انا الوحيده الا كذا ولافيه غير؟؟؟

السلام عليكم
حبيبات الكروشات عند استفسار يمكن هو شوي غريب 😁لكن مالي الاانتو اسألكم اياه
انا حامل بحملي الرابع وحملا ت اللي قبل اخلص الشهر التاسع وانا ماولدت و اذا حددو لي موعد علشان الطلق الصناعي اولد قبله بيومين ثلاثه المهم لماتجيني الولاده يكون الطلق مره حامي ولما اروح للمستشفى يكون الرحم مفتوح 8 أو7 سانتي وهم اللي يفكون لي موية الجنين ويكون طبعآ متبرز فيها والولاده الاخيره كان الجنين شارب من موية الرحم وكان مختنق وسوو له انعاش غير كذا القابله لما تجي تولدني تستعجل على بالولاده لدرجة انها تدخل يدها علشان تسويلي توسع ويجلسون يصارخون علي و يقولون لي انتي لازم بيبي ينزل بسرعه كله علشان البراز الله يكرمكم
المهم انا مؤمنه ان الولاده ليه وقت وساعه محدده من الله ومهم سويت علشان اولد ماراح اولد الابالوقت الا الله كاتبه طبعآ انا امشي من بداية الثامن وضعي بناء على الاشاعه يكون تمام حتى ان الجنين يكون من بداية التاسع وهو نازل بالحوض ومع ذالك مااولد الا بعد ما اخلص التاسع
وكل مررره احمل فيها اشيل هم الولاده مو الآمها بقدر مااكون خايفه على البيبي لايصير فيه شي
في منكم قد صار له مثلي او قد سمع بحالتي اوقات اقول بطلب من الدكتوره تحدد لي موعد بنهاية التاسع واخليهم يعطوني طلق صناعي انتم وش رايكم ؟