انا الي طلقني عشانها بدون سبب شوفو ايش صار

السلام عليكم ورحمه الله وبركاته
ألي ما تعرف قصتي ترجع لبروفايلي وتقرا الموضوع الي كتبته سامحوني ما عرفت انسخ الرابط
والي مافيها حيل اختصار القصه زوجي اخذته أرمل فواجه جاب خطيبته تشوفني ببيتي وطلقني وأخذها وحرمني من بنته الي ربيتها
المهم انا سلمت امرئ لله وكملت حياتي بيوم لقيته مرسل لي على جوالي صور بنته ويقول بنتي تبكي اشتاقت لك ويسلم ويسأل عن الحال رديت عليه الحمد لله وهاتها لي بيوم وقال ان شاء الله
وصار كل فتره يجيبها عندي من بدري ولا ترجع الا اخر الليل ويومين تبكي وخلاها تنام عندي طبعا أهلي سوو سالفه وخليه يأخذ بنته وليش ما عندك كرامه بس طنشتهم 
صار كل شوي يرسل لي على الواتس ويسأل بعدين جلست بيني وبين حالي قلت هالرجال غريب وش يحلل لك تكلمينه وتردين ومتزوج بعد
قلتله يابن الناس لا ترسل ولا أرسلك بيتنا تعرفه والبنت حياها باي وقت 
وجلسنا فتره وانا سافرت للعلاج وجلست بالمستشفى 
اتصل علي من رقم مااعرفه يسال عن صحتي ورديت برسميه وقفلت 
من أسبوع تقريبا أرسل لي سامحيني ما عرفت قدرك وانا احبك ولاني قادر أعيش مع غيرك وانتي كنتي لي كل شي بالدنيا وانا عايش بعذاب بدونك وكلام طويل عريض بنهايته انا بطلقها وابيك ترجعين لي وربي يابنات لاشعوريا اتصلت عليه وأصرخ ما تركت كلمه ماقلتها له بنات الناس عندك لعبه ايش شافني ميته عليك وانتظرك يكفيني أني لادخلت باي مجلس يمدحون أخلاقي وانت رحت تزوجت مغنيه الله يستر علينا وجبتها ببيتي تشوفني وتتمصخر علي وسويت مارسي عشانها ورميتني برخيص والحين تقول ارجعي ماتركت كلمه ماقلتها الله يسامحني مدري وين كان عقلي 
وهو كل ردوده تبرير غلطه وما تتكرر شوفيني لو ما احبك ماارجعلك ولااجلس أراقبك وانتظر اخبارك لو مو عشاني عشان بنتك الي ربيتيها وكلام كثير
رحت سويت له حضر وقفلت على الموضوع
الحين طلقها وجات امه كلمتيني تبغاني ارجع له وانه اشترى بيت عند أهلي 
كل الي حولي يقولون ماعندك كرامه لو ترجعين له وراح يسوي اشين من سوأته وانا ما اكذب عليكم احبه وصح انجرحت بس احبه وبنفس الوقت مو هاين علي نفسي اني ارجع بعد الي سواه فيني وأفكر بكرامتي وكلام الناس وهو بعد أخاف يهينني ولأيشوفني رخيصه بعينه
ساعدوني ايش أسوي تعبت من التفكير ولا ادري وش أقرر
لو كنتي بمكاني بعيد الشر عنك ايش بيكون قرارك؟