مرحبا ياأخوات انا جايه اعرض عليكم مشكلتي للاستماع لنصايحكم مو للسب والتشمت والشتايم
عارفه اني حقيره ودنيئة نفس فما يحتاج ينقلب الموضوع سب وشتم وكلام غير لائق
انا اعاني من حالة اعجاب بشخص بالرغم اني متزوجه ! ركزوا اعجاب بس مو حب
انا معجبه بصديق زوجي بالمرره لانه انسان وسيم وخلوق وراعي دين وجنتل وانيق ماشاءالله عليه
طبعا هو عازب ماتزوج واهله يدورون له عروس على حسب ماقالي زوجي
دايم افكررر فيه وارتاح اذا اتصل على زوجي انبسسط مره
كان عايش بنفس الحي اللي احنا ساكنين فيه ونقلوا اهله واكتـئــبت بالمررره بعدين تعودت
دايم احاول اوصل لأخباره احب اسمع عنه ! واحب اعرف وين راح ووين جا !
غصب عني يابنات اراقب تحركاته مو بكيفي ومره فتحت حساب زوجي بتويتر عشان ادوره واضيفه عندي
وسويت لي حساب جديد واضفته وكنت اراقبه بعدين فجاه صحيت من غفلتي
قلت لا الى هنا ستوب لازم احذفه هو وحسابي الجديد وفعلا حذفته وارتحت وحسيت انو طيحت اللي براسي
بس بعد فتره حنيت ودي ارجع اراقبه عشان ارتاح وترتاح نفسيتي
ورجعت اضفته وكان ضميري مئنبني طول الوقت وراقبته لمده اسبوعين
وبعد اسبوعين حذف حسابه وانجنيت يابنات ضاق صدددري مره وقلت شلون بعرف عن اخباره
وبنفس الوقت مبسوطه انه حذف حسابه عشان ماعيش بتأنيب الضمير والعذاب
والله احب زوجي وهو يموت فيني ومايقصر علي بشي بس مدري وش اللي جاني
اول مره اعجب برجال بهالشكل الغريب هذا وقلبي متقطع على زوجي مايستاهل هاللي اسويه
هل ربي بيعاقبني على اعجابي ؟؟ لاتفكرون تفكير بعيد انا مستحيل اخون زوجي او افكر حتى اخونه
حتى لما اضفته بتويتر كنت اراقب من بعيد لبعيد ماكتب ولا كلمه ولا شي لاني اخاف من عقاب ربي
ودايم افكر بالبنت اللي بتتزوجه واغار واقول ياترى بتكون حلوه ؟؟ بعمري او اصغر مني ؟؟
واقول ياحظها فيه من قدها .. ولا ودي يتزوج وبنفس الوقت ابي اكون جمب زوجي ..
واحيانا تجيني افكار غريبه اقول ليش ماصار هو من نصيبي واتخيل انه زوجي
وبنفس الوقت مابي اضحي بزوجي لانه يموت فيني وطاير فيني اكثر مني
ومن وجهة نظري اشوف انو زوجي هو الانسان المناسب والملائم لي كزوج
وهذاك احب اشوفه واسمع اخباره فقط .. ودي اتغيررر مدري وش فيني
ودي ماسئل زوجي عنه ودي انسا اسمه ودي مافكر فيه ودي يصير انسان عادي زيه زي اي واحد من اصحاب زوجي
زوجي ذكي لاحظ اسئلتي الكثيره عنه وحس اني معجبه وصار يقولي كلام يقرف عنه !
بس مانقرفت واحس زوجي قاعد يئلف علي عشان اكرهه ومعد اجيب طاريه
رجاء للمره الثانيه اللي بتتلفظ بكلام غير لائق تحتفظ فيه بنفسها لاني عارفه حقارتي
فـــ ماله داعي تجين تفرغين حرتك و شتايمك فيني لانها ماراح تنفعني ابد
ابي نصيحه تصحيني من الوهم او الحقيقه اللي انا عايشه فيها !
محتاجه نصايح وحلول لمشكتي :29:
يلزم عليك تسجيل الدخول أولًا لكتابة تعليق.
