شخباركم بنااات
طبعا انا تراني سويت عمليااااااااة اجر وعافيه ان شالله خخخخخخ
المهم والله يابناات الغرفة العمومي اشكال والوان تشوفين فيها ودي ادردش معاكم زهقانه من المستشفى وقاعدة بروحي
واليوم مر علي موقف بكاني وبنفس الوقت قهرني والله احس اخذت درس مانساه
اخ من الرجال اخ
وانا نايمة صحيت على صراخ بنية الفجر الساعة 3 من الالم طبعا طلعت اتمشى شوي والا اشوف البنية تتالم قطعت قلبي ذكرتني باول مادخلت المستشفى طلع البنية عندها حالة اجهاض وهي بكر اول مرة فالظاهر منصدمة او متمسكة فقيرة بالجنين
ولما طلعت من غرفة الفحص قامت تبكي ويقول زوجها لها خلاص شفيج نزل الجنين عاد عرفت انها نفس وضعي وفجاة جاها نزيف وقال الدكتور عبالة ان زوجها خايف عليها مادرى انه بس يدور النوم جدي
: بسيطة بس لازم تدخل العمليات تسوي تنظيفات العملية بسيطة ماتخوف .
الدلخ قال حق زوجته شفتي العملية بسيطة يالله مع السلامة ؟
وهي جنها وجهي قالت الله وياك ودير بالك الدنيا غبار ؟
طبعا البنت ماعندها احد نادت السسترات وقالت بابا صج راح ؟
مسكينة عبالها ينطرها برة مادرت انه ذلف وخلاها ؟
وقامت تبكي من الالم وعطت فلوسها واغراضها السسترات عشان يخشونها لها ؟
والله بغيت ابكي احس كانها انا صبورة ؟
ودخلوها العمليات بروحها وقامت الساعة 9 وانا اطالعها والله وردة قمر .
وصحت عالساعة 9 فجأة وقامت تنادي سستر ابي تلفون جان تدق تطمن امها وتدق ع زوجها وتسأل عنه وطبعا هذاك مارد عليها .
وفجأة دقت على ام زوجها وقالت : خالتي فلان وصل احاتيه امس غبار . وانا سويت العملية الحمدلله وبخير وعافية .
قمت انا اساعدها لاني تقريبا حاسة فيها بس انا تعودت عالاجهاض هذي بكرية مسكينة .
والله يابنااات مادق عليها زوجها اللي الساعة 12 الظهر وجا شوي وراح .
واليوم الثاني : الدكتور رخص لها ودقت على سايق امها وخلته يجي ويشيل اغراضها وكل شي .
عاد قلت لها يابنت مايصير لازم زوجك يسويلك الخروجية كان تقول ادري بس عشان يجي مايتاخر ويلقى كل شي جاهز ؟
وانا اقول بيني وبين نفسي والله هالرجال مدلع .
عاد سالتها وقلت : انت حيل مدلعته ؟ جان تقول : اكيد بيوم من الايام راح يحس فيني .وقلت : صادقة اكيد تربيته جذيه قالت بالعكس اخوانه كلهم مدلعين حريمهم مع انهم عوب واقل مستوى من رجالهم .
قلت هذي الدنيا من عرفناها حلوة وشابه ودينه طول الوقت تحمد وتستغفر وجامعية
طبعا هي دقت الساعة 9 ماجاء الداج الا بعد ساعتين ومعصب يقولها : انت شسالفتج هاجدتني من الساعة 9 ماتعرفين تصبرين لين اقوم تدرين انا ماقووم الا ب11 ؟؟؟؟؟؟
اخ بغيت اطلع واقتله ؟؟ واكسب اجر بالامة الاسلامية
والله يابناات كسرت خاطري وهي طالعة كل مرة تطلع معاها طفل والزوج وراها وهذي رادة البيت مكسورة مسقطة ومزفوفة ماجبر خاطرها لو بكلمة .
طبعا انا ميتة حرة لاني دايم اشوف الطيبات حظهم جذيه والعوب معززات ومكرمات والله الحظ له يعرف اصحابه لاتقولين طيبة وحبوبة ومحترمته وحاشمة اهله و و و و كله نصيب .
الله يوفقها ويحنن زوجها هالشيفة ابو نفسية عليها ويعوضني وياها الذرية الصالحة
awatef36 @awatef36
محررة فضية
يلزم عليك تسجيل الدخول أولًا لكتابة تعليق.
شمـsunـس
•
والله كسرت خاطري المسكينه:44:......الله يعوضها خير....فيه رجال كذا الواحد لاعنده حس ولا احساس واللي يقهر لما تكون زوجته انسانه كويسه وهو قلبه زي الحجر ان شاء الله النوعيه هذي تنقرض من الارض..............
الحمد لله على سلامتك
ماشاء الله عليك انتي مثلي اشيل هم الناس وافكر فيهم الله يعين على هالدنيا
الله يعينها يارب ويفرج همها ويعوضها ويسخر لها زوجها يارب العالمين
ماشاء الله عليك انتي مثلي اشيل هم الناس وافكر فيهم الله يعين على هالدنيا
الله يعينها يارب ويفرج همها ويعوضها ويسخر لها زوجها يارب العالمين
awatef36
•
حبايبي منورين يالسهارى
ليتني قلبه : لا وما خفي اعظم
شمووسة : الا قولي الله يهديهم بعضهم طيبين بس دفاشة ماكو اسلوب
كالنخلة الشامخة : اجل وش اللي جابلي البلاوي الا هالاحساس بس تبين الصراحة لانها ذكرتني بنفسي انا جذيه مع زوجي
وهالايام الطيبة صارت خبال
ليتني قلبه : لا وما خفي اعظم
شمووسة : الا قولي الله يهديهم بعضهم طيبين بس دفاشة ماكو اسلوب
كالنخلة الشامخة : اجل وش اللي جابلي البلاوي الا هالاحساس بس تبين الصراحة لانها ذكرتني بنفسي انا جذيه مع زوجي
وهالايام الطيبة صارت خبال
روزال99
•
اخ دنيا غريبة من ورا ناسها ليه زلام كذا حراااااااام وين الحنية ع هالمراة المسكينة وسلامتك صاحبة الموضوووووووووووووووووع
الصفحة الأخيرة
معقول في رجال كذا ؟؟
ما بقلبه رحمه الله يعينها