انا بغيت ستر الحال وبيت يضفني انا وعيالي ... فيها شي؟ هل هذي جريمه؟

السلام
كيفكم ياحريم وبنات!!

ابي انفجر من شد الزعل والقهر لذالك مالي بالمقدمات
ياحريم انا تزوجت من 7 سنوات ورحت مع زوجي غربه مدتها 5 سنين عانيت فيها بعد الاهل والوحده والشحططه وكل شهر يارايحين سفر ياجايين
وصبرت ووقفت مع زوجي لاني احبه وقلت بكرا اجني ثمر صبري
لكن هيهات بعد ماارتفع راتبه وواصل لحد جيد زوجي ترك وظيفته ورجعنا لمدينتنا وتوظف وظيفه اقل بكثييييير وفوقها وظيفه غير مرسمه
5 سنوات وانا عايشه حياة الزهد والقحط وكل شي كنت اقول ماهو لازم وتنازلت عن رفاهيات واساسيات كثيره وكنت اقول حنا بغربه ليش الفشخره
كل شقه اسكنها لازم ينقصها شي اساسي اما غرفة نوم ونقضيها على فراش بالارض
اما مطبخ وعينكم تشوف كيف مواعيني مركومه على الارض
اما صاله مافيها الا كنبه وحده معفنه ومتفككه نتزاحم عليها عشان نجلس
ولما نقلنا لمدينتنا قلت خيره وجاء وقت الفرج الحين بعيش وسط اهلي وناسي واعوض نفسي بكل شي ماقدرنا له اول زوجنا
طبعا جينا وعشنا عند اهل زوجي وهالقرار كان غصب علي والزامي
وكل يوم اهل زوجي يوعدونا بانهم راح يبيعون بيتهم ويسكنون بدور وحنا واخوان زوجي بشقق فوقهم وعلى هالحاااااال مرت ثلاث سنين وانا ماعاد بي صبر
لكم تتخيلون طول النهار والليل امشي عند اخوان زوجي بحجابي وغطاتي
حتى الاكل اكل لحالي بطرف المجلس عشان اخوان زوجي بينما اهل وزجي كلهم على سفره وحده
طول الوقت جوووع وبحملي جاني فقر دم حاد بسبب هالشي لاني استحي ادخل اكل في مطبخهم وعيالهم في كل مكان
انحرمت لا اقدر اعزم احد او اجيب احد عندي بسبب ان البيت ماهو لي
و و و ....الخ
وش اعد وش اخلي
المهم
عندي شغاله ااجرها لان خبركم الراتب مايكفي
لكن تعبت من مشاكل الشغالات ومليت
فأقترحت على زوجي نتنازل عن الخادمه وبمبلغ التنازل ابي اسوي لي مطبخ جنب غرفتي
واسوي مدخل خاص
واسوي لبنتي غرفه لان بنتي تنام على الارض للأسف
يعني تقريبا نزود لنا غرفه ونعدل من هنا وهنا ونقدر نقول تصير شقه مصغره سوي
الى ما رب العباد يفرجها ويترسم ونقدر تستاجر
ان الوضع اللي عايشته وربي انه متعب
قمت البهذله
لكن زوجي رفض بحجة ان راتبه مايكفي ونصبر على حالنا الى ما يترسم وترسيمه للاسف يبي له سنييييين وانا صار معي طفلين والمكان ماصار يكفينا حوسه طول الوقت مهما انظف مايبين
احس بأنانيت زوجي وساعات اقول معه الحق وارجع اقول طيب انا وش ذنبي
ماقصرت لا اول ولاتالي معه متى يحس بي ويرد جزء من جمايلي معه
انتم وش رايكم
كل امانه لو كنتوا مكاني وش راح تسوون؟؟؟