انا ام جديدة وجبانة...تعالوا ساعدوني

السلام عليكم ورحمة الله وبركاته

بنات امهات مجربات
ياناس انا اكتشفت اني جبانه
لو يجي بنتي اي شي اموت من الرعب
بنتي عمرها 16 يوم ياقلبي عليها
عجزت اعرف لها
عندي امي الله يخليها بس من زمان مره عن البيبيات يجي اكثر من 20 سنه ماصار عندنا بيبي بالبيت

المهم انو بنتي اول الايام كانت هاديه وتنام كويس
الحين لا
اولا الحليب
المستشفى عطوها سيميلاك ادفانس وانا كنت طبعا مسويه عمليه فما عطيتها صدري ولسبب اخر انو مافي حلمات بصدري وعلى مارجعت البيت بعد المستشفى احاول امسكها اياه ترفض حطيت حلمه صناعيه يالله يالله تاخذه وتقعد سنه تمص فيه واخر شي ازيدها صناعي
المهم الدكتوره غيرته لها وعطتها رونالاك اي سي عشان الاسهال والامساك المهم انو بنتي احسها طول الوقت جوعانه مسكينه
والله ارحمها مدري ليه احسها جوعانه انا اعطيها زي المستشفى 50 مل بعدين صرت ازيدها 60 مل وبرضو احيان يشبعها واحيانا لا
واذا شفطت لها من صدري برضو اعطيها اللي بالرضاعه كله احيانا يوصل 80 مل بس ياقليبي مره تحسينها شبعت ومره لا ومره بسرعه تطلع الحليب
عجزت افهم قديش يكفيها من مل بعمرها هذا

ثانيا
بنتي لها يوم كآنها مزكمه تطلع صوت من خشمها مع انه نظيف مافي شي واذا صاحت تجلس تشخر مع الصياح كانه حلقها مسدود ومدري شسوي

ثالثا
عيونها لها اسبوع بس تغمص
عطتني الدكتوره قطره معقمه لها وقالت سوي مساج ماش مانفع للحين تغمص
حطيت من حليبي وحطيت شاي مر وبرضو مازانت عيونها


هاه بنات مايحق لي اخاف على بنتي
ساعدوني وش اسوي الحين