انا بتجنن حتى اخويه؟؟؟ ماني مصدقه ماني مصدقه

تصورو يااخوات
اخويه تزوج وحده عن حب قبل سنه بالتمام
والآن يبغى يطلقها بأي شكل من الاشكال ومو بس كذا يبغى يسقط جنينها بحركات يسويها فيها علشان تنقهر وتترك البيت من نفسها وتتنازل عن حقوقها وتزعل ويطيح الجنين ويموت
ماني مصدقه
يقول انه تعرف على وحده في بلد ثاني ويبغى يتزوجها ومايبغى غيرها
مع انه ماكمل سنه مع زوجته
وانا صايبني الذهول كيف يجي ويقول انا ابغى اتزوج واحب وحده ثانيه وكيف يقولنا كذا واحنا حريم وقيدنا شايفين الويل من عيال الناس يقومون حتى الاخوان يسوون كذا في بنات الناس ؟؟ لا مستحيل لازم اسوي شي حرام مهما كانت زوجته بتضل صغيره ومخها على قدها وماتعرف تتصرف مسكينه وماتبغى تخرج من بيتها وقالها بكل صراحه انا ابغى اتزوج احسن ك روحي عند اهلك انفجعت المسكينه منه وقالت انا بقعد هنا واكيد تتعذب ليل نهار مع اني مااشوفها ولا اقعد معاها بس حاسه انها مسكينه تتعذب
هو يقول انها ماتفهم وغبيه وحمقاء مع ان اغلب الحريم كذا عادي المفروض يكون هو الاعقل
بس حرام يسوي في ولده وهو لسى جنين كذا
كيف اساعد وكيف احل الموضوع
اخويه مصر انه يتزوج من هذي الانسانه الجديده اللي متأكده انه اتعرف عليها عن طريق النت لأنه لاسافر ولا راح ولا جا وهي لساعها في بلد ثاني ومصر انه وحده مننا احنا خواته تكلمها بالتلفون تخطبها له
انا ماراح اسوي شي مع انه زواج وحلال مو حرام لكن برضو ماابغى اتدخل ونفسي يرجع لزوجته ويبطل مشاكل
هو اللي يبغى يخرب الدنيا قصدا ويبغاها تروح وتطلب الطلاق يمووووووت وتطلب الطلاق ويموت الجنين
هل هذا انسان ؟ انتظرته اربع سنوات المسكينه ومارضيت تتزوج غيره وكان يحبها وتحبه
الآن يقول انها ماتفهمه وماتناسبه بعد مااخذ منها اللي يبغى
لحق يمل منها لحق؟
انا متعقده من الرجال ونفسي احطهم في فرامه لحم وافرمهم قطيعه والله قلبي يحرقني مانطلع من مشكله الا وندخل في غيرها