ما اعرف من وين ابدا موضوعي لكن الله المستعان
انا ام لطفلة ذوي الاحتياجات الخاصة وموضوعي قد تشاركني فيه الكثيرات..وهالموضوع نبغاه توعيه للمجتمع وياليت باقي الامهات يشاركوني الاشياء والسلوكيات اللي تضايق
موضوعي موجه لكم انتم امهات اطفال انعم الله عليهم بالصحة والعافية ربي يخليهم لكم ويرزقكم برهم..
عدة مواقف بذكرها لكم ...
لما تجي اخت لنا تشتكي من وضعها او عدم تقبلها لطفلها فهي اكيد تمر بمرحلة صدمة وحالة نفسية ..تجين انتي وتجردينها من مشاعر الامومة وتنعتينها بالقسوة
لاعزيزتي كون اطفالكم حولك ماشاء الله يلعبون ويركضون لا تقيسين حالك بحالها ابد ..لا تقسين عليها وتتشمتين وتدعين
او حتي كنتي ام لطفل بمثل حالها تذكري نفسك وقت الصدمة واذا قدرتي تتجاوزينها فتذكري ان طاقات البشر تختلف
لما تشوفين طفل من ذوي الاحتياجات الخاصة بمجلس مايحتاج تخلينه تحت المجهر وتسالين عن ادق تفاصيل مرضه وتلحين بالسؤال
لاتجلسين تقارنين او تعلقين <<زي اخت قابلتها امس وصلت المقارنة تجيب جزمة ولدها وتقيسها مع جزمة بنتي ..بنتي وولدها اعمارهم متقاربة سنة ونص وبنتي تلبس اصغر مقاس من علب المواليد القماش
لا تجلسين من اخر المجلس تدعين وترفعين صوتك..بتدعين جزاك الله خير ادعي بنفسك لانها تفسر بطريقة ثانية
علمو اطفالكم يحترمون اقرانهم من ذوي الاحتياجات الخاصة ومايعيبون عليهم
خصوصا الان مع مدارس الدمج
لا تفكرين ان ام ذوي الاحتياجات الخاصة اقل منك بشئ بالعكس قد يكون الله فضلها ووهبها طريقها للجنة
كون اي اسرة ترسل طفلها لمركز داخلي لا تاخذكي العاطفة وتحسبين انهم رامين ولدهم او ما يبغونه...هم ادري منك قد تكون الام صحتها ماتساعد قد يكون المركز به اخصائيين وعلاج طبيعي مكثف ..قد تكون الام ماتضمن احد يهتم بطفلها بعد وفاتها بتضمن له مكان بمركز خصوصا انها بالانتظار لسنوات قبل الدور....ببساطة هم ادري بطفلهم واللي ينفعه
ادري ان كثير بيقولون الناس صار عندها فهم وتقدير لذوي الاحتياجات الخاصة
لكن اللي اشوفه بالردود هنا غير واللي اشوفه بالاجتماعات وصالات الانتظار غير.....
يلزم عليك تسجيل الدخول أولًا لكتابة تعليق.
الفهد777
•
الله يخلي لك بنتك ويرفع قدرك واجرك يارب كلامك في محله بس وين اللي يفهم الله يعينكم يا اخواتي على الناس اللي تفكيرها محدود ونظرتها قاصره تقبلي مروري اختك بدور الطايف
الله لايحرمك الاجر ويشفي بنيتك ويخليها لك يااااارب ويقر عينك فيها ان شاء الله
والله ياخيتي اللي بيعطي اذنه للناس بيتعب والله العظيم كلامي من واقع حولي حتى اللي سليمين ومنعم الله عليهم بالعافيه ماخلوهم في حالهم ..
طنشي واهتمي ببنيتك ولا تعطين مجال لاحد ينقص من قدرها تراها عند ربي اكرم من قوم وااااجد ..
والله ياخيتي اللي بيعطي اذنه للناس بيتعب والله العظيم كلامي من واقع حولي حتى اللي سليمين ومنعم الله عليهم بالعافيه ماخلوهم في حالهم ..
طنشي واهتمي ببنيتك ولا تعطين مجال لاحد ينقص من قدرها تراها عند ربي اكرم من قوم وااااجد ..
والله ياقلبي حااااسه بكلامك لان اخوي من ذوي الاحتياجات الخاااااصة لدرجة انه قريبه لنا تقول اخاااااف منه لا حول ولا قوة الا بالله
الصفحة الأخيرة
والي يده في المويه مو زي الي يده بالنار
وانتم مؤجرات اكثر منا اكيد لصبركم مع عيالك ومع الي تشوفوه من الناس