الله يهديج تخيلي بس وانت في غمرة ملحقتج لاخبار صديق زوجج ان زوجح معجب بصديقتج ويتبع اخبارها ويتمنى تكون زوجته
تحسي بغصه صح
لا تدمري حياتج بسخفات وترى ابليس ما مات وما عنده شغله غير يوسوس لنا على شان نخسر الدنيا ولاخره
ونصيحه كل ما حسيتي نفسج انجرفت بالغلط استغفري الله لان كل ابن ادم خطاء وخير الخطائين التوبين
تحسي بغصه صح
لا تدمري حياتج بسخفات وترى ابليس ما مات وما عنده شغله غير يوسوس لنا على شان نخسر الدنيا ولاخره
ونصيحه كل ما حسيتي نفسج انجرفت بالغلط استغفري الله لان كل ابن ادم خطاء وخير الخطائين التوبين
الله يهديك
حاولي كل ما يجي في بالك تشغلي نفسك في اي شي
انتي الان زرعتي في عقلك الباطن انكً معجبه فيه وهو ممكن بس لفت انتباهكً
عشان كذا قد ماتفدري لاتجيبيه في بالك ولا تسألي زوجك عنه ابدا
شهر بس ماعاد يجي لك فيه طاري
حاولي كل ما يجي في بالك تشغلي نفسك في اي شي
انتي الان زرعتي في عقلك الباطن انكً معجبه فيه وهو ممكن بس لفت انتباهكً
عشان كذا قد ماتفدري لاتجيبيه في بالك ولا تسألي زوجك عنه ابدا
شهر بس ماعاد يجي لك فيه طاري
حبيبتي الله يصلح حالك ادعي ربك انه يصلحك ويهديك بعدين شكلك فاضية ماعندك شغل اشغلي نفسك وراح تنسينه بعدين لا عاد تجيبون سيرته لا انتي واتوقع حتى زوجك ماراح يجيب سيرته والله يصلح الحال
Ttawliya
•
حبيبتي ميل القلب ليس بإرادتك لكن نسيانه في يدك فاكثري من الاستغفار وحاولي الانشغال بأمور تنسيك وتلهيك عنه وعاهدي الله ثم عاهدي نفسك ان تجعليه في حياتك كأي إنسان لا يهمك ..
قلبي ذكرياتك مع زوجك .. صوره وهداياه .. حضنه وذكريات تعارفكم وتذكير الحب الذي كنت تكنين له واعجابك لزوجك وكل شيء جميل أسعدك ..
وان أردت بالفعل ان تنسيه فحوالي إيجاد عروسة لهذا الرجل الذي مال قلبك له حتى تقطعي الشر من جذوره وأدعي الله ليلا ونهارا ان يسعدك مع زوجك ويسعد هذا الرجل مع زوجته وقفي عن تحري أخباره ..
وأدعي بان يربط الله ع قلبك وتنسيه وثقي انها من الشيطان ومن خطواته ...
الاستغفاااااار والله سوف تري العجائب .
وفقك الله واسعدك
قلبي ذكرياتك مع زوجك .. صوره وهداياه .. حضنه وذكريات تعارفكم وتذكير الحب الذي كنت تكنين له واعجابك لزوجك وكل شيء جميل أسعدك ..
وان أردت بالفعل ان تنسيه فحوالي إيجاد عروسة لهذا الرجل الذي مال قلبك له حتى تقطعي الشر من جذوره وأدعي الله ليلا ونهارا ان يسعدك مع زوجك ويسعد هذا الرجل مع زوجته وقفي عن تحري أخباره ..
وأدعي بان يربط الله ع قلبك وتنسيه وثقي انها من الشيطان ومن خطواته ...
الاستغفاااااار والله سوف تري العجائب .
وفقك الله واسعدك
الصفحة الأخيرة
لاتقولي عن نفسك كذا
دام كتبتي موضوعك يعني فيك خير
وواضح ان عندك فراع عاطفي
حاولي تستغفري وتصومي
واذا زوجك تكلم عنه طنشششي
وتعوذي من ابليس داااايم
الوحده لازم تصون زوجها حتى بينها وبين نفسها
وزوجك مبين طيب ويستاهل
حرام تمشين بهالطريق والافكار
وابعدي نفسك عن المقارنات
ولاتغتري بمظاهر الرجال
مو شرط الرجل الممتاز يكون زوج ممتاز
حطي هالنقطه ببالك
والله ينزعه من فكرك