انا الي انحىمة من ولدي سنين وكنت اشتكى لكم رجعت واخباري حلوه الحمدلله

السلام عليكم ورحمة الله وبركاته.
تذكروني ايام كنت اشتكى لكم وافضفض اني انحرمة من ولدي سنين وانا اراكض بالمحاكم وتعبت المهم ما اطول مواضيعي موجوده بملفي
اخذت ولدي العام وعلمتكم بس زياره وبالقوه الجبره وسافرت لبيتى وكان ولدي جدا تعبا نفسيا وجسديا مره نفسيته معدوه حسبي الله ونعم الوكيل
وع طول سالت ولدي كيف وضعه هناك وهل يبي يرجع او يبي يجلس عندي فقالي بيجلس عندي وكنت متخوفه من هالشي لان ابوه معه حكم حضانه لان ولدي اختاره لانه كان عايش معه فتحت ضغط من ابوه اختاره ..
فرحت للمحكمه الي بمدينتى وقدمت ع حضانه وعلمة القاضي بقضيتى وعطانى موعود بعيد ورفضت لان الولد يجلس معي بس شهرين وبلحق اكسب الحضانه باقل من شهرين ورحت لريس المحكمه وطلبت تعجيل بالموعيد وعطونى موعد مره قريب بعد اسبوع وصادف اجازه برمضان نسيت ايش المناسبه بس كان يوم من الحكومه وجيت اجدد موعد وعطونى موعد بعيد ونفس الشي اعترضت ونازله طالعه بالمحكمه وعطونى بعد ايام موعد وحضرت وهو ماحضر وعطونى وقلت للقاضي هو يتعمد مايحضر لين تخلص المده بقا الولد معي وقالي الشيخ بعطيك موعد رفضت وقلت لا احكم لي وخلاص قال ما اقدر لازم يجي وعطانى موعد اخير وقال اذا ماجا راح احكم لك وقرب لي الموعد كان اخر يوم من بقا الولد معي حسب مدة زيارة ولدي لي..
وحضرت الجلسه الثالثه وهو ماحضر وحكم لي الشيخ ببقا الولد عند امه حتى تنتهي القضيه ..
واخذت الصك واليوم الثاني سوا ماشاكل هات الولد اتصلو علي الشرطه بمنطقه طليقي هات الولد واتصلو ع ابوي لانه موقع ارجاع الولد بعد انتها مدة الزياره وقالهم معها صك الولد رفض يرجع وارسلهم صورة الصك ..ماعجب طليقي تجنن كيف بشهرين جاها حكم وسو علي بلاغ وارسلو خطاب لشرطة منطقتي واتصلو علي وع زوجي ضروري يحضرني وارجع الولد او بيعممو ع زوجي ويسجنوه وعلمهم زوجي ان معي صك وقالو هات الصك وتجي انا يومها كنت منومه بالمستشفى معي ازمه ربو ما اقدر اتنفس واحس بموت فكيت الاكسجين وقلت بطلع من المستشفى خفت ياخذونه غصب مره نفسينى تعبانه كانت واتصل علي ابوي واخواني يهدونى وماعليك شي حتى ابوي الله يحفظه قالي بجيك لو انك خايفه لهدرجه ماخبري بك جبانه وقعد يشجعني ويضحك علي ويمزح الله يسعده دنيا واخره..
المهم راح زوجي وعطاهم الصك والحمدلله رجعو القضيه لمدينه طليقي وقالو مانقدر نسو شي راجع المحكمه في التاريخ المحدد الصك فيه موعد جلسه كان..
