انا بكريه الله يخليكم ساعددوني ... بنتي :(

السلام عليكم ورحمة الله وبركاته


كيفكم ياحلوين ان شاء الله بخير


حبايبي عندي كم مشكله مو عارفه اتصرف معاها كيف

ياليت تساعدوني حتى لو بدعوه طيبه

اول شي بنتي عمرها 7 شهور الله يحفظها ويحميها ويخليها لي قولو ااااااااااااامين :king:


1- نوم بنتي :
كان نومها قبل رمضان منتظم ماشاء الله بس من يوم دخل رمضان نومها انعفس صارت ماتنام الا بعد الفجر ونوم متقطع جداااا
في النهار تنام ربع ساعه وتصحى كل بعد كم ساعه يعني لاكن المشكله كيف ارجع انظم نومها مثل اول من الساعه 9 هي نايمه ماشاء الله



2-رضاعة بنتي :
بنتي مارضعت طبيعي فقط صناعي بسبب ظروف صحيه لي المهم هي عمرها 7 شهور ماشاء الله احط لها حليب ف الرضاعه مقدار 150 والمفروض حق عمرها احطلها 200 وشوي بس احط لها قليل و عمرررررها ماكملته يجلس 3 و 4 ساعات واغيره ماترضع زين من هي صغره كذا يعني مو شي جديد
اسويلها رضعه ثانيه تشرب شوي بس وما تكملها واكب الحليب دايم على غير فايده ماعمرها كملت رضعتها ابداااا مع العلم اني احطلها اقل من المقدار المحدد لعمرها لاني عارفه ماراح تكمله كيف اقدر اخليها ترضع تمام مع ان صحتها ماشاء الله سليمه وماتعاني من اي شي الحمدلله الله يحميها .


3- راسها :
المنطقه اللينه الي في راسها ( النافوخ ) مره الاقيه عادي بمستوى الراس ومره يكون داخل على جوااا هل هذا طبيعي ولالا ؟؟؟


4- الجلوس :
هي الان مثل مافلت لكم عمرها 7 شهور بس ماتجلس لازم امسكها عشان تسند نفسها مع اني شفت اطفال بعمرها ماشاء الله صارو يجلسون هذا طبيعي ولالا ؟؟



5- ابي علاج مجرب سواء شعبي او طبي للزكام و البلغ الله يعزكم لانها تعبانه منه



ياليت تجاوبوني حبايبي ضروووري لاني بكريه ومو عارفه اتصرف كيف :ohwe: