الله يكون في عونك
الحين انتي في وضعك تعتبرين خسرانه وبالاصح مابقى عندك شي تخسرينه اكثر !!

فليش ماتراجعين نفسك وتقوين قلبك وتتخذين قرار شجاع يصب في مصلحتك انتي واطفالك وينهي معاناتك

بالله عليك وش مستفيده من جلستك بشقه لوحدك لا اهلك متقبلينك ولا زوجك بيصرف عليك او يطلقك ولا في احد بالدنيا راح يستقبلك حتى لو تم الطلاق

انفضي عن نفسك الضعف والتخاذل والاستسلام والكلام السلبي اللي مايودي ولا يجيب اكرهه مو متقبلته بموت مرضت تعبت الى متى طيب ؟

لا تظنين ان الطلاق جنه ونعيم شفتي وضعك حالياً ؟ بعد الطلاق بيكون الوضع اشد واقوى ومطلوب منك تكونين أم وأب بنفس الوقت وواضح انك ماتقدرين على هذا الشي في بالك ان الضمان بتصرفين منه وان اهل الخير يساعدونك يعني ابداً انتي مانتي قادره تسوين شي من الضعف والتخاذل اللي حاطه نفسك فيه .

خلاص وقفي الرسائل والاشارات السلبيه اللي ترسلينها لنفسك ولاطفالك وللناس اللي حواليك وقومي غيري وضعك بإتخاذ قرار يحسب لك بطوله وشجاعه

ولا تقولين ما احبه اكرهه مو متقبلته لانك اساساً ما اعطيتي نفسك ولا اعطيتيه فرصه ولا جربتي حتى تفهمين وضعك وجسمك ربما اللي فيك من الاكتئاب ونقص الفيتامينات اهمها د ب

الانسان جسد و روح إذا نقص او تعب أي طرف يختل التوازن

لا تقولين مؤمنه وادعي واستغفر لكن حالي مثل ماهو ، لا تستغربين لانك انتي في داخلك ماتبين تتغيرين رافضه كل شي ومتمسكه في الحل الوحيد اللي بنظرك صح وحارمه نفسك واطفالك من باقي الحلول


وش بيضرك اذا رجعتي لزوجك وصرتي تعيشين بنعمه وراحه نفسيه ومتطمنه على الاطفال وعلاجاتك متوفره ؟

لا تنتظرين من ابوهم يسأل عنهم ويحبهم اذا انتي ما ارسلتيهم له وعلقتيهم فيه وحببتيهم فيه ولا تنسين ترى البعد وطول الفراق يجيب الجفاء والنسيان ، انتي بس اللي واقفه عند قرارك وكراهيتك وعايشه الكدر والضيقه وكل اللي حواليك كملو حياتهم وتخطو مرحلتك

اتمنى انك فهمتي ايش اقصد بالضبط ويكون كلامي دافع لك تصحين وتعدلين طريقة تفكيرك وتحطين حد لوضعك وتحطين اولادك ومستقبلهم بين عيونك قبل أي شي

اسأل الله ان يشرح صدرك وييسر امرك وان يكتب لك الخير والصلاح

الله يفرج همك
وحسبنا الله ونعم الوكيل عَل أشباه الرجال

اذاانتي متينه وعندك نقص فيتامينات يصير كذا
التفتي لعمرك ياقلبي
والعيال للرجال ولك


ادري شعورك والرحمه اللي بقلبك لهم ولاتبين تقصرين عليهم بس من وين لك
فهميهم ان هذا حدك ماعندك فلوس ولا كان ماتقصرين
ترى الاولاد يقدرون ويفهمون
وهذا اللي يسويه لك اسلوب ضغط واهلك بعد
لاتعتمدين عليهم ترى الناس تغيرت واذا انتي معدن اصيل غيرك لحقه الصدأ
حاولي تبتسمين على طول واطلعي وزوري الناس
والله يوسع لك
وانا ماعرف عن المهجوره وحكمها يمكن تدخلين في حكم المهجوره شوفي قوقل اذا تدخلين قدمي على الجمعيه وشوفي الشروط

الله يفرج همك

الله يفرجها عليك ويبلغك في اولادك وبناتك وياااااااااااااااااااارب يعوضك في صبرك وتوكلك على الله كل خير .. سبحان الله كانت وحده من جيراننا نفس حالتك بس الوضع معكوس هو اللي ما يبيها وكانت تتحمل كل شي عشان عيالها .. عاشت حياه الله اعلم فيها .. وفرجها ربي وكبروا عيالها واتوضفوا وتزوجوا .. وهالحين ابوهم عندهم صار هو اللي بحاجتهم .. كانت تقول حياتنا طبيعيه فجأه صار ما يحبني ولا يحب اولادي .. والله اعلم عن السبب يمكن عين او سحر