اذا بداء يتلفظ على طول اطلعي

وبعدين ليش ماتصارحينه بانكم لازم تتغيرون

اهو من البداية عارف اللفاظك مايحتاج احد ينبهه

انا تقريبا مثلك بس مو كثير بس اعصب واقول اشياء حقيقيه فيه (عيوبه) وابكي
بس الفاظ لا ماتلفظ يمكن اللعن لأني اخذت هالعاده منه
بس اقولك انا جالسه احسن نفسي واتحسن كثير كثير
تحسنت بنسبة 50% عن اول او حتى اكثرررررر
اول كنت اعاند عناد مو طبيعي لو على خراب بيتي اعاند اهم شي ماطلع ضعيفه قدامه ومغلوبه
وكنت اكتب رسايل جارحه وارسلها من غير تردد
وكنت ارفض له اي طلب اذا كنا متهاوشين ولا اسوي اي شي بالبيت عناد فيه
ومانام معه بالغرفه اخذ لي فراش وانام بأي غرفه ثانيه

(ماشاءالله تبارك الله )الحين مسكت نفسي وتعبت بالبدايه لأني احس بالخساره والضعف بس طلع هالشي يخليني كبيرره بعينه
صرت امسك لساني واسكت اذا وصلت حدي حدددي حددددددي باقي شوي وافجر البيت ,,اسكت واشوف شغلي وماكلمه ابد
وهالشي يخليه محتار وساكت ويدور رضاي بالابره ويجيب كل النواقص من غير ما اطلب شي
صرت ما اعاند ابدا ابدا اذا قالي شي وانا في قمة غضبي اجلس افكر شوي واتردد اقوم والا لا وبعدها اطرد الافكار واقوم واسوي كل شي وعلى اكمل وجه وهو ملاحظ هالشي وعاجبه مره ويجيني مبسوط يدور رضاي بأغلى شي
اذا زعلت فتحت الجوال وعبيت الرساله كلام كله (عتاب) ومن بين السطورالفاظ جارحه اقراها كم مره وامسح الالفاظ
وبعد شوي امسح الرساله كلها وهذا انجاز لين تعودت والحمد لله
اما النومه نفس الشي ماغيرت فيها شي اذا زعلت رحت لأي غرفه وثاني يوم يجي يراضيني بكل الوسائل ويجيب لي الاكل عندي

حاولي حاولي حاولي وتنازلي وتغااااضي وسامحي وامسكي لسانك ولاتعاندين واطلعي من جو الهواش لغرفه ثانيه وقفلي على حالك
بالبدايه صعب طبعا وماراح تسوينها دفعه وحده بس مع التكرار بتتعودين خصوصا اذا شفتيه يطلب رضاك ويعوضك
والله بتنبسطين صدقيني وغير كذا يهدا الجو بينكم
النتيجه من ناحيته صار يتفادى اي شي يزعلني ويحاول يساعدني بالبيت والاطفال ويوفر كل الطلبات
وانا مثله تماما يعني كل واحد يحاول يعدل الامور من طرفه وهالشي جدا طيب
اي سؤال انا حاضر لأني تقريبا كنت مثلك
تحياتي

الله يهديك انتي وياه لاتردين عليه اذا سبك ترى كثرالدق يفك اللحام وانتي تقولين يحبك واللي تسوينه ينقص من قيمتك عنده حتى لوكان يموت عليك وربي يفكر بعدين براحه عند غيرك غير اسلوبك ومهم كان الرجل يبقى رجل والمراه مراه والله يهديك ويسخره لك ويصلح مابينكم

الله يهدي سرك ويسخر لك زوجك يارب

اذا تلفظ على طوووووووول اطلعي عنه

وبالعكس تراك انجزتي

بس الحين لازم تعاقبين نفسك لانك اخطاتي حتى يكون رادع لك في المرات المقبله>>حلوه رادع خخخخخخخ اعجبتني

وترا الفشل اول خطوه في طريق النجـــــــــاح