انتي معك ولد وهو معه اولاد
الوضع يحتاج انك تسألين عن اطباعه واخلاقه واسلوبه مع الناس واستخيري


بالنسبه لاخواتك قفلي اذانك عنهم كل وحده في حضن زوجها مرتاحه ومايبونك تتزوجين عشان مايشيلون هم الوالده ويبلشون فيها وبرعايتها هذا قمة الانانيه
اذا جاك نصيبك وانتي موافقه وامك موافقه توكلي على الله
بعد عمر طويل بتبقين لحالك مالك سند ولازوج خاصة انك كنتي تتمنين الزواج والفرص تجيك ماشاء الله بعدين احتمال تنقطع عنك الفرص


لا تكونين ضعيفه ومسلمه امرك لغيرك حتى لو كانو اخواتك
اتحدى لو وحده من خواتك تترك زوجها وتجلس مع امك وتقول بخدم امي واترك الزواج

لولا العيب كان نصحتك تتمردين عشان يخافون منك ومن الفضيحه ويزوجونك
اطلعي ولا ترجعين البيت الا متأخر ولا تعلمين وين رحتي وجيتي وطول وقتك مكالمات لو كذب خليهم يشكون فيك عشان يحسون بحجم المصيبه اللي يجرونك لها
ودايما اشتكي من المصروف والحاجه
واخواتك لو فيهم خير ماسحبوا على امك ونامو بحضن ازواجهم
الام لها حق والبنت لها حق
والزواج حق من حقوقك طالما لك رغبه فيه

ادعي حبيتي ان يكون من نصيبك و عليج بقيام الليل
و ربنا يجعله من نصيبك ما عليج من اخوانج و خواتج
هم متأكدين انج مستحيل تاخذين الشايب اللي قد يدج
هذا اسلوب تطفيش
خليج حازمه لين متى يمشونج ع كيفهم

قولي لصديقتك انك موافقه بعدماتستخيرين
وقوليلها عن خواتك ان ممكن يخربون عليك ..
واستمري بالزواج غصبن عنهم ماعليك منهم غيرانات مايبونك تفرحين

خلاص مدام اخواتك كذا تفكيرهم ماعليك منهم فكري بنفسك من اليوم ولنفسك
انت انسانه ومن حقك الزواج والحمدلله حلال لك
واذا اخواتك قالوا لك كلام زي كذا مره ثانية قولي : حرام اتزوج ؟ بس اساليهم .. بس جابوا ربي محرم علي الزواج او حلال ؟
اذا قالوا حلال
قولي : اجل من انتم تحرمون ما أحل الله !
**************
اهم شي الرجال اسالوا عنه حتى لو هو اخو صديقتك ياما تندموا ناس وتطلقوا وطاحوا في رجال امراض عقلية وجسدية ونفسية والسبب : اخو صديقتي وواثقة فيها
اسالوا عنه واهم شي اعرفي اسباب طلاقة وكيف بيكون وضعك مع عياله ووضع ولد لازم فيه امور تتفقون عليها من الحين وتتفاهمون لان ترك الامور في وضعك لبعد الزواج خطأ وممكن يؤدي يا لظلمك يا لطلاقك مره ثانية
ولا تقولين قلت لزميلتي ووافقت
لااا
اخوانك يكونون فيه وتتناقشون راسكم براس الرجال منه لك
لا تخلين الامور اللي تخصكم سواليف بينكم وبين اخته
الزواج بينك وبينه والاتفاق بعد
اذا انت تبين شغالة وعياله يحتاجون اطلبيها وقولي هات وانا اشرف عليها
واذا الرجال طيب ويستاهل وسالتوا عنه بعيد عن اخته
استخيري وتوكلي على الله وبالتوفيق