انا بشعة وشينة ومو جميييييلة

كيفكم بنوتااات عساكم بخير!!؟ملاحظين كثرة المواضيع انا مو جميلة انا بشعة انا شينة وانا وانا وانا وتجي صاحبة الموضوع تكتب لك مواصفات ملكة جمال طويلة بيضاء وعيون واسعة وووووووو الخ وفي الاخير انا احس اني مو حلوة او كيف اكون حلوة ياجماعة الخيييير الموضوع يا ست الحسن والجمال تبغى مدح يا مافي ثقة يا خلاااص خلصت المشاكل الجد وبقى الشكل الخارجي يعني الواحد لو يفكر بس في نعم الله عليه من صحة واسلام وانه عنده من النعيم ماغيره يتمنى نصفه لشعر بالخجل والله ،،اه يابنات ماشفنا كيف مريضين الكلى يتعذبو وقت الغسيل وانتي مو عاجبك جسمك ومريض السرطان يتقطع من الم الكيماوي وانتي مو عاجبك لونك وبشرتك او شعرك و و وو ماشفنا مصايب الناس الحقيقة المفروض نستحسي من ربنا على قد ايش هو منعم علينا ونحن بنهتم في المناظر والجمال وناسين الجوهر والمضمون وتذكري ياعسل انه الله ينظر لقلوبكم ولا ينظر لصوركم فاكتفي برضا الله ليرضى عنك ويجملك في اعين الناس وعين نفسك ودمتم بود جميلات حواء:)