منك توديني للمعرض والله يا بنات صار لي 3 اسابيع اطلب منه يوديني وكل مرة يقول بكرة والربوع اللي راح على اساس حنروح للمعرض واخر شي اخته اتصلت وقالت تعال مشينا هي وبناتها وزوجها وقام زوجي يشيل زوجها ويحطه في السيارة
لان زي ما قلتلكم عنده شلل نصفي
ومارحنا في النهاية يعني هو كل مرة يأجل ولمن نقرر نروح تجي اخته تمنعنا بشاويرها اللي ما تخلص
وقبل شوي اتهاوشنا وقلتله والله لو ان اختك اللي طلبت منك تروح للمعرض كنت حتترك كل شغلك عشان تروح توديها وانا طز في وفي طلباتي .
وقال ايوة اذا طلبت مني حوديها وماراح اقصر
والله اني كرهت اخته كره العمى والسبب هو
وقلتله سألتك بالله اختك مبالغة ولا لا قال لا
بعدين انهى النقاش وقال ابغى انام عشان ورايا مشاوير اختي في الصباح لان اخته طلبت منه انها تروح مع بنتها الروضة مادري عندهم مجلس امهات ولا ايش الهرجة وبعدها تروح السوق
انا خلاص ماني قادرة اتحمل اخته وربي زودتها
هو دحين نام وانا رحت المجلس وقلتله ابغى اتفرج عالتفزيون
ولا غفاله جفن في العادة يجي يراضيني
سألتكم بالله تقولولي من الغلطان
انا ولا هو
لا ويقولي انتي اذا فضيت اسويلك طلباتك واختي حسويلها طلباتها على طول
وقاللي انتي مشاويرك مو ضرورية وقلتله يعني اختك اللي مشاويرها ضرورية قال ايوة ضرورية في نظرها
حسيت اني اكرهه دحين
تخيلو اذا ابغى اروح السوق لازم يجيبها معايا
واذا نبغى نطلع نتمشى زي اي زوجين لازم يدق عليها ويقولها جهزي نتمشى شوي وانا جالسة اجامله بس دحين خلاص انفجرت
وقلتله انت بتصرفاتك هذي تخليني اكره اختك قال اكرهيها لو تبغي بس ماراح اسمحلك تغلطي عليها وحخدمها وماراح تمنعيني
ايش الحل في نظركم يا بنات
والله مو قادرة اتحمل
ترى انا ماعندي صبر
واذا زعلت يمكن ادمر بيتي ولا يهمني