انا بحاجة للنصيحة

السلام عليكم:39:
يا بنات المنتدى انا اليوم بدي اطرح مشكلة معي والى الان مش ملاقي حل رجاءا ساعدوني:icon33:
انا بدرس بالجامعة والله ابتلاني بصاحبة اعوذ بالله منها طبعا الغلط مني بالبداية اني صاحبتها لكن البنت اول ما صاحبتها كان مبين عليها بنت حلال .المهم يا بنات مع مرور الوقت معا كنت دايما افقد فلوسي واغراضي من حقيبتي الخاصة وبعد مدة اكتشفت انه هيه اللي توخد مني اغراضي خلسة من دون ما بعرف ولما اكتشفت هاد الشي فضفضت لصاحبة تانية اللي صار اجت نشرت الموضوع بين البنات ووصلها خبر اني عرفت انه هية اللي تسرق مني وحتى تنتقم مني راحت نشرت موضوع انه جوالها انأخذ من حقيبتها وانه انا اللي اخذته والعياذ بالله ومش بس هيك راحت نشرت الموضوع عند الكادر التعليمي وهاد الشي دايئني كتير وطبعا ما رح اقدر ابرر لكل الكادر التعليمي انه مش انا اللي اخدت الجهاز مع العلم انه معي جوالين ومش بحاجة اخد من حدا والموضوع كله ابتلاء بابتلاء المهم بعد هاي القصة بعدت عنا لكن المشكلة انه البنات كلهن بعد ما تركتها صارو بحكولي مليح انك تركتيها لانه البنت كذا وكذا وكذا فانصدمت وسألتن ليش ما حكتولي من اول؟ صارن بحكن انهن خايفات احكي انيهن بخربن الصحبة .
والمشكلة انو البنت ما اكتفت بهد الشي لانها طلعت حقودة صارت تحكي عني قصص اخلاقية للبنات عني و العياذ بالله طلعتني زانية ولما عرفت بهاد الشي طار عقلي وواجهتها قدام البنات اذا كانت حاكية ولا لا. فصارت تقسم ايمان اها ما حكت والمشكلة قدام البنات اللي حاكيتلن فعرفن اها تكذب والحمد لله لكن المشكلة انها حقدت علي اكتر لانه البنات كمان بعدو عنا لانها بتخوف وما بتخاف الله وصارت تتعامل مع شباب وتحكيلن اني سيئة وبضل اطلع عليها حكي ونشرت رقم جوالي للشباب وكل يوم والتاني تيجيني مكالمة تهديد من شب شكل والى الان مش عارف شو اعمل وما بقدر اعرض الموضوع على خواني لانهم شباب وعصبيين وخايف بصير في مشاكل عشان هيك امانة يا بنات حواء تساعدوني وطلعوني من الكابوس اللي انا فيه لاني تعبت والله تعبت:09: