السلام عليكم ورحمة الله وبركاته
مدري كيف ابدا يابنات
انا متزوجه لي 4 سنين بس ماعشت مع زوجي فتره طويله
كنا دايم نتنقل بالسكن ونقعد فتره انا عند اهلي وهو عند اهله غير
انه بدايه الزواج اضطر يسافر برا السعوديه لامور ضروريه
يعني ماعشت معه فتره اكثر من خمس شهور متصله هذا كان قبل
الحين لنا بيت واستقرينا فيه الحمدالله لنا اكثر من 5 شهور
المهم يابنات هذا هو وضعي قبل الحين انا انهرت من زوجي
تخيلو يابنات احنا ساكنين عند اهله كان لما يهاوش
او يعصب يعلي صووته بقووه ويظلمن ايه لانه
اذا عصب يقول كلام مدري وش يبي يقهرررررررررني
وانا ابكي وابكي واذا شافني يقول لو تبكين دم مارضيتك تهبين اراضيك
ابكي لين تشبعين
المهم يابنات اذا عصضب علي يقولي الغراض بالمطبخ بتخرب
وانتي بس جالسه عندي ولا الملابس لها شهر ماغسلتيهاا
وانا والله العظيم ورب البيت مو كذا والله اني اطبخ له واغسل ملابسه
وانظف بيته كل يوم مرتين والبس له حتى طفلي
مهتمه فيه مايشوفه وسخ والله العظيم
مره تهاوشنا وعصب وقعد يقول الفاظ تجرح ياكلبه يافاجر ياحيوانه
انتي مو حرمه لو حرمه كان ووكان وحذف علي الجوال ومره ضربني خفيف ع ضهري
والله انجنيت منه وعلا صوته بالمره عند الباب
وسمعته اخته وبعد فتره رحت لهم تدرون وش قالت ؟
قدام حمواتي كلهم وزوجات اخوانه
انا مره سمعت .. يعصب عليك مررره وقالك..
قامت اختها اللي اكبر منها سكتتهاا المشكله انهاا متزوجه
وقالت هالكلام بعد لزوجي كانهاا فرحاانه والله انصدمت
مادريت وش بقول سكت وكلهم يسمعون احس اني تحطمت
بس اليوم غيرررر
لنا فتره واحنا يوم نتهاوش ويوم لا وكذاا
اليوم الصبح تخيلوو الساعه 9 ونص مقومني
يبيني اكوي ملابسه قلت خلها الضهر انا نعسانه ومانمت الا الفجر
قام هاااوش وهزاء فيني لين قال بس يقول الملابس من كم محذوفه بالحوش
وانا والله مغسلتها امس الساعه 12 يعني مايمديها تنشف عشان اكويها
المفروض الضهر اكويهاا
وجلس يعايرني بكل شي ويقول انقلعي انا القى ميه وحده مثلك واحسن منك
وخليك مثل اختي فلانه ملابس زوجهاا مكويه ونظيفه
انا انهرت وقلت له لو تبيني مثل اختك كان كل يوم وانا وامك متهاوشين عادي عندي
وعصب علي قال انتي مناافقه ليش تتكلمين في اختي كذا قلت انت تبيني مثلهاا
قال انا بس لو سمعت انك فكرتي تسوين لامي شي كان حذفتك بيت اهلك
وطلقتك ياا وياا وياا انا مليت قمت ابكي واجهز اغراضي ماعاد اتحمله
مره راضي ومره معصب حتى يهزء في غسيلي للملابس يقول من زينه اصلا
والله يابنات ماعاد اتحمل واذا قلت له قصر صوتك عاند وزاد الصوت لحد باب البيت وقعد يصاارخ
انا تعبت والله تعبت مااقدر اشكي لاحد اهلي مايدرون بشي وانا عندهم
جيت الصباح زعلانه منه بس ماقلت لاحد
قلت انه مداوم الى الليل والله يابنات انه يستحقرني ماادري وش الحل
معاه حاولت اتغير وفعلا اتغير يوم واليوم اللي بعده يجنني الين انهاار
ويقول انتي هذي عادتك يوم تمام ويوم لا ويدعي علي امس الليل نام وهو موراضي
عني لاكن عجزوت انام الين قومته وقلت له انه راضي عني ولا لا الين رضى ونام واخذ اللي يبيه بعد
ويوم قام وهو يحترق علي
