طوق الياسمين22 :

غيري نظام غذائها امنعي الشكولا والشبسات + عدلي نومها ولاتسهر + شجعيها ولاتتذمري منها قدام الناس + استخدمي العقاب بس مو على كل شي بعد ماتحطي قوانين وقاعدات اذا خالفتها تتعاقب وتزاعليها وماتتكلمي معاها لوقت بسيط طبعا ولما تبكي بدون ماتتكلمي شيليها ودخليها في غرفه لحالها وسمي عليها واستودعيها الله وقوليلها ماتخرجين لين تخلصين بكا عشان انتي تزعجيني ولاتكوني معصبه خليكي هاديه انزلي بطولها وطالعي فيها وثبتيها واتكلمي واخرجي واوقفي عند الباب وقليل وادخلي خلصتي بكاء ولا لسا + لازم يكون فيه وقت تلعبو مع بعض تسوو مكياج لبعض تخليها تمشطلك شعرك او تناديها تساعدك وتسو كيكه مع بعض او تجرو تسووو دكتوره ومريضه تغنيلها وتلعبي معاها اعطيها مهام مثلا اعطيها المكنسه الصغيره وقوليلها كنسي هناك او مسحي الطاوله او المرايه رتبي العابك امدحيها كثير حتصير زي ماتقولي عنها + حليب قبل النوم او لبن اربطي نومها بالشمس شوفي الشمس جات لازم نصحى شوفي الشمس راحت لازم ننام + ابتعدي عن الاوامر بدل ماتقولي سو كذا لاتسوي كذا قوليلها البنوته الشاطره ماتوسخ بيتها عشان تحب مامتها وماتبغاها تتعب او الاميره المثاليه ماتكسر العابها او البنوته اللي تلعب بالنار يصير ماعندها بيت وتجلس في الشارع يجيها الكلوب ياكلها بعدين + لازم تقوليها قصه قبل النوم وتحضنيها وانتي تحكين القصه لازم تكون مفيده لانو عقلها الباطن راح يخزنها + لما تضرب اختها حاولي تتجاهليها ازرعي فيها حب اختك تحبك تضحكلك لما رحتي بكيت تبغاكي ضميها بوسيها وصفقي لها لما تبوس اختها وقولي بكرا تكبر تلعب معاكي وتحترمك وتسمع كلامك انا اعاقبها لو ماتحترمك انتي بنتي المفضلى امسكي الصغيره وقوليلها هيا تقولك ممكن العب في لعبتك حتى لو ماكانت تتكلم + قبل تخرجي من البيت اعطيها انذارات قولي لو رحنا هناك وماسمعتي كلامي ولا سويتي مشاكل وازعجتي الناس راح اعاقبك في الغرفه لحالك وماراح العب معاكي بكرا في المكياج وماراح احكيلك حكايه واذا ماسمعت كلامك لما ترجعي البيت عاقبيها وقوليلها عشان كذا وكذا لازم توضحين لها ليش + التوجيه لانها طفله ماتعرف الصح من الغلط مثلا طشت عصير قوليلها ماما كذا غلط بعدين لما يصير بيتنا وسخ يجينا الدودو لازم مؤثرات طبعا بصوتك ههههههه كسرت شي قوليلها لاااا كذا خطر بعدين يجينا الدم ويصير كذا وكذا وكذا لانها في مرحلة تعلم لازم توجيهها بدل ماتضربي لااستفدتي انتي ولاهيا وحتصير غبيه ومعاد يفرق معاها الضرب هذا اذا ماصارت تسوي الغلط بالقصد عشان تخليكي تصيحي وتعصبي كثرت عليكي اتمنى تستفيدي الحب والحنان يولد الاحترام انا مااقصد الدلع والمياعه لا لازم تضميها تحترمي رأيها وكلامها شيليها خليها تختار ملابسها كل يوم لما تصحى هيا تتعلم منك دحين انتي مدرستها زي ماتعامليها حيكون اسلوبها اتعودي تقوليلها ممكن ياماما لو سمحتي حبيبي تسمحيلي العب معاكي يااميرتي اتفضلي بعد فتره حتلاقيها صارت زيك وحتقولك ممكن ولو سمحتي واتفضلي اتعودي تطلبي منها جيبي مويه قفلي باب الغرفه صكي بابا الحمام وصفقيلها لما تسوي كذا وكوني فرحانه ومبسوطه ترى ردات فعلك مهمه جدا لبنتك فوق ماتتخيلي

غيري نظام غذائها امنعي الشكولا والشبسات + عدلي نومها ولاتسهر + شجعيها ولاتتذمري منها قدام...