انا اموت ويا ليت صج اموت .. استغفر الله

يا ناس أنا أموت وما ادري شنو الحل ولا ادري شنو أسوي .. يا ليت ظليت ببيت أبوي ولا هنت نفسي و تزوجت .. وايد منكم بيقولون الزواج مو اهانة لكن في حالتي اهانة ونص .. عذبوني وايد وايد وايد
وزوجي اللي المفروض يكون لي سند .. ما القاه وقت حاجتي له .. ويوم اللي يزيد فيني الم روحي واقول من قلبي محتاجة لامي .. يا ليتها ما ماتت .. تعرفون وش يرد علي؟ يقول موب كانج مسختيها .. ماتت خلاص هذا شي عادي كلنا بنموت .. تصوروا ؟؟

احس بظلم وقهر ابيه يروح يشتغل بس يوعدني كل مرة وما يروح اقول له طيب وصلني أي مكان اقدم فيه اوراقي ابي اعيش نفس الناس ما في فايدة بكلامي بس وعود بالهوا والقهر ان عليه قرض .. والعلة رفيجه عنده شبكة انترنت ووصل سلك لنا يبي يسوي خير انقلب علي شر.. غير جذي بلاوي اهله موب قليلة اللي يطل علي وانا بالحمام واللي يتدخل بكل خصوصياتي حتى اعمق الاشياء بيني وبين زوجي .. وانا تعبانة موت..

والقهر ما شافوا النظافة ابد البيت كله نجس .. يدته وانتوا بكرامة تقضي حاجتها بعلبة وتكبه بالحوش جدام غرفتها والبيت له ريحة فضيعة وزوجي يجبرني اجلس معاها وتصير الريحة فيني والله كل يوم ابجي من القهر .. هذا غير ان ابوه يشرب وين عزتي وكرامتي ببيت ابوي ويين حالتي الحين ..حتى اكلنا من عند اخواتي وهم احيانا يعطوني فلوس ومهري والذهب خذوه مني اهله كل ذنبي اني مرت ولدهم

والشي اللي مضيج فيني اكثر يبون اصير معاهم بحمام واحد حاسديني على الغرفة الضيقة والحمام الاضيق .. تدرون اني اطبخ بالحمام .. هذا اذا عندي شي اخواتي عطوني اياه
صج ابوي ما كان غني لكن بعد ما كان يقصر علي بشي وهني حتى الماي احيانا اشربه من الحنفية تمر علينا ايام ما نذوق شي وهم ما يحسون فينا

ما ابي الوع جبدكم بس ابيكم تدعون لي القى شغل والله يهدي زوجي ونطلع من بيتهم .. تكفون ادعوا لي وسامحوني على المغثة

اعرف ان اسلوبي ركيك بس مو عارفة اتكلم من زود اللي فيني