انا ام لاول مره ماعرف شي

وعليكم السلام ورحمة الله وبركاته

ياقلبي الله يحفظها لك ويحميها من كل شر

شوفي حبيبتي اولا وقبل كل شي لااااازم يكون لها قدرها الخاص وخلاطة صغيره خاصه فيها
لانه لااااازم مايكون باكلها بهار اأواأي شي حار فممكن قدر الطبخ تبعك اوالخلاطه يكون فيها نسبة حراره من البهار حتى بعد الغسل
ثانيا أكلها امل مهروس بطاطه أو كوسه أو جزر بدون ملح للأن الملح يوقف النمو بس أطلقتها بالمويه واخلطيها مع شوية من موية السلق
وممكن تجمع كذا نوع خضار عادي
وممكن تسلقي رز وتخلطيه
وممكن تاكليها زبادي بس مايكون بارد
وممكن أوقات سيريلاك بس بالبدايه عوديها على أكل البيت افضل
وماتبدي تاكليها اشيا حلوه لأنها بعد كذا حتحب الحالي وتكره المالح
وأبدى معاها بوجبه وطبعا تستمري معاها عالرضاعه سوا طبيعي أو صناعي
ومع الوقت زيدي وجبه ثانيه بس كمية الوجبه بسيطه لأن جهازها الهضمي لسه مايتحمل
وبالنسبه لأدواة الأكل إشتري لها علب موجوده بالسوق زجاج وإذا بتاخذ بلاستيك خاصه للأطفال خذي إلى مكتوب عليها من تحت رقم 5 هذي مناسبه وماتسبب سرطان
والملعقه اشتري لها ملعقه يكون مغرف الملعقه مرن عشان لثتها وإذا مافي خذي بلاستيك وكل الأدوات اشتريها من مكان خاص لأدوات الاطفال
باستثناء القدر والخلاط من أي مكان
وأهم نقطه إذا زادت كمية الأكل اغرفي لها إلى بتاكله والباقي بعد مايفتح حطيه بالثلاجة بالرف أسفل الفريز مباشره
وماتحتفظي بالأكل أكثر من يومين بالاضافه ليوم الطبخ بعد كذا اطبخي لها جديد وهالنقطة مهمه
ومع الوقت تقرى تزيدي الكميه وتنوعي لها
وتقديري تذوقيها من اكلكم شي بسييييط عشان تبدأ تتعود عليه
وتقريبا بعد كم شهر تبدأ تأكل من اكلكم
بس في الوقت الحالي ماتقدر واذا اكلت حتتعب وجهازه الهضمي حيتعب
وأنصح نصيحه لوجه الله إذا رفضت الأكل لاتجبريها أو تجيب لها نوع ثاني في نفس الوقت
حاولي معاها حتى لو اكلت شوي عادي لأنها لسه بترضع حليب
حتى لمن تكبر لااااااا تجبريها عالاكل وإذا ما اكلت تجيبي لها نوع ثاني لا
إذا كانت من النوع الي ياكل شوي ويشبع كوني اكليها كذا وجبه بس وجبات صغيرين ترى معدت الطفل صغييييره ولو عهدناه عالاكل الكثير حيكون وعدتهم تتوسع ويزيد وزنهم
وإذا أخذت وجبتها قبلكم وشافتكم تأكدوا قدامها احتمال تظل تطالع فيكم فنصيحه لاااا تاكليها بعد كذا حتكون حتى لو اكلت إذا في حد يأكل قدامها حتاكد معاه حتى لو كانت شبعانه ممكن تعطيها شي يلهيها أو كسرت خبز بس انتبهي عليها لاتقل فيها
هذا الي يحضرني الان واتمنى اني افدتك وعذرا عالاطاله

ااسفه عالاخطاء بالكتابه لاني اكتب من جوال

طيور الفررح يالبى قلبك ويجبر بخاطرك ع ردك الجميييل هاذا الف شكررر

طيب اذا كنت طالعه برا البيت وش اوكلها خصوصا لاكان الوقت طويل وانا برا

ياقلبي مافي داعي لشكر حنا هنا كلنا خوات
بالنسبه إذا كنتي طالعه برا البيت فتره طويله وبالذات بهالعمر و إذا كانت الطلعه خارجيه مو لبيت اهلك أو حد تعرفينه
انصحك تاخذين معك حليب صناعي تاخذين مويه حار ومويه معدنية وكذا رضاعة مابين فتره والثانيه سوي لها رضعه وإذا قدرتي رضعيها طبيعي بالاضافه لصناعي
أما إذا كانت الطلعه لبيت وهي بهالعمر تقدري تأخذ معك الحليب الصناعي وبعلبه صغيره خاصه لأكلها شوي سيريلاك وملعقتها وماعليك إلا أنك تضيفي شوي مويه حار وشوي مويه معدنيه أو تأخذ لها علبة زبادي أو تأخذي لها موزه
بس بهالعمر أفضل التركيز عالحليب الطبيعي والصناعي بالخرجات
لكن لمن تكبر شوي تقدري إذا خرجتي لبيت تأخذ لها شرائح بطاط مقلي أو بالفرن او ساندوتش جبن أو مكرونه صغيره أو بسكويت لكن هالشي لمن يطلع لها أسنان وتقدر تمسك الأكل بيدها وتاكل نفسها ولازم تنتبهي عليها لاتغص
وطبعا إذا كبرت أكثر وخرجتي لبيت تقدري تاكليها من ضيافة أهل البيت لكن خذي معك وجبه خفيفه من باب الحيطه يمكن مايعجبها اكلهم
ومع الوقت حتعرفي وش تحب وتأخذيه معك اذا خرجتي

واي استفسار انا و كل بنات حوا حاضرات