انا ام قاسية ادعو لي تكفون

السلام عليكم
والله اكتب لكم وقلبي يحترق من القهر
انا عصبيه ما ادري من وشو وليش ودايما احط حرتي بولدي ابو 6 سنوات الله يصلحه وش كثر صياحه واذا بغا شي لازم ياخذه ولا بيصيح يتمشكل مع عيال اخواتي ويصيح لو اقوله ليش سويت كذا وانا حاره عليه مره ما ادري حبوب منع الحمل ولا تعبي النفسي ولا ما ادري وش منه والله اني ارحمه بس اذا عصبت ما ارحم ابد احس قلبي يتقطع وبطني يغلي وكني مو امه اطقه واقبصه وهو يصيح وانا اتحسف ما ادري وش فيني عليه احسه وصخ وانا توني مسبحته اشم فيه ريحه خايسه وهو متروش من نفس الشمبو اللي مروشه فيه اخوه احسه يحوم كبدي بتصرفاته على اني ما كنت كذا قبل كنت حنونه وطيبه وارحمه واموت في تراب رجليه بس مدري ليش اوقات احس اني نجسه عليه وودي اطقه ولا ارحمه على انه بعض المرات يسوي نفس ما يسوون الاطفال اللي كبره بس انا اتنرفز منه مره
تكفون والله يوفقكم ويخلي لكم عيالكم ويرزكم ما تتمنون ادعو لي الله يهديني له ويهديه لي ويسخرنا لبعض والله اني ما كتبت الا من رحمتي علي بس اذا نام تنزل علي الرحمه واذا قام اتنرفز منه على اتفه الاسباب يارررررررررب انك تعلم ما في داخلي من حب له الله يخليه لي ويذوقني نفعه ويذوقه نفعي وكلكم يارب بس ادعو لي تكفون يمكن ربي يستجيب من وحده منكم وكنكم قضيتو حاجه لي والله يحقق لكم ما تتمنون ويرزقكم الجنه بغير حساب يارب