حمدلله على سلمة بنتك
بس الواضح ان مافيه اي احترام بينك وبين زوجك
مهما صار بينكم كيف يوصل الامر وتقولين له يامتخلف..؟؟
شوفي يا اختي انا والله ما انصحك الا من حبي لك
متى ماقل الاحترام بين الزوجين فهو انذار خطير ومؤشرللطلاق
ومتى ماكان فيه احترام حتى لو انكم مختلفين جذريا بكل شي فابشري براحة البال والاستقرار ولو بعد فتره
الان انا ما اشوف في زوجك مشكلة سوى انه لا مسئول وهذي امرها محلول يعني الرجال لاهو راعي جوالات ولا طلعات ولا اصدقاء سوء ولا سفرات...يعني بختصار مشكله ممكن تنحل لو غيرتي اسلوبك ومعاملتك معه
انك تجينه بالتحدي او تحسسينه انه اب فاشل ومهمل وعديم المسئولية حتى لو كان كلامك صحيح فهذا بيعزز هالشي عنده ومارح يمشي معك الا بالعناد والتحدي...يمكن احيانا يكون ناوي يودي بنتك للمستوصف بس من يوم يشوف معاملتك وردة فعلك خلاااص يحطها تحدي وهذا بحد ذاته انتصار وانتقام لرجولته
واي واحد بمكانه صدقيني رح يتصرف هالتصرف..الا اذا كان ضعيف شخصية
يا اختي الحياة الزوجية ماتدار بهالطريقة...الحياة الزوجية مبنية على الود والاحترام والتقدير
وحتى لو هو اب لا مسئول ممكن تعالجين سلوكه بالتودد بالكلام الطيب والنظرة الحنونه...حسسينه انه سندك بعد الله وعزوتك وحبيبك وكل شي بهالدنيا..حسسيه برجولته وانه شهم ووووو حتى لو لقيتي منه بعض التملل والتأجيل...ترا اغلب الرجال كذا
الحين لو مثلا زوجك كان بخيل وقلتي له يابخيل تظنين انه بيصير كريم...؟؟؟؟بالتأكيد لا
لكن لو اثنيتي على جوده وكرمه وشهامته لو هو بخيل بيعيش الدور وبيكرمك احسن كرم
يعني لما تعززين السلوك الحسن بيتجاوب معك والعكس صحيح...وقيسي على هذا بأشياء كثيرة
بالنهاية اقولك يا اختي ترا الفراق مر والطلاق امر انتي الان تقولين هالكلام عشانك ببيت زوجك ومع اسرتك
لكن والله لو تقعدين ببيت اهلك شهر واحد وتشتتين اسرتك كان ماقلتي هالكلام
تعوذي من الشيطان ولاتخلينه يكبر المشكلة براسك
وترا بيوت كثيرة عايشين بمشاكل مالله به عليم ومع ذلك صابرين ومحتسبين ومره يوم حلو ومره يوم مر وبكرا كل هالمشاكل تصير ذكريات
افتحي صفحة جديدة مع نفسك ومع زوجك وقوي ايمانك بالله..متى ماكنتي قريبه من الله هو بيكون قريب منك...
الله يسخركم لبعض ويكفيكم شياطين الانس والجن..........وبالتوفيق

الله يعينك أكيد زوجك مريض مو طبيعي أبدا

الحمدلله على سلامة بنتك والله يسخركم لبعض ويحنن قلبه عليكي يارب

الحمد لله على سلامة بنتك
والله يسخر زوجك والنوعية هذي من الرجال ماهم حق مسؤلية
استخيري الله يفرج همك

ياالله حرام علية هذا أب بلاة عليك أش هالقلب إلي معاة وكمان يهدد بالطلاق صدق إلي قال الرجال مايملى عيونهم إلا التراب بس أنصحك لاتتهورين في طلب الطلاق ترى ماراح يندم في الأخير إلا أنتوا لأنكم ألحين بينكم توتر أهدي ياأختي وصلي الأستخارة وكلمية بهداوة وشوفي يمكن عندة مشكلة في العمل منرفزتة أويمكن نفسيتة تعبانة من شي ترى كل شي جاااايز وإذا كانت السالفة عناد عاااد الله يعينك علية ويهدي سركم آآآآآآآآآآآآآآآآآآآآآآآآآآآآآآآآآآآآآآآمين.,.,.,.,