الله يفرج همك ويشفيك
وربي يشفي بنتك وولدك ويتحسنوا يارب
اختي عليك بالرقيه والاذكار وقوي ايمانك بالله
ربي يعوضك

يب واضح اكتئاب الله يفرج همك يارب ويقويك لتربيه أطفالك ومساعدة بنتك يارب

اهتمي ببيتك وعيالك وخلي وضعكم يتحسن بدل مايسوء لاتستلمين للوساوس حاولي تقاومين
وانظري للنعم عينك تعبانة الحمدلله تقدرين تاكلين وتشربين وتمشين وتتكلمين
بنتك تعبانة الاطباءماقالوا شي مشاكل التغذية ممكن تتعالج بحسن التغذية والاهتمام
خلي هدفك ٣ شهور تشتغلين علي تحسين صحة بنتك ونفسية ولدك
والله يوفقك

الله يعينك

كل اللي فيك وفي بنتك وولدك وزوجك اشياء بسيطة وتتعدل بإذن الله ، لكن يبغالها قوة وجهد وصبر وطولة بال وانسان واثق في الله تعالى وواثق في نفسه .. مو زيك محملة نفسك كل شيء !!
من حقك يوم خفتي عشان عينك انا لو مكانك بسوي نفس الشيء وبنهبل ، اغلى ماعلى الانسان صحته وعافيته
بس انتِ استسلمتي كثير لهالشيء ونسيتي اللي ببطنك وتجاهلتي ان فيه رب قادر ع تغيير الحال في لمح البصر
..
مرض عينك وله دواء بإذن الله والعين لو تأذت مو معناه نهاية الحياة !!
روحي اكشفي ع عينك وخلي النت وبلاويه تشيب الراس ويبالغون مره ، خذي ادوية ومضادات وبإذن الله تتشافين
وبالنسبة لبنتك ، اصبري لين تكبر ويمكن يختفي اللي فيها تدريجياً بس روحي وديها مستشفى عالجيها بادري واعرفي وش العلاجات ، ما اخترعوها عبث !!
اذا تحسين بالذنب تجاه بنتك لانك اهملتيها وهي ببطنك لا تهملينها وهي برا بطنك ، صلحي خطأك وصدقيني بتتشافى ان شاء الله
وولدك جداً بسيطة مشكلته النطق مشكلة مؤقتة وتتعالج لو وديتيه مركز او حتى انتِ وابوه تجلسون تسولفون معاه وتغيرون من نفسيته ، كل شيء بيدك انتِ بعد الله
واخيراً زوجك المسكين شكلك شيبتي براسه .. ارجعي له القوية المثابرة اللي تقدر تتحدى كل شيء عشان بيتها واولادها لا تصيرين ضعيفة ومنكمشة ع نفسك لين يسحب عليك ويخليك مع همومك ..
غيري من نفسك وكل شيء بيتغير .. بس ابدأي 💜
والله يفرج همك ويرزق راحة البال