سبحان الله مافي شي في هذه الدنيا الا وله عدة جوانب سواء سلبية او ايجابية
انا انسانة ثانية بعد سيول (حبيبتي)جدة
قبل كدة كنت دايما معترضة -وحاطة نفسي في دراما مالها داعي ,وادور على اي شي ناقصني عشان اسوي ميتم بالرغم كل نواقصي تافهة واتعب اقول تافهة
اول درس اتعلمته من سيول جدة (دوام الحال من المحال ومن جد لا يدوم الا وجهه سبحانه)
طول عمري اشوف الكوارث بعيد ولا يمكن تقرب مننا
الان مافي شي بعيد عننا وصرت متقبلة اسمع اي شي....
اول كنت اذا اولادي ازعجوني شوية اشتكي واجلس اقول ايش هادي العيشة مافي نوم ولا راحة
بس بعد سيول جدة اللي مارحمت اخت صديقتي واخذت منها اربعة من اطفالها(ثلاث بنات وولد) وزوجها ولم يبقى لها الا بنت واحدة وعظام مكسرة مع العلم انو عمرها مايتعدى ال 35 سنة والله اني اكتب وانا ابكي عليها (اللهم ألهم ام سعيد الصبر والسلوان وعوض عليها)
الان صرت اصبر على الاولاد واخصص وقت طويل معاهم ووالله كل ماأتعب احمد ربي اكثر واقول المهم اولادي طيبين
كنت اول ازعل من زوجي عشان الله يحفظه مايفتكر عيد ميلادي (ماقولتلكم تفاهة) وماقد دخل البيت ومعاه وردة
دحين ادور كيف ارضيه كفاية الوحدة تحس انو لها ضهر بعد الله.
كنت اول مو عاجبني استايل البيت وزعلانة مع انو بيت ملك والحمد لله
بعد سيول جدة ولما شفت الناس اللي اتشردو وبيوتهم ادمرت صرت استحي من نفسي
والله ما نحس بالنعمة الا اذا شفنا مصايب غيرنا ....
والله ياخواتي الله قادر يغير حياتنا 360 درجة في طرفة العين .يعني لاقدر الله تنام الوحدة وسط عيالها وجنب زوجها وتصحى تلاقي نفسها وحيدة في بيت اهلها .......وقيسوا على هذا على حاجات كثير .....
يعني لازم نكثر من الحمد لله .اللهم لا تغير حالنا الا الى احسن الاحوال....
اسفة على الاطالة واللهجة شوية فصحى وشوية عامي بس حبيت انبهكم......
واخيرا اللهم ارحم شهداء السيول وصبر اهلهم واللهم ارحم واغفر لجميع المسلمين الاحياء منهم والميتين....
om murad @om_murad
عضوة
يلزم عليك تسجيل الدخول أولًا لكتابة تعليق.
الورده الصامته
•
والله انك صادقه احنا ندور على اشياء فاضيه وموحاسين بالنعم اللي احنا فيها
ROL
•
يعني لازم نكثر من الحمد لله .اللهم لا تغير حالنا الا الى احسن الاحوال...
واخيرا اللهم ارحم شهداء السيول وصبر اهلهم واللهم ارحم واغفر لجميع المسلمين الاحياء منهم والميتين....
بالفعل نعم الله لاتعد ولاتحصى والحمد لله على كل حال
مشكور على الموضوع
واخيرا اللهم ارحم شهداء السيول وصبر اهلهم واللهم ارحم واغفر لجميع المسلمين الاحياء منهم والميتين....
بالفعل نعم الله لاتعد ولاتحصى والحمد لله على كل حال
مشكور على الموضوع
gjق MisS
•
الله يرحمهم ويتقبلهم شهداء ويرحم امواات المسلمين
عفويتك حلوة هي اللي زينت الموضوع
جزاك الله خير وثبتك ع الحق
عفويتك حلوة هي اللي زينت الموضوع
جزاك الله خير وثبتك ع الحق
الصفحة الأخيرة