رائع ردك أوافقك.. مافكرت بالخدمة وكلت أمري لله.. لأن الي تفكر بالخدمة أحسها تصدم لو عيالها قصروا معها أو لاسمح الله عقوها.. ربيهم بمايرضي الله وتلاقي أجرك في الدنيا والآخرة

طبعا انا ضد هذي المقولة، اجيب أطفال عشان يخدموني! قمة الانانية اني ما افكر الا في نفسي واعتبر وجودهم في الحياة فقط لاسعادي وتلبية طلباتي اذا كبرت في السن! هذول بشر وأرواح ربي خلقها لأسباب كثيرة وأول سبب عبادته وانتي مجرد بوابة عبور له للدنيا! يعني مو مخلوقين عشانك ... مرة سمعت في برنامج انه الأمهات يضيعون أجر سهرهم وتعبهم على أطفالهم بالمن عليهم مستقبلا، اول مايكبر طفلها تبدأ اُسلوب الضغط والابتزاز انا اللي ربيتك انا اللي كبرتك... الخ. ينشأ الإبن والإبنة تحت هذا الضغط الهائل بحجة رد الدين لوالدتهم! والأم تمسكهم من العصا اللي توجعهم بحجة أنا أمهم!
حبيباتي أحسنوا لأطفالكم وابتغوا بذلك الأجر ورضى الله منها تنالين الأجر ويصلح لك ربي أطفالك ويحسنون إليك مستقبلا.

والله الموضوع جدا حساس وقد يجرح البعض .. انا من البنات اللي اتزوجت متاخر وانجبت بنت وربي ما اكرمني بالحمل بعدها الا بعد سنوات .. ونفسي احمل ثاني ومترددة لاسباب منها ان الدكتورة نصحتني في حال اني اردت الانجاب ان يكون بعد سنه من بنتي الثانيه بسبب عمري وانا والدة قيصري .. وغير اني اتعب دايم بحملي ووحامي مرة صعب واحتاج من يراعيني وللاسف امي كبيرة ومريضه وتحتاج من يراعبها واخواتي ما ينشد فيهم الظهر وامي واخواتي طلبوا مني بصريح العبارة عدم الحمل .. واحس ان امي تحتاجني في اوقات كثيرة وحملي راح يعوقني عن هذا الشي .. وغير ضروفنا الماديه اللي يادوب تغطي ضرورياتنا .. المهم اسباب كثيرة تسد نفسي عن الحمل حتى زوجي مو متحمس وبصراحه انا كمان ما اتحمس بس خايفه من بكرة .. مو بس احتاج ابنائي حولي .. اخاف عليهم اذا فارقت الحياة وهما صغار مين ينتبهلهم واخاف عليهم من الاحداث اللي حاصله ووووووو... كلامي ملخبط بس الموضوع قلب عليا المواجع

وممكن الموضوع يقلب المواجع على بنات اتاخروا في سن الزواج او ربي ما كتبلهم الحمل .. وبالمناسبه اذكر قصة واحده ماشاء الله عندها الكثييييير من الابناء والبنات ويوم ما اتوفت حبوا بعد ما غسلوها يجتمعوا في بيت يسلموا عليها قبل الدفن ... اغلب بيوت ابنائها رفضت استقبالها واخذها حفيدها في بيته ... وقصة لوحده ما عندها ابناء ابدا لكن لما توفت صلى عليها القريب والبعيد .. فالعبرة لسيت بالعدد .. العبرة بالخلق الحسن مع الاهل والجيران وصفاء النية وربنا راح يسخرلك اخر ايامك وبعد وفاتك من يذكرك ويدعيلك

يا شيخه خليهم يجون بسلامة و تقر عيني وعين ابوهم فيهم الله يعين ويرزقني وكل محروم بذرية صالحة سليمة بارة