انا ام رونق ولدت بالثامن وطفلي بالحضانه

السلام عليكم ياخواتي عساكن بخير اليوم لي اسبوع بعد الولاده طبعا ولاده قيصريه المهم بسم الله نبداء ابقولكن القصه من البدايه يوم السبت صحيت وقمت اصلي الظهر وابغير ملابسي الااشوف صدري وش كبره متحجر ويصب حليب كان وحده خالصه من الولاده والحركه بطني هدوء هنا انهبلت ودخت وسميت بالرحمن وهديت شوي لان الاعراض هذي نفس الاعراض الي جتني قبل سنتين يوم كنت حامل ببنتي الي ماتت الله يجعلها شافعه واروح انسدح على السرير على امل اشوف حركه وانتفض ودموعي ويارب اصرخ باعلى صوتي واشحذربي لايفجعي في جنيني ولايخسر تعبي يارب يارب واقراء على بطني ونشف حلقي لين اشوف حركه بسيطه وهنا انقز من فوق السرير ورجعلي التفاؤل والامل واركض اخذ عبايتي واوراقي حقت المستشفى وانزل لزوجي تحت ويالله عالمستشفى وادخل الطواري العسكري طبعا مستشفاي واشرح الوضع ويضحكون علي هذي موب اعراض لان الطفل فيه شي قلت انا اعرف نفسي وولدي حركته قبل بسم الله عليه فضيعه واليوم يادوب والمهم يخلوني جالسه واحتري لين الدكتوره جت حضرتها الساعه 2ونص وانا حالتي حاله ويسدحوني على السرير قلت تراء مافيني ولاده كل خوفي من الكشف بس شوفو نبض الورع بسرعه واخذو اشاعه ونبض والحمدالله طلع يتحرك وفيه نبض اه ياصعبها من لحضات الساعه كنها سنه عندي وبغو يطلعوني قالو خلاص كلش زين وانا ارفض وقلت لو ويش ويش ماطلع اكتبولي تنويم ماراح اطلع طلعو الورع انا اعرف نفسي طلعوه قبل لايجيه شي بسرعه عمليه وطلعوه المهم اكتبولي تنويم ورقوني فوق للتنوبم دخلت التنويم الساعه 4العصر وحضرت الدكاتره ماجو الاالصباح اليوم الثاني يوم الاحد وتشرف الدكتوره رشاء واشرح القصه كلها وان عندي 3حالات وفيات وطبعا زوجي الله يخليه محضر تحت فالمستشفى الساعه 7ونص عشان يكلم الدكاتره وكلم دكتور تحت اسمه سلطان الله يوفقه ويجزاه خير وكلم رشاء الي كانت عندي طبعا رشاء كانت رافضه تسوي عمليه تقول لا هم اخذو علي اشاعه وشافو كل شي زين وارفضت رشا تسوي العمليه بسم الله علاه كان وزنه 2كيلو وانا ماخذه من الثامن 2اسبوع و4ايام وقالت وشلون تطلبين عمليه وانتي دمك 7انا هنا انصدمت قسم بالله تخيلن قبل شهر كنت عندالاستشاريه الله لايوفقها وتقول دمك 12ماشالله وعلمت رشاء قالت لا يمكن غلطانه مع ملف ثاني انا هنا انهرت خلاص من هنا قل الدم ومن هنا طفلي الي خايفه اخسره وكلمت زوجي وانا منهاره ورجع للدكتور سلطان وعلمه ويكلم الدكتور رشاء ويهرجها اخذو ساعه يتفاهمون وقال لابس خلاص بسرعه سويلها العمليه انقلولها دم وسوو العمليه باسرع وقت هذي حصلها 3وفيات قبل موب حاله وحده عشان نتماهل فالوضع واخذت دقيقتين لين حضرت رشا داخله خلاص تراء بننقل لك دم وبنسوي العمليه وطبعا على مسوليتكم انتم تحملون كل شي سلامتك اول شي يالام وثاني شي سلامة الطفل يمكن يعيش ويمكن لا ورحمه من ربي ان الدكتور صرفلي اوبر منشطه للرئيه حقت الطفل اخذتها الخميس ووولدت فجر الاثنين  لان حنا الي طلبنا العمليه هم ماقرور عمليه ويالله ينقلون لي دم 2كيستين ويجيبون اوراق العمليه وينادون زوجي انت تتحمل المسوليه زوجتك وابنك وياقلبي يازوجي رحمته تعرفين الواحد الخايف والي متردد مغار انا قلت توكل على الله ووقع الي كاتبه ربي بيصير وحطو الدم فيني ويوم خلصنا الدم الساعه 10ونص الليل يوم الاحد وجو يعلموني بالعمليه على الساعه 12ودخلت العمليات الساعه 1وطلبت نصفي وعلمت زوجي اني دخلت العمليات وراح الله يخليه لي وتصدق عني وعن طفله بنيه قومتنا بالسلامه وييخدروني وتسوي العمليه الدكتوره رشيده وشوي الامطلعين ولدي وصوته يبكي اه ياهالشعور خوف مع فرحه ويقولون شوفيه عشان اتاكدانه ولد وقلت بس ودوه الحضانه عشان مايتعب الله يخلف على والدينا بالجنه وينضفوني ويخيطوني ويجيني نفضه برد موت مغار انتفض حتى وانا فاللافاقه ونص ساعه واهداء الحمدالله ويودوني فوق التنويم وعلمت زوجي وولدي الحمدالله وزنه زين وحطو علاه التنفس الصناعي لمده 3الايام الاولى والحين على لي التغذيه وخلوه عندهم يقولون ان شالله اسبوع او 10ايام ويطلع ورافقت امي معي فالمستشفى صراحه العمليه القصيريه متعبه بشكل خص 3الايام الاولى انا اول مره اجرب قيصيري واشوف انها متعبه والحمدالله الحين كاني اشواء ياربي لك الحمد وبكره فك الدبابيس ان شالله وفي النهايه ارجو منكن الدعاء لطفلي وان ربي لايحرمني منه ولاكل وحده من طفلها امين وسميته تميم