انا اللي كنت طالبه الطلاق من زوجي عشان الصور شوفوا وش صار

اهلن بنات انا اللي لقيت صور وصخه في جوال زوجي وسافرت وتركت بيتي واخذت بناتي ورحت ل اهلي
صار لي اسبوعين طبعا ارسل بعد عشر ايام انه مانسيتك واللي بينا سحر وباءذن الله بنتعالج واني انا مسحوره ، حط كل السالفه علي اني مجنونه ومسحوره واسوي مشاكل ، قلت ماشاءالله والسهرات والبنات والشراب بفعل السحر بعد ؟ طبعا انكر في البدايه وشغال كذب الصور ماطلبتها خويي اللي ارسلها قلت لو خويك يعرف انك ماتبي هالاشياء ومنت راعيها والله مايرسلها لك وبنات لاتخربطون ترا الصور صور سهره في شقه خويه مش صور من النت عشان تستوعبون
انا لقيت السهرات اول ماتزوجته لقيت في جواله القديم خويه يسأله وينك قال انا وفلان في الشقه واربع بنات ، ومره يسأله خويه يقول كلم فلانه تجي السهره قال جوالها مقفل وغيرها كثير طبعا بنات حواء مايصدقون يحطون الغلط علي الحين ليش ماتركتيه ليش وليش اولا قلت يمكن تاب وترك هالاشياء دامه تزوج مع انه مطلق وسبق له الزواج المهم قلت ان شاء الله انه تاب
بس للاسف من شب على شي شاب عليه للحين سهرات لما نروح للمدينه اللي فيها اهلي واهله عشان كذا مره قلت له بنجي للشقه عندك انا والبنات وتورط قام يصرف يقول انا اطلع اول مااصحى صعب اترك في الشقه لحالكم ومره يقول شقق عزابيه المهم كان يصرف وانا بريئه محسنه النيه فيه ومصدقه مادريت ان القذر سهرات وشراب وبنات ليل ، حتى اذا رحت عزيمه ودقيت عليه اخر الليل يرجعني مايرد علي صوت بس رسايل ويقول انا بعيد في البر طلع كذاب في سهره وشارب ، حتى خواتي لاحظوا كل مابغيت شي مشوار او شي يصرفني يقول معزوم ع العشا ولا انا نايم في البر
الحين رافض يعترف بالغلط ويرسل لي يسولف امس يقول بغير كنب الصاله اي لون احط يعني كأنه ماسوى شي وانا شرطت ماارجع لين يقول لي الصراحه ويعترف بكل شي وبعدها اقرر اذا بسامح ولا انفصل بس رافض يعترف يقول لا مازنيت ولا قابلت بنات وانا ماني راعي بنات قلت طيب منت راعي بنات ليش تطلب صورهم بهالوضعيات القذره وصورهم وهم يرقصون قال كنت امزح مع خويي وهو ارسل ، فسروا لي كيف يمزح !!!!! يابنات خويه لو يعرف انه موب راعي هالحركات كان ماتجرأ وارسل له صح ولا لا ؟
امرضني تعبني معه تعبت انا والله تعبت نفسيا رجال عمره 47 وللحين كنه مراهق حياته لهو وكذاب ومراوغ
انا عمري 31 وفيني كل الصفات الزينه ليش يسوي فيني كذا
عايشه في شقه نقطه صغيره مره ، الفلوس ماكلته القروض ، عاطفيا جاف جدا جنسيا بارد جدا يمر شهر شهرين مايلمسني احاول فيه ولا يتفاعل وفي الاخير القاه راعي بنات ليل ويدفع لهم وتارك حلاله ، الشراب عمره ماشرب في بيتي ولا جاني وهو شارب كريم طيب بس عنده مشكله الكذب انا ابيه يعترف بس ابيه يقول لي كل شي عشان اقرر لاني الحين في مفترق الطرق وهو يكذب ولا همه عايش حياته وش اسوي طيب الحين انا ؟؟؟


تركته اسبوع مارديت عليه وامس يسأل ليش ماتردين علي ورجعت كررت نفس الكلام غلطان غلط فادح وضاربني طبعا سحبني مع شعري عشاني قلت له طلقتي ، وخيانه وووووو ، وكالعادة انكر ، انا ابيه يجي في بيت اهلي ويصارحني الحين ايش اسوي اطنشه ولا ابلكه عشان يحس ابيه يحس بغلطه ايش اسوي ؟؟؟