انا انطوائية وارجوكم ساعدوني !!!!

السلام عليكم و رحمة الله و بركاته
بادخل بالموضوع مباشرة وهاذي اول مشاركة و اول موضوع لي
انا بنت عمري 15 ثاني ثنوي متفوقة دراسيا
المهم انا بالمدرسة ما عندي صديقات و احس البنات يتجاهلوني و ما يريدون يصادقوني صراحة انا ما ألومهم انا ما اتكلم كثير و لا اعرف حتى أيولف مع البنات قبل بصف ثامن كان عندي 4 صديقات وحدة بس اروح معاها لأني ما احب التجمعات لكن بعدين حسيتها سحبت علي و صارت تروح مع الثانيات و تعالمني غير و بقلة ادب بعد مع ان الثانيات مو نفسها ! يعني عادي
وانا من النوع اللي ما يصادق اي احد يعني تعروف هذاك النوع من البنات المشاغبات و حق المشاكل احسهم ينبذوني و يتمسخرون علي و يقولون نفسية و و انطوائية و بعدين بعدها بسنة صف تاسع نفس البنت قطعت علاقتها معاي لما سألتها ليش ؟
قالت : تبين البنات يقولون عني اني اروح مع وحدة نفسية ؟ و انتي صرتي انطوائية و ما تتكلمين و يلا باي "
انا سويت نفس ما أهتميت لكن اول ما رجعت البيت بكيت و ما تحملت ! لين متى باتمي كذا ما اتكلم كثير و انطوائية ؟ و للمعلومية انا ما صار لي شيء نفسي في طفولتي علشان اصير كذا قلت ممكن لأن اهتماماتي مختلفة وغريبة
لأني انا من النوع اللي يحب الكيبوب و الانمي و اليابان و التصميم و قراءة الروايات و صبيانية عكس باللي بعمري يحبون يهتمون بشكلهم و المكياج و المسلسلات -اللي ما اطيقها - و سوالف الشباب
المهم صف تاسع كنت اروح مع صديقة طفولتي بالفسحة اللي هي لين الحين معاي اما بالصف اتكلم شوي مع البنات بس لما تكون السالفة فيها مشاريع مشتركة دايما انا اكون لوحدي و البنات يرفضون يكونون معاي مع اني من النوع المتفوق
تميت على هاذي الحال اول ثانوي و هنا المصيبة شكله بعض البنات بلغوا الاخصائية الاجتماعية و كلمتني و سألتني ليش انا منعزلة وهل حد يضايقني ؟ وهل في مشكلة بالبيت و قلتها لا و استغربت مني
و كملت والحين انا ثاني ثانوي و ماعندي صديقات وصديقة طفولتي اتنقلت تدرس برع الدولة مع اهلها احس بنات صفي يشمئزون مني و ما يريدون يقروبون مني اسأل نفسي انا شو سويت لهم ؟ هل لاني قبيحة ؟ هل لاني ما اتكلم كثير ؟ و لا لأن اهتمامتي مختلفة و غريبة ؟


ارجوكم اتمنى مد يرد علي مع اني متأكدة ان ما حد بيشوف موضوعي T^T