طيب وش فيها اذا اهملت كويهاا يوم ولا يومين
ماعندي شغاله وعادي اهم شي اني مااخليها تطول اغسلهاا وبعدهاا بيوم اكويهاا بس هو جنني
يابنات قبل سكنت معه 3 شهور والله ماكان كذا اذا عصب يسكت مايتكلم ويجي يعتذر
بس مدري وش صار فيناا
تخيلو هو قبل فتره عطاني 9 الاف وشريت فيها شي ضروري مايشترونه بنات جماعتي اللي كبري
وانتشر الخبر عند الناس
والكل استغرب لانه حالته الماديه جدا سيئه وانا مراعيه هالشي ومااضغط عليه بس
يوم جا معه مبلغ اخذت منه شوي
المهم حتى زوجة اخوه بعيده عنا سالت امه وخواته تقول صدق هو شرا لها كذا؟؟
وبعد قبل فتره قالت لي وحده من البنات انتي واااضح عليك ممشيه زوجك ومسيطره عليه قدام البنات
بس انا والله مو كذا لو شافت حياتي كان عرفت
تخيلو هال 9 الاف ذلني فيها بشكل يبي يبيع اللي شراه لي وكل يوم والثاني يقول انا غلطت وغلطت
وابي ابيعه بس انا رااافضه لان كل الناس عرفت بهالشي صعبه يبيعه بسهووله
الى الان وهو يعايرني من جد يبنات وش اسوي معه مالي بعد الله غيررررررركم
شووفولي حل وهو يوم نزلني يقول مصروف الولد يوصله لحد عنده
وانتي اذا طاح اللي براسك ارجعي ماهميتني غيرك مليوون
مليييييييييييييت منه وتعبت والله تعبت
انا ماعمري سويت لامه شي والله ماسويت لها الا كل خير
لاكن موسوس فيها اني اكرها دايم يقول لو سمعت انك قلتي في امي لسوي واسوي ؟؟
وانا ماقلت فيها شي
ومره قال انتي ماتسوين موطى رجل امي انتي وامي وانتي وامي وقعد يهزء وانا ماقلت فيها شي
لاكن من القهر قال هي افضل منك واحسن قلت محد افضل مني
لاكن يشهد علي ربي ماعمري تكلمت عنده فيها لاكن نظراته لي اني مسويه لها شي ولا بسوي
انا عند اهلي الحين مافكر فيني وش الحل شيرو علي الله يرفع من قدركم
وادعوووووووووولي تكفوووووون
قلبي أأأسيرررك @klby_aaasyrrrk
عضوة نشيطة
انا انهرت خلاص مافيني حيل والحين عند اهلي الله يجبر بخاطركم ادخلو وشورو علي
112
12K
يلزم عليك تسجيل الدخول أولًا لكتابة تعليق.
<<ام ريم>>
•
الله يصلحه ويهداه لك ويسخره ويفرج همك يارب
لا حول ولا قوة الا بالله
بصراحه مدري وش اقول
بس لو انا منك >> الله لا يقدر
لو انا منك ماعشت معه حتى دقيقه
بس انتي عندك طفل
حرام تحرمونه التجمع الاسري
اذا رجعتي حاولي انك ماتتكلمي معه ولا تجادليه
سوي كل اللي يبيه يمكن يستحي على وجهه
ويعاملك باحترام
دعواتي لك
بصراحه مدري وش اقول
بس لو انا منك >> الله لا يقدر
لو انا منك ماعشت معه حتى دقيقه
بس انتي عندك طفل
حرام تحرمونه التجمع الاسري
اذا رجعتي حاولي انك ماتتكلمي معه ولا تجادليه
سوي كل اللي يبيه يمكن يستحي على وجهه
ويعاملك باحترام
دعواتي لك
ام كرشه
•
ليه شيانه الاخلاق ذي
ذي مهيب عيشه ابد ولا استقرار لا لك ولا له ولالطفلكم
تهديد وسب وقله ذوق ولسان طويل وفشيله
وليه يطول صوته بيسوي نفسه رجال يعني !!
خلي احد يكلمه من اهلك ويحترم نفسه
ذي مهيب عيشه ابد ولا استقرار لا لك ولا له ولالطفلكم
تهديد وسب وقله ذوق ولسان طويل وفشيله
وليه يطول صوته بيسوي نفسه رجال يعني !!
خلي احد يكلمه من اهلك ويحترم نفسه
الصفحة الأخيرة