انا انجنيت وجننت اطفالي معي

السلام عليكم ورحمة الله وبركاته

والله يابنات اني انجنيت واطفالي صارو مجانين مثلي والله يابنات امشي في البيت وانا اكلم نفسي واصارخ وابكي واكلم شخص واطفالي يجو ركاض علي صوتي يفكروني اكلم احد وفي الاخير مايلقون اي احد اكلمه وصارو يفكرو انه الشي عادي وصارو يكلمو نفسهم ادخل علي بنتي تكلم احد وافكرها تكلم اخوها بس القيها مافي حد وصارها الي صارلي وهو الجنون .. طبعا هذه الحاله صابتني من يوم جيت وسكنت عن ديره اهل زوجي الي كانو سبب جنوني وطلاقي ومشاكلي وبالذات امه الله لا يسامحها
انام واصحي وافكر في شي واحد انه بيتي ماينهدم واني ابي اعيش مثل اي وحده في هدووء واستقلال وحريه
وانا اصلي اعيد الصلاه ميت مره من التفكير لاني مو مركزه ومركزه بشي واحد وهي مشاكل ام زوجي معي وانا وانا مو مسويه لها شي

والله يابنات اني في بيتي بعيده عن اهلي وصالي شهور مو شايفتهم ولا روحه ولا طلعه ولا رده ولي يشوفني يشفق علي حالي وهي الله لا يسامحها بس جالسه سب فيهم وفي واهانه فيهم وهم ابدا ماسو لها شي والله انها تقولي انها امي تحترمها وتقدرها وهي معتبره امي مثل جوتيها
مافي احد اكلمه غير اطفالي وزوجي ولا اعرف احد ولا اشوف احد غير اهل زوجي وكل مااروح لهم تمسك ذله لي وتبتدي ترمي كلام علي كثيررر هانتني قدامهم وسبت علي وعلي اهلي اذا صارت مشكله بينها وبين زوجي تركت زوجي وهبت فيه وفي اهلي حتي صارت قيمتي عند الجميع ولا اشي وتقولون وين زوجك اقولكم زوجي شخصيته ولا شي وهو الي كبرها علي
مره كنت وتعبانه وزوجي جابها عشان تساعدني اشوي وتشوف عيالي بس يوم شافت عنها بتقوم فيه صارت تتحج في مشاكل وشي تقول طلعتلي نص غرفتي النوم تصيح فيه وتسب علي وراحت تبكي لاولادها وتقول اني انا سبت فيها وهانتها والله اني كنت بس ادافع عن اهلي لانها صار تقول كلام عليهم وتتدخل في امور عائلتي وهي مالها دخل فيها وانه اطفالي صايرو يبكو من صوتها وشكلها وانا اقولها اوكي حقك علي خلاص وهي هابه فيه
جلسه فتره تقول لزوجي اني يطلقني ومره من كثر مازودتها رديت عليها قام زوجي ضربني طلقني ووداني بيت اهلي وانا ماقلت غير حرام عليكي ليش تبي اطلقني

الصراحه الي كبرها علي زوجي لانه ابدا مايوقف معي يوم تتكلم فيه وفي اهلي

ام زوجي شخصيتها ضعيغه يعني كل زوجات اولادها ماتقدر تتكلم اي كلمه عليهم رغم انهم مايحترموها ولا يحسبوه لها اي حساب بس ازواجهم ماسمحو لها واهلهم واقفين معهم بس انا حتي اهلي يوم اشكي لهم مايساندوني وبذات ابوي ويطلع الحق علي
تيجي عندي وتجلس تقارني بيني وبن زوجات اولادها انهم احسن مني واني اسوي كذا لانه فلانه سوت كذا واعمل كذا لانه فلانه سوت كذا وعلي هذه الحاله

والله ساكنه في بيت اتحدي احد يرضي يسكن فيه بس بقول يالله ورغم زوجي يقدر يسكني في بيت احسن من هذا الف مره بس ايش اقول وايش اسوي

هذا جزء بسيط من حياتي والي سببها ام زوجي

والحين انجنيت اعتبرها قدامي وجالسه ارد عليها واسب عليها بس في الحقيقه مااقدر احط عيني في عينها لانه اخلاقي اوتربايتي يقولولي اني ماارد عليها لكن نفسي تعز علي ويعزو علي اهلي

قولولي ايش ممكن اسوي بعد كم شهر رح تيجي تسكن عندي لانه زوجي بني غرفه ليها لانه ماهان عليه تصير فراره في بوت اولادها وهو الولد الكبير ورغم انه بيتي صغير ومافي مجال لا اني اشوفها كل يومي
والله يابنات بس تيجي اليه كم يوم تسوي مشاكل وتنقل كلام علي لساني وتروح ونجلس انا زوجي الاسبوع كله مشاكل من سببها واذا تصالحنا ردت جت وترجع الموضوع نفس الشي
هي ماعندها بيت وتتنقل من بيت ولد لبيت ولد ولبيت بنت ولبيت بنت لتنام عندهم بس والله ماتقدر تسوي لاي احدمن زوجات ولدها والله انها تروح عندهم وتقضيها شغل وكرف وعندي اشيلها علي راسي مااخليها تسوي شي
بنات ادري انه حرمه كبيره وام زوجي وامه لازم احترمها والله اني ادري بس مو لدرجه للي وصلت ليها انا وهي الجنون وانا تيجي ليه يوم واقضيها مشاكل مشاكل مشاكل ومليييييييت خلاص:(

بنات حبيت اوضح نقطه هو انا صحيح زعلانه انها سب فيه وفي اهلي و تدخلها فيه وفي زوجي بس الي اكثر مزعلني انه زوجي يصدقها في كل سي حتي ويصير مشاكل بيني وبين زوجي وانا مظلومه وهو كل الي تقوله غير صحيح وغير كذا كرهه عيله زوجي وصرت وحده غير مروغوبه فيها كنت وانا اخوات زوجي صديقات اكثر من اخوات بس بسبب امهم صارت علاقتي فيهم جدا سطحيه :44: