بنت اختي كذا بس هي عمرها ٤ سنوات قسم بالله ماشاء الله دلع مو طبيعي تبكي ٢٤ ساعه وتحب تاخذ الاغراض باقي الاطفال منهم بالغصب وان رفضو سوة حفله من الصياح ومتبي تفارق امها وعدوانيه الله يهديها ويصلحها لامها

وعليكم السلام


ياعمري هي حنييت عليها مهما سوت ومهما فعلت انتِ بنعمه عظيمه ماشـاءالله تبـارك الله .. بكاءها يعتبر دلع مو الم فالحمدلله ، هذي نعمه .. غير كذا انا وكثير نتمنى صوت طفل بالبيت ازعاج مو ازعاج اهم شيء يملي حياتنا ، كلامي هذا ابيك تنتبهي ماتدعين عليها ولا تضربينها بعد سنوات لشفتي اثر دعواتك عليها بتندمين



بنتك صغيره ماتعرف الصح من الخطاء خليها تكبر شوي بعدين حسيت من كلامك انها كانت مره مدلعه وجاء البيبي وصارت تغار منه ، كمان واضح متعلقه فيك كثير وتتصرف كذا ،

بنتك مايبي لها اي شيء بس طولة بال ومسايره .

الصبر الصبر
وربي حاسة فيك كان بنتي فيها من بنتك كثير نكدددية درجة أولى بكاية زنانة
وربي مرة خلاص وصلت حدي منها دقيت ع اخوي يجي يطلعها قبل ما أذبحها😭💔 ترا ماراح أحد يفهم شعورك الا اللي مجرب طفل من هالنوع لكن الحمد لله من صار عمرها ٥ سنوات بدأت تتغير والحين عمرها ٨ سنوات اللهم لك الحمد تغيرت مررة
المهم ي قلبي طولي بالك وأسألي الله ان يمدك بالصبر ويعينك ع تربيتها
ثاني شي طلعي صدقة بنية ان ربي يهديها
شغلي سورة البقرة في البيت
الجوال الجوال دمااااار وكان يزيد بنتي نكد وعصبية فبديت أسحبة حبة حبة منها وأشغلها بألعاب التركيب والرسم
طلعيها البحر تمشي ع الرمل راح يسحب منها الشحنات ويخليها تهدأ
وشوفيها لو عندها أمساك برضة يخلي الطفل نكدي وعصبي
ألعبي معاها كل يوم عشر دقايق
اهدئ انت حتى لو كنتي بقمة العصبية توضي وتعوذي من الشيطان وتذكري انها طفلة لاحول ولا قوة لها

ي عمري هم الاطفال يحبون العناد وخصوصا بعمر بنتك يبي لك تسايسينها
وحس البنوتات عنيدين اكثر من الاولاد
بنتي كانت عنيده هبلت في وفي ابوها وذا بغت شي لازم يجاب لها لو ايش
بس هلحين بسم الله عليها كبرت وتغيرت وصارت حنونه وطيوبه بس ماكنت اصربها ابد
بنتك احتويها ضميها حسسيها انك تحبينها واضح تغار من اخوها الصغير
على النوم عندك خليها تنام عندك وذا نامت شيليها على سرريرها
يبي لك بس تعرفين كيف تعاملين معها
حرام لتضربينها ولا تقسين عليها هذي بنتك اذا متحملتيها مين يتحملها

وعليكم السلام ، لاحول ولاقوة الا بالله انتي امها وتقولين عنها كذا وحملتيها صفات نكديه وزنانه وهي لسى مادخل عمرها ٣ سنوات ! ياويلك من الله الاطفال مسؤوليه والا ليه الله يقول الجنه تحت اقدام الامهات! لان الامومه سهله!الاطفال يطيعون امهم؟ طبعا لا ، الامومه صعبه تأكدي واذا انتي مو قد عدد معين من الاطفال لا تنجبين! عذرك معك ماتقدرين تتحملين ، بنتك لسى ماتعدت ٣ سنوات لو ايش ماقلتي الحق مو معك الا معها هذي طفله للحين ماتفهم ولا تعرف الصح من الغلط وتراها بنت حساسه لا تقولين قدامها وقدام اخوانها نكديه وزنانه وتصرخين عليها لا تعقدينها الله يصلحك وترا انتي اكبر منها وانتي ام كبري عقلك عنها بعض الامهات تحط راسها براس الطفل يا انا يا انت نمشي كلامنا لا حبيبتي العناد مع الاطفال مايمشي انتي كذا تخربين شخصية بنتك بيدك ، اذا وصل عمرها ٦ سنوات وتصرفاتها كذا معك حق تتشكين اما الحين هذي طفله المطلوب منك انتي تحتوينها وتصبرين لين تكبر شوي وقتها ربيها وصارخي اذا تبين شي راجعلك ، الله يصلحها ويصلحك ويهديكم 💗 اعتذر منك اذا كلامي ضايقك بس هذي نصيحتي لوجه الله