وبعدين جا موعد الجلسه وحضر وقام يكذب ويالف قصص والي يشوفه بحسه صادق لدرجه انا صدقته شككنى بنفسي وش ذا وعطونا موعود ثاني وموعد ومرا موعد وحولنا للاصلاح بعد ما اثبت لهم ان طليقي كذاب لانه قال الولد مرتاح وعطيتهم صور للولد كان جدا ضعيف وقال الولود متفوق دراسيا والحقيقه راسب كان وجبت لهم صوره من شهادت الولد وهو عنده وصوره من تقريره الشهره وهو عندي فقام وقال ان الولد تحت تهديد وضرب منى ومن زوجي وطلب بجلس مع الولد لوحده انا قلت لوحده لا بس قدام الشبخ وانا اطلع وطلعت ورفض الولد يختاره وملزم يبينى وصارت كثير سوالف راح لمدرسته وحاول بطيب يسحب وجا بدس للمدرسه بيخطفه من جوة المدرسه..
بالمناسبه المدرسه كان يدرس بمنطقت طليقي الولد وكيف سحبت ملفه بعد ماجاني صك الحضانه رجت اول ما فتحت المدرسه وسجلت الولد بمدرسه قريبه مننا وكلمة المدير بمدرسه ولدي المدرسه القديمه وطلبت ارسال الملف وماقصرو ارسلو لي الملف بس طلبني صورة الصك وارسلتها من قبل تبدا المدرسه والملف موجود بمدينتي وذا الشي قهر طليقي اكثر لانه رافض يضيف الولد كان حتى ولايعطيني اثبات للولد..
نرجع للمحاكم طلب طليقي ان الولد يروح الامل يكشفو ع نفسيته لانه مريض مني بسبب العنف الي جاه مني ومن زوجي وطبعا لاعنف ولاهم يحزنون بس كذا يحاول يكسب القضيه فا انا رفضت وبعنف ان ولدي يطب مستشفى نفسيه لانه دايما يقول للولد مريض نفسي كان الولد معدومه ثقته بنفسه وكانه مصدق انه مريض نفسي ويتاتا بالكلامه ..
من كلام طليقي قال ان الولد يراجع نفسيه بمنطقته معه اوراق تثبتةان الولد مريض بسببي ما اكذب عليكن خفت وكان معه اوراق يعلم القاضي ويصورونها وانا مادري اش فيها..
المهم بمانى رفضت مستشفى الامل حولونا لوحده الحمايه الاجتماعيه وجابو للولد دكتوره نفسيه ورحت الموعود وكانت الصدمه ان العنف من الاب واهل الاب وانه يحبنى ويحب زوجي واهلي كاملا
ورجعت للمحكمه بموعدنا طبعا الي هو قبل كم اسبوع وحكمو لي يجلس الولد.معي وما للاب حضانه وزياره لابد حمايه الطفل اسريا..
حاليا.. احمد ربي واشكر الحمدلله ولدي عندي واموري بخير تعبت تعب سنين وحرقة قلب وشماتت ناس وناس تروح لاهل طليقي تكذب علينا ان حنا نعذب الولد ..ولكن ربي نصرني وذا بفضل من الله ورحمه ثم بفضل وقفت ابوي بجنبي الله يسعده ويطول عمره وقوة صبري واصراري ان الولد يتربا ببيئه صالحه لتربيه وواجهة وتعبت وحاربت وتبهذلت ونحفت ومرضت جاني قيلون ولكن الحمدلله الولد طفل صغير ولحقت عليه لايكبر ويصير مريض نفسيا وهو ماله ذنب بس عشان عاش تفكك اسري ..
نصيحه
كل ام لا تخلي احد يفرق بينك وبين عيالك مهما كلفك الامر بكل صرار وقوه وتوكل ع الله خذي عيالك ولاتقولو انا ابوي واهلي معي والله اوقات اهلي يتعبون ويستسلمون لان في ظلم بالمحكمه تسير لكنى ما استسلمت ولاوقفت والحمدلله
دعواتكم لي .. وما انسى كلامكم لي ايام تعبي الله يسعدهم الي كانو يوقفون معي ويواسوني ويقوونى من المنتدى الله يجزاهم خير واعتذر عن الاطاله رغم اني اختصرت كثير ..