بسم الله الرحمن الرحيم
هذي اول مشاركة لي بالمنتدى واتمنى ان تتسع صدوركم لها
الله يسعدكم لا تقرون الموضوع وتطلعون ردو علي لو بدعوه من قلب
جزاكم الله خير
انا عمري 27 سنه واكبر وحده عند اهلي ومنحوسه وحظي ردي وين مااطقها عوجا وماعمري انخطبت ولا عمر احد دق علينا يبغى يخطبني
سبحان الله قبل شهرين فجأه جاء واحد خطبني وصليت الإستخاره وطولت افكر عشان نرد عليهم بس كنت حاسه بضيق موطبيعي واول مارفضت حسيت براحه
بعدها بأسبوعين سبحان الله والحمدلله
جاتنا جارتنا تخطبني لولده اللي عايش مع ابوه في حي غير حينا لأنها مطلقه من ابوه ومتزوجه واحد ثاني
(والله تفاجأت وفرحت
واخيرا راح يتحقق حلمي و اصير عروووووووووووووووووووسه وافرح زي زي كل البنات
الله ياحظي :icon28: :icon28: :icon28: زفه وزغاريد وناااااااااااااااااااااااااسه وفله )
المهم سألتها الولد يبغاني وابوه موافق ويدري انك بتخطبين له
قالت ايوا الولد موافق ومصر يبغاك ويبغى الرد الآن
( لأن امه واخواته يكلمونه عني ) وانا الحمدلله خلوقه ومحترمه
وقالت امه ابوه موافق وله سنه يقول خلي امك تخطب لك
على فكرة قالت ان ابوه كان خاطب له بنت عمه بس الولد مايبغاه وحصلت مشاكل بينه وبين عمه وتفركش الموضوع
المهم قلت خلاص احنا نسأل ابوي واخواني ونسأل عن الولد ونرد عليكم
بعد مسألنا عنه خلوق ويصلي والحمدلله ردينا عليهم بعد فترة بالموافقه وانه خالص خلو
الرجال يجوا
وجات عمته وشافتني واعجبتها
والله شفت الفرحه في عيون امي واخواتي واخواني اكثر مني وكانو يخططوا ايش يلبسوا وفين يفصلوا ويتكلموا عن النقش وغيره وغيره
وانا ساكته مااتكلم واقولهم لا تتكلموا ذحين خلوه بعد ماتصير ثلاث اشياء بعدها تكلموا وخططوا براحتكم والأشياء هي
اتفاق الرجال – الفحص الوراثي – الملكه
وتحدد موعد الرجال يوم الأربعاء بعد العشاء
جاء يوم الأربعاء فجأه بعد المغرب الا الولد وامه جايين استغربت قالوا بعد العشاء ويجو ذحين
سألنا امه الرجال مو جايين قالت الا بعد العشاء بس الولد يبغى يتعرف على ابوك واخوانك قبل ابوه
شوي جاء ابوي قال الولد يقول ان ابوه مسافر الرياض وموموجود في المدينه
كيييييييف ............؟ تقولون بكرة والأب اصلا مو موجود
قالت الأم الا موجود بس مايبغى يجي
المهم الولد خطبني من ابوي وافق ابوي بس بشرط انه يجيب ابوه ومايصير خاطرك الا طيب
الولد وافق وتعشى
راح للبيت تقول امه كان طاير من الفرح يقول عطاني بنته خلاص
المهم بعد يومين اتصلت امه
قالت ابوه موجود في المدينه بس مايبغى يجي عشان هو خاطب له بنت اخوه
وابوه خاصم امه قالت الولد قال لي انكم فاسخين الخطوبه
قال ابوه مو على كيفه بياخذ بنت عمه غصبا عنه
تقول امه الولد يحلف انه ماياخذ بنت عمه لو مايبقى غير راسه وراسها
المهم حسيت ان الموضوع فيه مشاكل
قفلنا عليه وانهيناها:icon33:
(وهذا حظي من على الدنيا وعيت ):(
(وجات الحزينه تفرح مالقت لها مطرح ):(
والله مازعلت كثير
يعني اخذت على خاطري وتكدرت قليل وحسيت بضيق
بس قلت الحمدلله انا استخرت الله والله اختار لي هذا الشي وهذي خيرة اكيد الله يبغالي واحد احسن منه
وهذي اللي حصل معي
الله يعوض علي وعلى امي وابوي
ويفرج همي وهمهم
مساكين مافرحوا بأحد من عيالهم لا بوظيفه ولا بزواج
الله يصبرهم ويقر عيونهم بعيالهم
اسألكم بالله تدعون لي ان الله يرزقني بزوج صالح وبوظيفه ويفرح امي وابوي بي انا واخواني
يلزم عليك تسجيل الدخول أولًا لكتابة تعليق.
النرجس البيضاء
•
الله يرزقك بخير منه ,,
الغاليه,,,,
لا تزعلين ولا اتكدرين خاطرج...
الله يعوض عليج ويرزقج اللي احسن منه....
وان شاء الله كل اهلج يفرحون فيج....
والزواج حبيبتي قسمه ونصيب
واللي الله كاتبه بصير...
اصبري.. واكثري من الاستغفار.. والدعاء
والله بيسر امورج.. وبتكونين احــلى عروس...:)
لا تزعلين ولا اتكدرين خاطرج...
الله يعوض عليج ويرزقج اللي احسن منه....
وان شاء الله كل اهلج يفرحون فيج....
والزواج حبيبتي قسمه ونصيب
واللي الله كاتبه بصير...
اصبري.. واكثري من الاستغفار.. والدعاء
والله بيسر امورج.. وبتكونين احــلى عروس...:)
#لانا# :
الله يرزقك الزوج الصالح والوظيفه ان شاء اللهالله يرزقك الزوج الصالح والوظيفه ان شاء الله
.
.
.
يابعدهم انتي..
الله يارب يرزقك بالزوج الصالح عاجلا غير اجل..
ويهنيك و يسعدك و يسعد امك و ابوك و تشوفينهم فرحانين فيك و بكل عيالهم..
و اسال الله العظيم الكريم الرحيم الرزاق ان يرزقك بالزوج الصالح الي يسعدك و يهنيك و يعيشك باحلى حياه..
.
.
.
.
.
يابعدهم انتي..
الله يارب يرزقك بالزوج الصالح عاجلا غير اجل..
ويهنيك و يسعدك و يسعد امك و ابوك و تشوفينهم فرحانين فيك و بكل عيالهم..
و اسال الله العظيم الكريم الرحيم الرزاق ان يرزقك بالزوج الصالح الي يسعدك و يهنيك و يعيشك باحلى حياه..
.
.
.
الصفحة الأخيرة