هلا اختي.. اول شي بسالك انتي صدق بتتغيرين ولا هو مجرد تأنيب ضمير !!

اذا صدق بتتغيرين ومو عاجبك وضعك ابداي بدايه صحيحه ابداي من اول و جديد ما راح تواضبي على الصلاة بدون إيمان جازم بالله.
كل الفترة الماضية كانت علاقتك بربك مبتورة..حاولي ترميم إيمانك أولاً..بعدها بيصير ف داخلك جرس ذاتي ينبهك بأوقات الصلوات قبل تسمعي المؤذن...ادخلي ف الإسلام من جديد..و توبي توبة نصوحة
اسالي نفسك اولا هل تحبين الله؟ هل تستحين منه ؟هل تخافين منه ؟
صدقيني لو انتي تحبين ربي صدق كان تشتاقين للصلاة او على الاقل بتستحين او بتصلين بسبب الخوف منه
ابحثي عن الصلاة وشوفي اهميتها؟ادري انك تدرين انها مهمه بس ابحثي اكثر وشوفي عقوبه اللي يؤخر الصلاة مثلا؟
تدرين انها اول عمل بتحاسبين عنه يوم القيامه؟؟؟ وانها اذا صلحت يصلح سائر عملك واذا فسدت يفسد عملك كله؟
او مايهمك كيف بيكون وضعك يوم القيامه؟؟؟؟؟؟



اليوم اللي بيحط ربي السماوات بيمينه انتي شايفه كبر السماء !!!!
هذي السماء زي الخاتم المرمي بصحراء مقابل السماء اللي بعدها وهكذا الى السماء السابعه
تقدرين تستوعبين الشكل؟؟؟
وتقدرين تتخيلين حجمك وقتها؟؟؟؟؟؟؟
وتدرين طول هاليوم خمسين الف سنه ووقتها خلاص مافي عمل ولاتوبه ولارجعه
بعده خلود اما فـ جنه او نار
"الله يجعلنا واياكم والمسلمين من اهل الجنه "
هذا غير انو روحك بيده ويمكن ترجع لبارئها بأي لحظه
روحك وجسمك وصحتك وعافيتك واهلك وزوجك وعيالك كلها من الله وبترجع لله؟!
عارفة انتي جالسه تعصين مين !!
عارفة انك جالسة تعصين ملك الملوك وفـ ملكه
الله يهديك ويغفرلك .. عورتي قلبي عليك
لازم تجاهدين نفسك وتغصبين نفسك
وادعي وخلي الوالده الله يخليها لك تدعي لك
صدقيني محد يقدر يسوي شي الا بتوفيق الله اطلبيه كثير ربي يعرف نيتك وقلبك واذا صدقتي بدعوته مراح يخيبك لانه جواد كريم يستجيب حتى للكافر اذا لجأ لمولاه بقلب صادق منكسر "امن يجيب المضطر اذا دعاه ويكشف السوء"
وخلي هالايه على لسانك "رب اجعلني مقيم الصلاة ومن ذريتي ربنا وتقبل دعاء"دعوة ابينا ابراهيم عليه السلام
"اللهم اعني على ذكرك وشكرك وحسن عبادتك

حبيبتي الوهم اللي عايشته ان تركك للصلاة بسبب المس والحسد كذب ×كذب
اعرف ناس فيها سحر وحسد ومس وشيطان مارد وعاشق واقسم بالله العظيم انهم حريصين على الصلوات والاذكار وقيام الليل
الشيطان كيده ضعيف .. لكن انتي للاسف الشيطان تمكن منك واستسلمتي له وغسل مخك وجالس يحبطك ويعدد لك اسباب عشان ماتصلين .. لاتسمعين له كلها وساااااااوس
الشيطان ضمن مقعده من النار لكن انتي جناااااات النعيم تنتظرك ان شالله
انتبهي لاينتصر عليك .. ولو ان الشيطان له قدره على الانسان كان ماشفتي ولا واحد بالدنيا يصلي لان كل انسان مقيد له شيطان قرين

تذكري إن فيه ناس تتمنى إنها بصحة وعافية عشان بس تقدر تسجد سجدة وحده لربي في الأرض
و أنا وأنتي و غيرنا كثير مقصرين في حق صلاتنا ...
الله يرحمنا برحمته ... نصلي 5 مرات في اليوم و عسانا بس ننجو من عذاب القبر و فتنة السؤال
شلون عاد اللي ما يصلي !!! فكري بعذاب اللي ما يصلي وإنه يعتبر كافر
لاتخسرين آخرتك عشآن ربع سآعه من وقتك ب اليوم تقضين فيه صلوآتك .. وجآاااهدي بالصلاه ( والذين جاهدو فينا لانهدينهم سبلنا )
خلي سجآدتكِ دائما مفروشه .عشآن ما تنسين ..عآيري جوآلك ع اوقآت الصلاه ..
اول ما تسمعي المؤذن ع طول قومي توضي وصلي

لاتستثقلين الصلاة .. والله والله والله مااافي أخف منهآ

و ابشرك باذن الله احساسك بالذنب وشعورك بعدم الرضا بيجيب نتيجة وراح تحافظين على الصلاة بإذن الله ...
حطي ببالك دائماً هالحديث (من تركها فقد كفر) ترى الدعوى كفر ماهو شي سهل !!










هذا دارك .. هل استعددتي له!!!

انصحك انك تشوفين برنامج كيف تتلذذ بالصلاة بهذا الرابط شوفي كل الاجزاء





ياااااااااارب المره الجايه تبشرينا انك واضبتي على الصلاة

يااااارب ياااااارب يااااارب إئذن لنور عييوني بالسجووود لك ياكريم لاااااتحرمها لذة الوقوف بين يديك يا غفور يارحيم اغفر ذنبها واخسئ شيطانها اجعلها تصلي رغم انف المس الذي يسكنها ياعظيم تب عليها وعلى زوجها وعلى اخي وعلى ضال المسلمين ياااارب ياااااربي تب عليهم في هذة الليلة يااااربي لك الحمد انك لم تقبضهم إليك وهم على هذة الحال ياااارب اسألك لي ولهم توبة قبل الممات آمين

الله يهديك ويصلحك ياارب
ويسخرك لطاعته ياااااااااارب
جااهدين نفسك اخيه ع الصلاة وادعي ربك دايما اللهم يامصرف القوب والابصار صرف قلبي ع طاعتك

تذكري ان الله غفور رحيم

ولا تحرمي نفسك من لذة الوقوف بين يدي الغفور الكريم

صدقا للالتزام بالصلاة لذة لا مثيل لها جاااااهدي نفسك ما استطعتي

وادعي ربك بقلب مخلص صااادق

ان يعينك على طااااعته وحسن عباااادته

واداء كل ما امرنا به من الطاعات والعبااادات على اتم وجه واحسن صوره