انا اللي لقيت صور وحده وسهره في جوال زوجي

مساء الورد كيفكم حبيباتي
تذكرون موضوعي اللي لقيت صور في جوال زوجي وسهره وشراب ورحت بيت اهلي
اللي صار انه ارسل لي قال ايش تبين قلت تحلف ع المصحف على سؤالين انك مازنيت ولا رحت سهرات او تعترف لي بكل شي لانه يجحد وينكر
قال ابشري وحجز وجا ولما قابل اخوي قال هي تبي تحلفني ع المصحف وانا مش في المحكمه ولا في قصاص وهي زعلانه عشان صور راسلينها لي القروبات اللي ع الواتس ومشى وطلع تخيلوا ! قلت كيف قال اخوي خلاص راح ، انهرت وجلست ابكي لاني متجهزه ولابسه بتكلم معه بس هو مسكين خايف لانه مسويها وراح ومشى
مايبي يواجهني يرسل لي يقول حاجز بعد بكره تعوذي من الشيطان وارجعي معي وحلف ع المصحف انسي لان كلام ربي مش لعب انا مش في محكمه اطلبي اي شي فلوس سفره اي شي وابشري الا الحلف المصحف
طبعا انا بذكائي لفيت السؤال قلت خلاص برجع بس بشرط تعاهدني وتحلف ع المصحف انك ماعاد تروح سهرات ولاعاد تزني قال ابشري تخيلوا !!! قال بحلف ع السهرات بس الزنا لا ماراح احلف على شي انا ماسويته ، قلت مو ع اساس انك ماتبي تحلف ع المصحف ليش وافقت الحين !!

في الاخير رضخت خليته يحلف بالطلاق بالثلاث انه ماقد زنى ولا راح سهرات ووافق وجا وحلف وصدقته ورجعت
بس قلبي مش مطمن عجزت ارتاح شهر كامل في بيتي بدون راحه شك في شك انه هو اللي كان رايح للسهره وهو اللي مصور مؤخره العجوز ومصور الرقص لاني اعرف تصوير زوجي وحملت الاصدار الاخير من تحديث الايفون لانه يطلع مصدر الصور من وين تصوير جوال او جايه واتس المهم الصدمه الا الصور يطلع هو اللي مصورها واجهته وانكر قال خويي اللي صورها وانه مالمسها قلت كذاب مثل ماحلفت بالطلاق انك مارحت سهرات في الاخير القاك رايح قال هاتي المصحف احلف اني مالمست بنت الليل قلت كذاب مافيه حل الا ترسل لخويك اللي صور تسأله عن الصور وبنشوف وش يقول في البدايه رفض يوم شافني ابكي وانهرت وافق وارسل له قال خويه انا اللي صورتها وسأله هل انا لمستها لاني ناسي قاله لا انت ماجيتها هي مع صاحبها خويهم الثالث المهم صدقت وقفلت ع الموضوع
امس جايني يقول بوديك اهلك وبروح للبحرين اربع ايام قلت لا ماعاد فيه سفرات مااثق فيك انا ابد قال خلاص سافري انتي معي عاد انا لقيتها فرصه قلت خلاص تبي تسافر وترجع الثقه ابيك تحلف ع المصحف على طول وافق قال بس ابشري ماطلبتي شي !!!! انا انصدمت قلت بتحلف على ايش قال بحلف اني ماالمس ولا حرمه واني رايح اغير جو بس قلت لا ياحبيبي ابيك تحلف انك ماقد زنيت من تزوجتني ورفض قال انا مش في قصاص ولا محكمه عشان تحلفيني ع المصحف !!!!!!! طيب ع اساس كنت موافق تحلف يوم شفت السؤال رفضت قال كنت امزح ، والحين يابنات رجع لي الشك انه قد زنى ولا ليش رفض يحلف ليش !!
مع اني ماعندي ولا دليل انه قد زنى بس رفضه شككني